PostDelivery Care: డెలివరీ తర్వాత మహిళలకు కుటుంబ సహకారం

ప్రసవానంతర కాలం (PostDelivery Care) ప్రతి మహిళ జీవితంలో అత్యంత సున్నితమైన దశ. బిడ్డ పుట్టిన ఆనందం ఉన్నా, శరీరంలో జరిగే హార్మోన్ల మార్పులు, శారీరక అలసట, నిద్రలేమి, బాధ్యతలు భావోద్వేగాలను బలంగా ప్రభావితం చేసే సమయం.

హార్మోన్ల మార్పులు ఎలా ప్రభావితం చేస్తాయి?

బిడ్డ పుట్టిన వెంటనే ఎస్ట్రోజెన్, ప్రొజెస్టిరోన్ స్థాయిలు ఒక్కసారిగా తగ్గిపోతాయి.
పాలిచ్చే సమయాల్లో ప్రోలాక్టిన్ పెరుగుతుంది.
ఈ మార్పుల వల్ల భావోద్వేగ అస్థిరత, ఆందోళన, ఒత్తిడి పెరగవచ్చు.

దీని ఫలితంగా కొంతమంది మహిళలు బేబీ బ్లూస్ లేదా పోస్ట్‌పార్ట్‌మ్ డిప్రెషన్‌ను ఎదుర్కొంటారు.

హెల్సింకీ యూనివర్సిటీ పరిశోధన ఏమి చెబుతోంది?

ఫిన్లాండ్‌లోని హెల్సింకీ విశ్వవిద్యాలయం చేసిన ఒక అధ్యయనంలో కీలకంగా బయటపడిన విషయం ఏమిటంటే— డెలివరీ తర్వాత మహిళ కుటుంబ సభ్యులతో కలిసి ఉంటే, డిప్రెషన్ ప్రమాదం గణనీయంగా తగ్గిపోతుంది.

ఎందుకు కుటుంబ మద్దతు ముఖ్యం?

భావోద్వేగ సహాయం:
తల్లి ఒంటరితనాన్ని దూరం చేయడం, భరోసా ఇవ్వడం.
శారీరక సహాయం:
బిడ్డ సంరక్షణ, ఇంటి పనుల్లో సహాయం చేయడం వల్ల అలసట తగ్గుతుంది.
నిద్ర మరియు విశ్రాంతి:
కుటుంబ సభ్యులు బిడ్డను చూసుకోవడం ద్వారా తల్లికి విశ్రాంతి దొరుకుతుంది.
ఆహారపు సమతుల్యత:
ప్రసవించిన తర్వాత పోషకాహారం చాలా ముఖ్యం. కుటుంబం ఈ విషయంలో కీలక పాత్ర పోషిస్తుంది.
ఆత్మవిశ్వాసం పెరుగుతుంది:
అనుభవం ఉన్న పెద్దవాళ్లు పక్కన ఉంటే తల్లికి ధైర్యం పెరుగుతుంది.