రష్యా అధ్యక్షుడు వ్లాదిమిర్ పుతిన్(Putin Security) భారత్ పర్యటన ప్రస్తుతం అత్యంత పటిష్ఠ భద్రతా ఏర్పాట్ల మధ్య కొనసాగుతోంది. సాధారణంగా విదేశీ ప్రముఖుల భద్రతలో ఆతిథ్య దేశం ప్రధాన పాత్ర పోషిస్తుంది. అయితే పుతిన్ విషయంలో ప్రత్యేక పరిస్థితులు కనిపిస్తాయి. ఆయన ఎక్కడికి వెళ్లినా, ఎలాంటి దేశంలో ఉన్నా, రష్యా తనదైన భద్రతా వ్యవస్థను పూర్తిగా అమల్లో ఉంచుతుంది.
పుతిన్ భద్రతను(Putin Security) సమగ్రంగా పర్యవేక్షించే సంస్థ Federal Protective Service (FSO Russia). ఇది రష్యాలో అత్యంత రహస్య శక్తులతో కూడిన ఏజెన్సీల్లో ఒకటి. పుతిన్ ప్రయాణించే మార్గం, ఆయన నివసించే భవనం, భవనం చుట్టూ మానవ వలయం, ఎలక్ట్రానిక్ సర్వైలెన్స్ – ఇవన్నీ రష్యా బృందం ఆధ్వర్యంలోనే కొనసాగుతాయి. భారత భద్రతా వ్యవస్థ ఈ ప్రక్రియకు సహాయక పాత్ర మాత్రమే పోషిస్తుంది.
ఆహారం నుంచి వసతి వరకు ప్రతి అడుగు పరీక్ష
పుతిన్ భద్రతలో అత్యంత గమనించదగిన అంశం ఆయన తీసుకునే ఆహారంపై తీసుకునే ప్రత్యేక పర్యవేక్షణ. పుతిన్ మాజీ బాడీగార్డులు వెల్లడించిన వివరాల ప్రకారం, ఆయనకు అందించే ప్రతి వంటకం ముందుగా పూర్తిగా భద్రతా తనిఖీలు చేస్తారు. ఆహారం పుతిన్కు చేరే ముందు, ప్రత్యేకంగా నియమించిన రక్షణ బృందంలోని సభ్యుడు ఆ ఫుడ్ను మొదటగా టేస్ట్ చేసి, ఎలాంటి సమస్యలు లేవని నిర్ధారించిన తర్వాతే ఆయనకు అందజేస్తారు. తాను ఉండే గదిలో కూడా అత్యాధునిక సెక్యూరిటీ వ్యవస్థలు అమర్చబడతాయి. గాలి ప్రవాహం, నీటి వనరులు, ఎలక్ట్రిక్ పరికరాలు – ఇవన్నీ ప్రత్యేకంగా పరీక్షించబడతాయి. అదనంగా ఆయన పరిసరాల్లో అనుమానాస్పద సంకేతాలను గుర్తించేందుకు జామర్లు, కౌంటర్-సర్వైలెన్స్ పరికరాలు నిరంతరంగా పని చేస్తుంటాయి. ఏ దేశంలో ఉన్నా, పుతిన్ ఎలాంటి ప్రమాదం లేదా విషప్రయోగం వంటి బెదిరింపుల నుంచి పూర్తిగా రక్షణ పొందేందుకు ఈ చర్యలు అమల్లో ఉంటాయి. ఈ పర్యటనలో కూడా భారత భద్రతా సంస్థలు మరియు రష్యా FSO కలిసి అత్యంత కట్టుదిట్టమైన రక్షణ వలయాన్ని ఏర్పాటు చేశాయి. పుతిన్ సందర్శనం రాజకీయ, ఆర్థిక పరంగా ప్రాధాన్యం కలిగిఉన్నందున, భద్రతలో ఏ చిన్న లోపం కూడా చోటుచేసుకోకుండా జాగ్రత్తలు తీసుకుంటున్నాయి.
పుతిన్కు భద్రత ఎవరు చూస్తారు?
రష్యా రహస్య సంస్థ FSO.
పుతిన్ ఆహారం ఎలా పరిశీలిస్తారు?
ఆయనకు అందించే భోజనాన్ని ముందుగా బాడీగార్డ్ టేస్ట్ చేస్తాడు.
Read hindi news:hindi.vaartha.com
Epaper: epaper.vaartha.com/
Read Also:
