తెలంగాణ (TG) రాష్ట్రంలో భారీగా పెట్టుబడులు పెట్టేందుకు పలు దిగ్గజ కంపెనీలు ఆసక్తి చూపుతున్నాయి. ఈ నెల 8, 9 తేదీల్లో జరగనున్న తెలంగాణ రైజింగ్ గ్లోబల్ సమ్మిట్ (Rising Global Summit) వేదికగా రూ. వేల కోట్ల పెట్టుబడులకు సంబంధించిన 90కి పైగా పరస్పర అవగాహన ఒప్పందాలు (ఎంవోయూలు) కుదుర్చుకునే అవకాశాలు ఉన్నాయి. విద్య, నైపుణ్య, క్రీడా, పర్యాటక, పరిశ్రమల రంగాల్లో ప్రభుత్వం ఈ ఒప్పందాలు చేసుకోనుంది. ఇప్పటికే సుమారు 50 కంపెనీలు రాష్ట్రంలో పెట్టుబడులకు సంసిద్ధత తెలిపాయి.
Read Also: HYD: మద్యం మత్తులో ప్రాణాలు కోల్పోయిన యువకులు
ప్రభుత్వం ఈ సదస్సును పెట్టుబడుల ఆకర్షణకు కీలకంగా పరిగణిస్తోంది. 2047 నాటికి 3 ట్రిలియన్ డాలర్ల ఆర్థిక వ్యవస్థను సృష్టించే లక్ష్యంతో ప్రణాళికలు రచిస్తోంది. స్థిరమైన విధానాలు, ప్రపంచస్థాయి మౌలిక సదుపాయాలు, వ్యాపార సౌలభ్యం, ఆవిష్కరణ వ్యవస్థలు, మెరుగైన జీవన నాణ్యత అనే ఐదు అంశాలు తెలంగాణను ప్రపంచంలోనే అత్యుత్తమ పెట్టుబడుల గమ్యస్థానంగా మారుస్తాయనే విషయాన్ని సదస్సులో ప్రభుత్వం ప్రస్తావించనుంది.
రంగాల వారీగా కీలక ఒప్పందాలు: ఆవిష్కరణ మరియు ఉత్పత్తి
పరిశ్రమ, టెక్నాలజీ & రక్షణ:
- టీసీఎస్-టీపీజీ: రూ. 70 వేల కోట్లతో హైపర్ వాల్ట్ డేటా సెంటర్ల ఏర్పాటుపై ఒప్పందం.
- అక్విలోన్ నెక్సస్ & నార్త్స్టార్: రూ. 850 కోట్లతో ఏఐ కార్యక్రమాలు, డేటా సెంటర్ల కోసం అవగాహన.
- మైక్రోసాఫ్ట్: డేటా సెంటర్ విస్తరణకు చందన్పల్లిలో భూమి కేటాయింపు.
- హ్యుండాయ్: రూ. 8 వేల కోట్లతో జహీరాబాద్లో టెస్ట్ ట్రాక్, తయారీ ప్లాంట్ ఏర్పాటు.
- మహీంద్రా & మహీంద్రా: రూ. 400 కోట్లతో ప్లాంట్ల విస్తరణ.
- ఫాక్స్కాన్: ఫిట్ పేజీ-2 విస్తరణ ఒప్పందం.
- ఎంఎస్ఎన్, బయోలాజికల్-ఈ: రూ. 1500 కోట్లు (MSN), రూ. 200 కోట్లు (Biological-E) తో పరిశోధన అభివృద్ధి (R&D) హబ్ల ఏర్పాటు.
- లిక్సిల్ గ్రూప్ (జపాన్): రూ. 150 కోట్లతో హౌజింగ్ ఎక్విప్ తయారీ ప్లాంటు.
- సెంబ్కార్ప్ (సింగపూర్): ఇంటిగ్రేటెడ్ ఇండస్ట్రియల్ పార్కు.
- ఆల్ట్ మిన్, ఎస్సీసీఎల్, కబిల్: దేశంలోనే తొలి లిథియం రిఫైనరీ ఏర్పాటు (మొదటి దశలో 50 మిలియన్ డాలర్ల పెట్టుబడి).
- అధిరాథ్ హోల్డింగ్స్: రూ. 4 వేల కోట్లతో నేపియర్ గడ్డి ఆధారిత 25 సీబీజీ (CBG) ప్రాజెక్టుల ఏర్పాటు.
పర్యాటక, వినోద, మౌలిక సదుపాయాలు:
- ఫుడ్ లింక్ ఎఫ్ & బీ హోల్డింగ్: రూ. 3 వేల కోట్లతో ఇంటిగ్రేటెడ్ గ్లోబల్ కన్వెన్షన్ (3 హోటళ్లతో సహా).
- వంతారా రిలయన్స్ గ్రూప్: వన్యప్రాణి సంరక్షణ కేంద్రం, నైట్ సఫారీ.
- అజయ్ దేవగన్: ఫిల్మ్ సిటీ ఏర్పాటుపై ఒప్పందం.
- క్రిస్టల్ లగూన్స్ & గ్రీన్ పాంథర్స్ (USA): రూ. 850 కోట్లతో ఫ్యూచర్ సిటీలో అర్బన్ బీచ్తో కూడిన ఎంటర్టైన్మెంట్ హబ్.
- పూయిడ్రా (స్పెయిన్): కొత్వాల్ గూడలో ఆర్టిఫిషియల్ బీచ్.
క్రీడలు, విద్య మరియు నైపుణ్య రంగాలలో భాగస్వామ్యం
క్రీడలు & నైపుణ్యం:
- దుబాయ్ జీఎంఆర్ స్పోర్ట్స్ వెంచర్స్: ఫ్యూచర్ సిటీలో శాటిలైట్ స్పోర్ట్స్ సిటీ అభివృద్ధి.
- ఫిఫా ఐఎఫ్: దేశంలోనే తొలిసారిగా మహిళల, పురుషుల ఫుట్బాల్ అకాడమీల ఏర్పాటు.
- టామ్కామ్, నెక్స్వేవ్ మొబిలిటీ (జర్మనీ), అపోలో మెడ్స్కిల్స్: ఉద్యోగ అవకాశాల కల్పన మరియు నియామకాలపై ఒప్పందాలు.
సాంకేతికత & విద్యా సంస్థలు:
- హార్ట్ఫోర్డ్, జురిచ్ ఇన్సూరెన్స్, నెట్ఫ్లిక్స్, ఎల్-ఓరియల్: జీసీసీ (GCC)ల ఏర్పాటుకు అవగాహన.
- సనౌఫీ: రూ. 350 కోట్లతో జీసీసీ విస్తరణ.
- పంచ్ ఏఐ: ఏఐ టెక్ సెంటర్ ఏర్పాటు.
- యూనివర్సిటీ ఆఫ్ లండన్: హైదరాబాద్లో ఆఫ్షోర్ క్యాంపస్ ఏర్పాటు.
సమ్మిట్ ప్రత్యేక అంశాలు:
- సమ్మిట్ వేదికగా తెలంగాణ రైజింగ్ ఫండ్ను ఆవిష్కరించనున్నారు.
- దేశ తొలి సమగ్ర తారామండల్ ఆర్బిటల్ వాహన వ్యవస్థ ఏర్పాటు.
- బ్లూ ఎర్త్ క్లైమెట్తో కలిసి నెట్ జీరో ప్రాజెక్ట్.
- స్టెప్తో స్కూల్ ఆఫ్ టూరిజం కేంద్రం ఏర్పాటు.
Read hindi news:hindi.vaartha.com
Epaper: epaper.vaartha.com/
Read Also:
