Gold Rate 03/12/25 : భారత్లో బంగారం ధరలు వరుసగా రెండో రోజూ తగ్గాయి. బంగారంతో పాటు వెండి ధరల్లో కూడా స్వల్ప తగ్గుదల నమోదైంది. దేశ రాజధాని ఢిల్లీతో పాటు పట్నా, లక్నో సహా 10 ప్రధాన నగరాల్లో బంగారం, వెండి తాజా ధరలు ఇదే విషయాన్ని సూచిస్తున్నాయి.
మంగళవారం ఢిల్లీలో 24 క్యారెట్ బంగారం 10 గ్రాముల ధర ₹10 తగ్గగా, 22 క్యారెట్ బంగారం కూడా అంతే తగ్గింది. గత రెండు రోజుల్లో 24 క్యారెట్ బంగారం మొత్తం ₹610 వరకు తగ్గగా, 22 క్యారెట్ బంగారం ధర ₹560 వరకు పడిపోయింది.
వెండి ధరల విషయానికి వస్తే, ఒక రోజు స్థిరంగా ఉన్న తర్వాత మంగళవారం ఒక్క కిలో వెండి ధర ₹100 తగ్గింది. ప్రస్తుతం ఢిల్లీలో వెండి ధర కిలోకు ₹1,87,900గా ఉంది.
నగరాల వారీగా బంగారం ధరలు
దేశంలోని ప్రధాన 10 నగరాల్లో 10 గ్రాముల బంగారం ధరలు ఇలా ఉన్నాయి:
ఢిల్లీలో 22 క్యారెట్ బంగారం ₹1,19,190 కాగా 24 క్యారెట్ ₹1,30,010గా ఉంది. ముంబై, కోల్కతా , బెంగళూరు, హైదరాబాద్ నగరాల్లో 22 క్యారెట్ ధర ₹1,19,040 కాగా 24 క్యారెట్ ధర ₹1,29,860 వద్ద ఉంది. చెన్నైలో బంగారం ధరలు ఇతర నగరాలతో పోలిస్తే ఎక్కువగా ఉండి, 22 క్యారెట్ ₹1,20,390, 24 క్యారెట్ ₹1,31,340గా నమోదయ్యాయి. లక్నో, జైపూర్, పట్నా, అహ్మదాబాద్ నగరాల్లో కూడా స్వల్ప తేడాలతో ధరలు కొనసాగుతున్నాయి.
Latest News: Bandi Sanjay: రేవంత్ వ్యాఖ్యలపై బండి సంజయ్ ఫైరింగ్
వెండి ధరల పరిస్థితి (Gold Rate 03/12/25) :
వెండి ధరల కదలికను పరిశీలిస్తే, ఒక రోజు ముందు ధరలు (Gold Rate 03/12/25) స్థిరంగా ఉండగా, అంతకు ముందు రోజు కిలోకు ₹3,000 వరకు పెరిగాయి. అంతకుముందు ఐదు రోజుల్లో వరుసగా వెండి ధరలు కిలోకు సుమారు ₹22,000 వరకు పెరిగిన విషయం గమనార్హం.
ప్రస్తుతం ఢిల్లీ, ముంబై, కోलकతా నగరాల్లో వెండి ధర కిలోకు ₹1,87,900గా ఉండగా, చెన్నైలో మాత్రం అత్యధికంగా ₹1,95,900 వద్ద కొనసాగుతోంది.
భవిష్యత్ ధోరణి (Gold Rate 03/12/25) :
గోల్డ్మాన్ సాక్స్ నిర్వహించిన సర్వేలో పాల్గొన్న సుమారు 70 శాతం గ్లోబల్ ఇనిస్టిట్యూషనల్ ఇన్వెస్టర్లు 2026 నాటికి బంగారం ధరలు మరింత పెరిగే అవకాశాలున్నాయని అభిప్రాయపడ్డారు. కొందరు నిపుణులు బంగారం ధర ఔన్స్కు $5,000ను దాటుతుందని అంచనా వేస్తున్నారు.
JP మోర్గాన్ కూడా బంగారంపై పాజిటివ్ అవుట్లుక్ వ్యక్తం చేస్తూ, వచ్చే ఏడాది చివరికి ఔన్స్కు $5,055 వరకు చేరే అవకాశం ఉందని తెలిపింది. అలాగే మోర్గాన్ స్టాన్లీ ప్రకారం, బంగారం ధర ఔన్స్కు సుమారు $4,400 వద్ద స్థిరపడే అవకాశం ఉంది.
Read hindi news: https://hindi.vaartha.com
Epaper : https://epaper.vaartha.com/
