డొనాల్డ్ ట్రంప్(Donald Trump) తాజాగా ప్రకటించిన “థర్డ్ వరల్డ్(Third World) దేశాల నుంచి వలసలను అరికడతాం” అనే వ్యాఖ్య మళ్లీ అంతర్జాతీయంగా ఈ పదంపై చర్చను తెరపెట్టింది. ప్రస్తుతం ఈ పదం రాజకీయంగా సున్నితమైనదిగా పరిగణించబడుతున్నా, దీని ఉద్భవం శీతయుద్ధ కాలంలోనిది. ఆ సమయంలో ప్రపంచ దేశాలను మూడు వర్గాలుగా విభజించారు.
Read also: Cyclone Ditwah Effect in AP : కోస్తా, రాయలసీమలో భారీ వర్షాలు
అమెరికా, నాటో మిత్ర దేశాలు ఫస్ట్ వరల్డ్, సోవియట్ యూనియన్ అనుబంధ దేశాలు సెకండ్ వరల్డ్గా పరిగణించబడ్డాయి. ఏ బ్లాక్కూ చెందినవి కాని, ముఖ్యంగా ఆసియా, ఆఫ్రికా, లాటిన్ అమెరికా దేశాలను ఆర్థికంగా వెనుకబడినవిగా భావించి థర్డ్ వరల్డ్ అని పిలిచేవారు. కాలక్రమేణా ఈ పదం పేదరికం, అభివృద్ధి లోపం, వనరుల కొరత వంటి అంశాలకు ప్రతీకగా మారిపోయింది.
UN జాబితాలో ఎన్ని దేశాలు? భారత్ స్థానం ఏమిటి?
ప్రస్తుతం ఐక్యరాజ్యసమితి అతి తక్కువ అభివృద్ధి చెందిన దేశాల (Least Developed Countries – LDCs) అధికారిక జాబితాను నిర్వహిస్తోంది. పాత “థర్డ్ వరల్డ్”(Third World) పదానికి ప్రత్యక్ష సంబంధం ఏమీ లేకపోయినా, అభివృద్ధిలో వెనుకబడిన దేశాల పరిస్థితిని అంచనా వేసేందుకు ఈ జాబితా ఉపయోగపడుతోంది. UN LDCs జాబితాలో ప్రస్తుతం 44 దేశాలు ఉన్నాయి. ఇందులో ఎక్కువగా ఆఫ్రికా దేశాలే ఉండగా, కొన్ని ఆసియా దేశాలు కూడా ఉన్నాయి. అయితే ముఖ్యమైన విషయం ఏమిటంటే – భారత్ ఈ జాబితాలో లేదు. భారతదేశం అభివృద్ధి చెందుతున్న దేశంగా వర్గీకరించబడింది. ఆర్థిక వృద్ధి, పరిశ్రమలు, మౌలిక వసతుల పురోగతి కారణంగా భారత్ను LDCగా పరిగణించరు. అందువల్ల “థర్డ్ వరల్డ్ దేశం” అనే వర్ణన భారతదేశానికి వర్తించదు.
‘థర్డ్ వరల్డ్ దేశాలు’ అంటే ఏమిటి?
శీతయుద్ధ సమయంలో రెండు బ్లాకులకు సంబంధించినవి కాని, ప్రధానంగా ఆఫ్రికా–ఆసియా–లాటిన్ అమెరికాలోని పేద, అభివృద్ధి చెందని దేశాలు.
ఈ పదం ఇప్పటికీ వాడుతారా?
ముఖంగా రాజకీయంగా అసమర్థమైన పదంగా పరిగణిస్తారు. UN ప్రస్తుతం LDCs లాంటి వర్గీకరణలను మాత్రమే అధికారికంగా ఉపయోగిస్తుంది.
Read hindi news: https://hindi.vaartha.com
Epaper : https://epaper.vaartha.com/
