Ziddi Ishq: 'జిద్దీ ఇష్క్ ' సిరీస్ రివ్యూ!

ఓటీటీలో వరుసగా హిట్ వెబ్‌సిరీస్‌లతో ప్రేక్షకులను ఆకట్టుకుంటున్న అదితి పోహంకర్,(Ziddi Ishq) ఇప్పుడు మరో బలమైన పాత్రతో ప్రేక్షకుల ముందుకు వచ్చింది. ఆమె నటించిన తాజా సిరీస్ ‘జిద్దీ ఇష్క్’ ఇటీవల స్ట్రీమింగ్ ప్రారంభమై మంచి హైప్‌ను సృష్టిస్తోంది.

రాజ్ చక్రవర్తి దర్శకత్వం వహించిన ఈ సిరీస్ మొత్తం 7 ఎపిసోడ్స్ కలిగి, 7 భాషల్లో ప్రేక్షకులకు అందుబాటులోకి వచ్చింది. నవంబర్ 21 నుంచి జియో హాట్‌స్టార్లో సిరీస్ స్ట్రీమింగ్ జరుగుతోంది. ప్రేమ, మిస్టరీ, సస్పెన్స్, యాక్షన్‌ల మేళవింపుతో కథ సాగుతూ ప్రేక్షకులను మొదటి ఎపిసోడ్ నుంచే ఆకట్టుకునే విధంగా రూపొందించారు.

కథ

మెహుల్ (అదితి పోహంకర్)(Aaditi Pohankar) ఓ సాధారణ మధ్యతరగతి అమ్మాయి. (Ziddi Ishq) తల్లి తండ్రి, తమ్ముడు నీల్‌తో కలిసి కోల్‌కతాలోని ఒక చిన్న ఇంట్లో జీవిస్తుంటుంది. పక్కనే ఉన్న ఇంటిలో శేఖర్ (పరమబ్రత ఛటర్జీ) తన తల్లితో కలిసి ఉంటాడు. సరళమైన జీవనశైలి, మంచితనం, వినయం ఇవన్నీ మెహుల్‌ను శేఖర్ వైపు ఆకర్షిస్తాయి. ఇద్దరి మధ్య ఉన్న చిన్న చిన్న పరిచయాలు ప్రేమగా మారతాయి.అయితే ఒక రోజు పోలీసులు శేఖర్‌ను అరెస్ట్ చేస్తారు. ఆ ఘటన తర్వాత అతను ఆత్మహత్య చేసుకున్నాడనే వార్త మెహుల్ ప్రపంచాన్ని కుదిపేస్తుంది. శేఖర్ మరణం వెనుక ఉన్న రహస్యం తెలుసుకోవడానికి బయలుదేరిన మెహుల్, సిద్ధార్థ్ రాయ్ అనే శక్తివంతమైన వ్యాపారవేత్తతో జోడుకావాల్సి వస్తుంది. అతని గతం, సంస్థలో పనిచేసిన సయాంతిక అదృశ్యం, శేఖర్ మరణానికి దారితీసిన సంఘటనలు ఒక్కొక్కటిగా బయటపడుతూ కథను మరింత ఆసక్తికరంగా మార్చేస్తాయి.

సస్పెన్స్, యాక్షన్, ఎమోషన్…స్క్రీన్‌ప్లే

దర్శకుడు కథా నేపథ్యం, పాత్రల మధ్య సంబంధాలను అద్భుతంగా మేళవించారు. ప్రతి ఎపిసోడ్‌లోనూ ఒక కొత్త ఆసక్తి పుట్టేలా స్క్రీన్‌ప్లేను నిర్మించారు.

మెహుల్ పాత్రలో అదితి పోహంకర్ ధృఢ సంకల్పం, బాధ, కోపం—ఇవన్నీ అద్భుతంగా చూపించారు.
శేఖర్ పాత్రలో పరమబ్రత చూపించిన నైపుణ్యం కథలో భావోద్వేగాన్ని పెంచింది.
ప్రతినాయకుడిలా కనిపించే సిద్ధార్థ్ రాయ్ పాత్ర కథలో ప్రధాన మలుపులకు కారణమవుతుంది.

యాక్షన్ సీన్స్ రియలిస్టిక్ గా ఉండటం, ఎమోషనల్ సన్నివేశాలు ఓవర్‌గా కాకుండా సహజంగా ఉండటం ఈ సిరీస్ ప్రధాన బలాలు.

సిరీస్ టెక్నికల్ టీమ్ కూడా సమర్ధవంతంగా పని చేసింది.