ముంబైలో(Mumbai) సోమవారం, నవంబర్ 17న, భారీ ఇంధన సంక్షోభం ఏర్పడింది. రాష్ట్రీయ కెమికల్స్ అండ్ ఫెర్టిలైజర్స్ (RCF) ప్రాంగణంలో ఉన్న ప్రధాన గ్యాస్ పైప్లైన్, థర్డ్ పార్టీ కారణంగా దెబ్బతినడం వల్ల సమస్య మొదలైంది. ఈ నష్టం వడాలా గేట్ స్టేషన్ (MGL CGS) కి వెళ్లే గ్యాస్ సరఫరాపై గణనీయ ప్రభావం చూపింది. వడాలా, ముంబైకి సిఎన్జీ సరఫరా చేసే ప్రధాన కేంద్రం కాబట్టి, పైప్లైన్ సమస్యతో నగరంలోని అనేక CNG స్టేషన్లు పని చేయడం ఆపాయ్. ఎంజీఎల్ ప్రకారం, ఆదివారం మధ్యాహ్నం నుంచే పైప్లైన్ సమస్య వల్ల సరఫరా అంతరాయం మొదలైంది. RCF కాంపౌండ్లోని ప్రధాన పైప్లైన్ దెబ్బతినడం వలన వడాలా CGSకి గ్యాస్ సరఫరా తీవ్రంగా ప్రభావితమైంది. అయితే, దేశీయ PNG వినియోగదారులకు గ్యాస్ సరఫరాలో ఎటువంటి అంతరాయం ఏర్పడలేదు అని MGL స్పష్టం చేసింది.
Read Also: Avatar3:భారీ అంచనాలు రేకెత్తిస్తున్న ‘Avatar: Fire and Ash’
పబ్లిక్ ట్రాన్స్పోర్ట్ కోసం ప్రత్యేకంగా సరఫరా
ఈ పరిణామం వలన ముంబై, థానే, నవీ ముంబైలో ఎక్కువ CNG స్టేషన్లు నిలిచిపోయాయి. పబ్లిక్ ట్రాన్స్పోర్ట్ కోసం ప్రత్యేకంగా సరఫరా చేసే పంపులు కూడా నిలిచాయి. నగరంలోని సుమారు 130-140 CNG స్టేషన్లలో చాలా వరకు ఉదయం నుంచే కార్యకలాపాలు నిలిచాయి. పెట్రోల్ డీలర్స్ అసోసియేషన్ (ముంబై) అధ్యక్షుడు చేతన్ మోడి చెప్పారు, “సరఫరా ఒత్తిడి కారణంగా ఉదయం నుంచే చాలా పంపులు మూసివేయాల్సి వచ్చింది. RCF పైప్లైన్ మరమ్మతులు రోజంతా పట్టవచ్చని MGL అధికారులు తెలిపారు.” CNG కొరత కారణంగా స్కూల్ బస్సుల కార్యకలాపాలు కూడా ప్రభావితమయ్యాయి. స్కూల్ బస్ ఆపరేటర్ల సంఘం నేత అనిల్ గార్గ్ పేర్కొన్నారు, “చాలా బస్సులు ఇంధనం లేకుండా నిలిచిపోయాయి. కొన్ని రూట్లను కలిపి రవాణా నిర్వహించాల్సి వచ్చింది.”
ఆటో డ్రైవర్లు కూడా ఇబ్బందులు ఎదుర్కొన్నారు. సుఫియాన్ ఖాన్ అనే ఆటో యజమాని చెప్పారు, “ఇంధనం కోసం క్యూలు చాలా పొడవుగా ఉన్నాయి, సాధారణంగా సాయంత్రం 5.30కి పని ముగిస్తాను, కానీ ఇప్పుడు తెల్లవారకముందే ఇంధనం నింపాల్సి వచ్చింది.” CNG కొరత వలన నగర రవాణా వ్యవస్థపై ఒత్తిడి పెరిగింది, మరియు ఓలా, ఉబర్ చార్జీలు గణనీయంగా పెరిగాయి. ఉదాహరణకు, మీరా రోడ్ నుండి BKC కి సాధారణంగా రూ. 400-450లో పూర్తయ్యే ప్రయాణం ఆదివారం రూ. 600కి పైచెందింది. MGL ప్రతినిధులు తెలిపారు, పైప్లైన్ మరమ్మతులు పూర్తయిన తర్వాత వడాలా CGSకి గ్యాస్ సరఫరా తిరిగి వస్తుంది, మరియు నగరంలో CNG పంపిణీ క్రమంగా సాధారణ స్థితికి చేరుకుంటుంది. సాయంత్రానికి కొంతవరకు సరఫరా పునరుద్ధరించబడింది.
Read hindi news : hindi.vaartha.com
Epaper : epapervaartha.com
Read Also:
