గుజరాత్లో అదానీ (Gautam adani) గ్రూప్ పునరుత్పాదక ఇంధన రంగంలో మరో పెద్ద అడుగు వేస్తోంది. ఖావ్డా ప్రాంతంలో దేశంలోనే అతి పెద్ద బ్యాటరీ ఎనర్జీ నిల్వ ప్రాజెక్ట్ (Battery Energy Storage System – BESS) ను నిర్మించేందుకు ప్రణాళికలు రూపొందించింది. ఈ ప్రాజెక్ట్ను మార్చి 2026 నాటికి పూర్తి చేయాలని లక్ష్యంగా పెట్టుకుంది. ఇది పూర్తయిన తర్వాత భారతదేశంలోనే కాకుండా ప్రపంచ వ్యాప్తంగా అతి పెద్ద సింగిల్-లొకేషన్ బ్యాటరీ నిల్వ సదుపాయాల్లో ఒకటిగా నిలుస్తుందనే అంచనాలు ఉన్నాయి. ఈ ప్రాజెక్ట్ ప్రధాన ఉద్దేశ్యం సౌర, పవన విద్యుత్ ఉత్పత్తిని నిల్వ చేసి, విద్యుత్ సరఫరా స్థిరత్వాన్ని పెంచడం.
Read also: Delhi Blast:ఎవ్వరినీ వదలం – ఢిల్లీ పేలుడు దుండగులపై మోదీ హెచ్చరిక
Adani Group: గుజరాత్లో అతి పెద్ద బ్యాటరీ ప్రాజెక్ట్కు రంగం సిద్ధం
500 గిగావాట్ల పచ్చ విద్యుత్
అదానీ గ్రూప్ ఇప్పటికే ఖావ్డాలో భారీ పునరుత్పాదక ఇంధన సముదాయాన్ని (Renewable Energy Hub) అభివృద్ధి చేస్తోంది. ఈ ప్రాజెక్ట్ ప్రారంభ దశలో 20 గిగావాట్ గంటల (GWh) సామర్థ్యంతో ప్రారంభమై, ఐదు సంవత్సరాల్లో 50 GWh వరకు విస్తరించనుంది. బ్లూమ్బెర్గ్ఎన్ఇఎఫ్ (BloombergNEF) నివేదిక ప్రకారం, ప్రస్తుతం భారతదేశంలో బ్యాటరీ నిల్వ సామర్థ్యం 800 మెగావాట్ల సమీపంలో ఉంది. అయితే దేశం 2030 నాటికి 500 గిగావాట్ల పచ్చ విద్యుత్ లక్ష్యాన్ని చేరుకోవాలని భావిస్తోందని, ఈ నేపథ్యంలో ఇలాంటి ప్రాజెక్టులు కీలకమవుతున్నాయని నిపుణులు అంటున్నారు. ఈ ప్రాజెక్ట్ ద్వారా భారత్ పునరుత్పాదక ఇంధన రంగంలో ప్రపంచ స్థాయి పోటీదారుగా ఎదగనుంది.
Read hindi news: hindi.vaartha.com
Epaper : epaper.vaartha.com/
Read Also:
