ఇంగ్లాండ్లో(England) శనివారం అర్ధరాత్రి రైలులో జరిగిన కత్తి దాడి ఘటనతో తీవ్ర కలకలం చెలరేగింది. కేంబ్రిడ్జ్షైర్లో లండన్ నుండి హంటింగ్డన్కి వెళ్తున్న రైలులో దుండగులు ప్రయాణికులపై విచక్షణారహితంగా దాడి చేశారు. ఈ ఘటనలో మొత్తం 10 మంది గాయపడ్డారు. వారిలో తొమ్మిది మందిని తీవ్ర గాయాలతో ఆసుపత్రికి తరలించినట్లు పోలీసులు తెలిపారు.
Read Also: Operation Safed Sagar: ఆపరేషన్ సఫేద్ సాగర్ ట్రైలర్ లో హైలైట్స్ ఇవే!
రైలులో భయాందోళన – ప్రయాణికులు వాష్రూమ్లలో దాక్కున్నారు
సాక్షుల ప్రకారం, రైలులో ప్రయాణిస్తున్న ఒక వ్యక్తి ఆకస్మాత్తుగా కత్తితో దాడి ప్రారంభించాడు. భయంతో పలువురు ప్రయాణికులు వాష్రూమ్లలో దాక్కుని ప్రాణాలు దక్కించుకున్నారు. ఈ ఘటన లండన్ కింగ్స్ క్రాస్ స్టేషన్ వైపు వెళ్తున్న రైలులో చోటుచేసుకుంది.
పోలీసుల వేగవంతమైన చర్య – ఇద్దరు దుండగులు అదుపులో
దాడి సమాచారం(England) అందుకున్న వెంటనే బ్రిటిష్ ట్రాన్స్పోర్ట్(British Transport) పోలీసులు చర్యల్లోకి దిగారు. హంటింగ్డన్ స్టేషన్ వద్ద రైలును ఆపి, ఇద్దరు అనుమానితులను అరెస్ట్ చేశారు. ప్లాట్ఫారమ్పై కత్తి పట్టుకుని ఉన్న వ్యక్తిని టేజర్ సహాయంతో అదుపులోకి తీసుకున్నారని ప్రత్యక్ష సాక్షులు తెలిపారు. ఈ దాడిని “మేజర్ ఇన్సిడెంట్”గా ప్రకటించి, ఉగ్రవాద నిరోధక విభాగం దర్యాప్తులో భాగమైంది.
ప్రధాని స్టార్మర్ స్పందన – బాధితులకు భరోసా
బ్రిటిష్ ప్రధాని కీర్ స్టార్మర్ ఈ ఘటనను తీవ్రంగా ఖండించారు. గాయపడిన వారికి అత్యుత్తమ వైద్యం అందించాలని అధికారులను ఆదేశించారు. బాధిత కుటుంబాలకు సానుభూతి తెలియజేసిన ఆయన, వేగంగా స్పందించిన పోలీసులకు మరియు అత్యవసర సేవా సిబ్బందికి కృతజ్ఞతలు తెలిపారు.
బ్రిటన్లో పెరుగుతున్న కత్తి దాడులు – ఆందోళనలో ప్రభుత్వం
ఇటీవలి సంవత్సరాల్లో యూకేలో కత్తి దాడుల కేసులు గణనీయంగా పెరిగాయి. ప్రభుత్వ గణాంకాల ప్రకారం, గత ఏడాది ఇంగ్లాండ్ మరియు వేల్స్లో 50,000కి పైగా కత్తి దాడి కేసులు నమోదయ్యాయి — ఇది 2013తో పోలిస్తే దాదాపు రెండింతలు. హోం శాఖ ప్రకారం, 60,000 కత్తులు స్వాధీనం చేసుకున్నారని, రాబోయే పదేళ్లలో కత్తి నేరాలను సగానికి తగ్గించడం లక్ష్యమని ప్రభుత్వం తెలిపింది.
న్యాయపరమైన కఠిన చర్యలు
బహిరంగ ప్రదేశంలో కత్తి కలిగి ఉండటం లేదా దాన్ని ఉపయోగించడం నాలుగు సంవత్సరాల వరకు జైలు శిక్షకు దారితీయవచ్చు. అయితే, గత సంవత్సరం కత్తులతో హత్యల రేటు 18 శాతం తగ్గినట్లు తాజా నివేదికలు సూచిస్తున్నాయి.
Read hindi news: hindi.vaartha.com
Epaper: epaper.vaartha.com/
Read Also:
