సుప్రీంకోర్టు తీర్పు తర్వాత టీచర్లకూ టెట్ అవకాశం
అమరావతి : ఆంధ్రప్రదేశ్లో టీచర్ ఎలిజిబిలిటీ టెస్ట్ (AP TET) నోటిఫికేషన్ త్వరలో విడుదల కానుంది. రాష్ట్ర పాఠశాల విద్యాశాఖ ఈ విషయాన్ని అధికారికంగా ప్రకటించింది. సుప్రీంకోర్టు (Supreme Court) తాజా తీర్పు నేపథ్యంలో, ప్రస్తుతం సర్వీసులో ఉన్న టీచర్లకు కూడా ఈసారి టెట్ పరీక్ష రాసే అవకాశం కల్పించాలని నిర్ణయం తీసుకుంది.
తాజా నోటిఫికేషన్ ప్రకారం, ప్రభుత్వ ఉపాధ్యాయులు మరియు నిరుద్యోగ అభ్యర్థులు ఇద్దరూ టెట్కు హాజరు కావచ్చు. 2011కు ముందు టెట్ లేకుండా నియమితులైన టీచర్లు, ఉద్యోగంలో కొనసాగాలంటే వచ్చే రెండేళ్లలో టెట్లో అర్హత సాధించాల్సి ఉంటుంది. ఐదేళ్లలో పదవీ విరమణ పొందబోయే వారికి ఈ నిబంధన నుంచి మినహాయింపు ఉన్నప్పటికీ, వారు పదోన్నతి పొందాలంటే టెట్ ఉత్తీర్ణత అవసరం. సుప్రీంకోర్టు సెప్టెంబర్ 1న వెలువరించిన తీర్పు ప్రకారం, 2011కు ముందు ఎంపికైన అన్ని టీచర్లు టెట్లో ఉత్తీర్ణులు కావాలి. ఈ నేపథ్యంలో పాఠశాల విద్యాశాఖ నవంబర్లో జరగనున్న టెట్లో వారికి అవకాశం కల్పించాలని నిర్ణయించింది. ఇదే అంశంపై అధికారులు సమీక్షలు జరిపి తుది నిర్ణయం తీసుకున్నారు.
Read also: ఇంటర్ వార్షిక పరీక్షలు ఫిబ్రవరిలోనే ప్రారంభం
నవంబర్ టెట్లో 45 శాతం అర్హత మార్కులు తప్పనిసరి
బీఈడీ పూర్తి చేసిన అభ్యర్థులు టెట్ (AP TET) రాయాలంటే కనీసం 45 శాతం మార్కులు సాధించి ఉండాలి. గత కొన్నేళ్లుగా ఈ నిబంధన సడలింపుతో 40 శాతం మార్కులు ఉన్నవారికీ అవకాశం ఇచ్చారు. అయితే ఈ ఏడాది నవంబర్ టెట్ నుండి 45 శాతం అర్హత మార్కులు తప్పనిసరి అవుతాయని శాఖ ప్రకటించింది.
2011కు ముందు ఎస్జీటీల అర్హతలు మరియు 2011 తర్వాత మార్పులు వచ్చిన ప్రమాణాల మధ్య తేడాలు కొనసాగుతున్నాయి. ప్రస్తుతం సర్వీసులో ఉన్న ఉపాధ్యాయులకు కనీస విద్యార్హతల ప్రమాణాలపై మాత్రం ఇంకా స్పష్టత రావాల్సి ఉంది.
Read hindi news: hindi.vaartha.com
Epaper : epaper.vaartha.com
Read Also:
