వైఎస్సార్ కాంగ్రెస్ పార్టీ సీనియర్ నేత, ధర్మవరం మాజీ ఎమ్మెల్యే కేతిరెడ్డి వెంకటరామిరెడ్డి మరోసారి తనదైన శైలిలో వ్యాఖ్యలు చేశారు. ఇటీవల ఆయన చేసిన ప్రకటనలో “అధికారంలో ఉన్నామంటూ ఎగిరిపడితే తీవ్ర పరిణామాలు తప్పవు” అంటూ స్పష్టంగా హెచ్చరించారు. మూడు సంవత్సరాల తర్వాత “కేతిరెడ్డి 3.0” రూపంలో తన అసలు శక్తిని చూపిస్తానని అన్నారు. ఈ వ్యాఖ్యలతో ఆయన మరోసారి రాజకీయ వర్గాల్లో చర్చనీయాంశంగా మారారు. ఆయన మాటల్లో ఉన్న ధీమా, భవిష్యత్తు రాజకీయ సమీకరణాలపై సూచనలు ఉన్నాయనే భావన పార్టీ శ్రేణుల్లో కనిపిస్తోంది.
Breaking News – Application for Liquor Stores : 68,900 అప్లికేషన్లు.. మరో 30 వేలు వచ్చే ఛాన్స్
కేతిరెడ్డి తన వ్యాఖ్యల్లో “గుడ్ మార్నింగ్ ధర్మవరం” అనే కార్యక్రమంపై చేసిన విమర్శలను కూడా ప్రస్తావించారు. తాను ప్రజా సమస్యలు పరిష్కరించడానికి ముందుకు వస్తే కబ్జాల కోసమే చేస్తున్నారని విమర్శలు వచ్చాయని, కానీ ఇప్పటివరకు ఎక్కడా తాను కబ్జా చేశానని ఎవరూ చూపించలేదని స్పష్టం చేశారు. తాను చేసే ప్రతి కార్యక్రమం ప్రజల కోసం మాత్రమేనని, తనపై వేసిన ఆరోపణలు రాజకీయ ప్రేరణతో చేస్తున్నారని ఆయన పేర్కొన్నారు. తన రాజకీయ ప్రయాణం మంచితనం, క్రమశిక్షణ ఆధారంగానే సాగిందని అన్నారు.
అదే సమయంలో ఆయన “మంచితనంతో వచ్చే భక్తి కంటే భయంతో వచ్చేది ఎక్కువ కాలం ఉంటుంది” అని చేసిన వ్యాఖ్యలు గణనీయంగా మార్మోగుతున్నాయి. ఈ మాటల ద్వారా కేతిరెడ్డి రాజకీయ ప్రత్యర్థులకు స్పష్టమైన హెచ్చరికనే ఇచ్చినట్లుగా రాజకీయ వర్గాలు అంచనా వేస్తున్నాయి. త్వరలోనే తన ప్రభావాన్ని మరోసారి చాటుతానని ఆయన చెప్పడం, “MLA కావాలనుకోవడం అందుకోసమే” అని వ్యాఖ్యానించడం ద్వారా 2029 ఎన్నికలపై దృష్టి పెట్టినట్లు స్పష్టమవుతోంది. కేతిరెడ్డి ధర్మవరం రాజకీయాల్లో మళ్లీ చురుకైన పాత్ర పోషించడానికి సిద్ధమవుతున్నారనే సంకేతాలు ఈ వ్యాఖ్యల ద్వారా బయటపడ్డాయి.
Read hindi news: https://hindi.vaartha.com
Epaper : https://epaper.vaartha.com/
