తిరుమల తిరుపతి దేవస్థానం (టీటీడీ) వయోవృద్ధులు మరియు దివ్యాంగ భక్తుల దర్శన సౌకర్యాలపై సోషల్ మీడియాలో వస్తున్న తప్పుడు ప్రచారాన్ని ఖండించింది. ఈ ప్రచారంలో ఎలాంటి నిజం లేదని స్పష్టం చేస్తూ, భక్తులు అవాస్తవ వార్తలను నమ్మవద్దని విజ్ఞప్తి చేసింది. టీటీడీ అధికారుల ప్రకారం, వయోవృద్ధులు, దివ్యాంగుల కోసం ప్రత్యేక దర్శన సౌకర్యం ఎప్పటిలాగే కొనసాగుతోంది. ప్రతి నెలా ముందుగానే మూడు నెలల టికెట్ కోటాను ఆన్లైన్లో విడుదల చేస్తున్నామని తెలిపారు. రోజుకు వెయ్యి మంది భక్తులు ఈ సౌకర్యం ద్వారా స్వామి దర్శనం పొందుతున్నారని, వారికి ఉచిత లడ్డూ ప్రసాదం కూడా అందిస్తున్నామని పేర్కొన్నారు. భక్తులను ప్రతిరోజు మధ్యాహ్నం 3 గంటలకు నంబి ఆలయం వద్ద ప్రత్యేక మార్గం ద్వారా దర్శనానికి అనుమతిస్తున్నట్లు వివరించారు.
Chandrababu serious: గురుకులంలో విద్యార్థినుల అస్వస్థత, శిశు మరణం
TTD appeal
ఇక, అలిపిరి మెట్ల మార్గంలో మద్యం సేవించిన వ్యక్తులు గాజు సీసాలు పగలగొట్టి భక్తులను ఇబ్బందులకు గురి చేస్తున్నారంటూ సోషల్ మీడియాలో వస్తున్న మరో వార్తను కూడా టీటీడీ పూర్తిగా ఖండించింది. ఆ ఘటన టీటీడీ పరిధిలోని నడకమార్గంలో కాకుండా, రుయా ఆసుపత్రి దారిలో జరిగినదని అధికారులు స్పష్టం చేశారు. భక్తులు కేవలం టీటీడీ అధికారిక వెబ్సైట్లు — tirumala.org మరియు ttdevasthanams.ap.gov.in — ద్వారానే నిజమైన సమాచారాన్ని తెలుసుకోవాలని విజ్ఞప్తి చేశారు. తప్పుడు వార్తలను సృష్టించి ప్రచారం చేసే వారిపై కఠిన చట్టపరమైన చర్యలు తీసుకుంటామని హెచ్చరించారు.
సీనియర్ సిటిజన్ల దర్శనం నిలిపివేశారన్న వార్త నిజమా?
కాదు, ఆ వార్త పూర్తిగా అవాస్తవం. వయోవృద్ధులు, దివ్యాంగులకు దర్శన సౌకర్యం ఎప్పటిలాగే కొనసాగుతోంది.
రోజుకు ఎంతమంది వయోవృద్ధ భక్తులకు దర్శనం అవకాశం ఉంది?
రోజుకు సుమారు 1000 మందికి దర్శనం అందిస్తోంది టీటీడీ.
Read hindi news: hindi.vaartha.com
Read Also:
