హైదరాబాద్: అంబర్పేటలోని బతుకమ్మకుంట ప్రారంభోత్సవానికి అన్ని ఏర్పాట్లు సిద్ధమయ్యాయి. ఈ నెల 26వ తేదీ సాయంత్రం 5 గంటలకు ముఖ్యమంత్రి రేవంత్ రెడ్డి(Revanth Reddy) ఈ ప్రాజెక్టును ప్రజలకు అంకితం చేయనున్నారు. ఈ నేపథ్యంలో మాజీ ఎంపీ వి.హనుమంత రావు (వీహెచ్), హైడ్రా కమిషనర్ రంగనాథ్(Ranganath) మంగళవారం బతుకమ్మకుంటలో పర్యటించి ఏర్పాట్లను పరిశీలించారు. వీహెచ్ విజ్ఞప్తి మేరకు, కబ్జాకు గురైన బతుకమ్మకుంటను ఐదు నెలల్లోనే పునరుద్ధరించినందుకు కమిషనర్ రంగనాథ్ను వీహెచ్ అభినందించారు.
హైకోర్టు నుంచి ఆటంకాలు తొలగింపు
బతుకమ్మకుంట(Bathukammakunta) పునరుద్ధరణ, ప్రారంభోత్సవ కార్యక్రమాన్ని ఆపాలంటూ ఎడ్ల సుధాకర్ రెడ్డి వేసిన పిటిషన్పై హైకోర్టు విచారణ జరిపి, దానిని అక్టోబర్ 9కి వాయిదా వేసింది. గతంలోనే అక్కడ పనులు చేసుకోవడానికి హైకోర్టు అనుమతి ఇచ్చింది. ఈ తీర్పుతో బతుకమ్మకుంట ప్రారంభోత్సవానికి, ఉత్సవాలకు ఎలాంటి ఆటంకాలు లేవని హైడ్రా అధికారులు స్పష్టం చేశారు.
అందంగా రూపుదిద్దుకున్న బతుకమ్మకుంట
అందంగా రూపుదిద్దుకున్న బతుకమ్మకుంటలో వీహెచ్, రంగనాథ్ బోటులో ప్రయాణిస్తూ ఏర్పాట్లను పరిశీలించారు. ఈ సందర్భంగా వీహెచ్ మాట్లాడుతూ, బతుకమ్మకుంట ప్రారంభోత్సవ వేడుకలకు రాజకీయాలకు అతీతంగా ప్రజలంతా పాల్గొని విజయవంతం చేయాలని కోరారు.
బతుకమ్మకుంట ప్రారంభోత్సవం ఎప్పుడు జరుగుతుంది?
ఈ నెల 26వ తేదీ సాయంత్రం 5 గంటలకు ముఖ్యమంత్రి రేవంత్ రెడ్డి చేతుల మీదుగా ప్రారంభమవుతుంది.
బతుకమ్మకుంట పునరుద్ధరణ పనులు ఎంత కాలంలో పూర్తయ్యాయి?
కేవలం ఐదు నెలల్లోనే ఈ పనులు పూర్తయ్యాయి.
Read hindi news: hindi.vaartha.com
Read Also:
