ఇప్పటికే ఓటీటీలో ఎన్నో రకాల సినిమాలు సందడి చేస్తున్నాయి. కొత్త సినిమాలు థియేటర్లలో రిలీజ్ అవుతుంటే, డిజిటల్ ప్లాట్ఫామ్లలో ప్రతీ శుక్రవారం పదుల సంఖ్యలో సినిమాలు అందుబాటులోకి వస్తున్నాయి. ఫ్యామిలీ డ్రామా నుంచి యాక్షన్ వరకు, రొమాంటిక్ కథలనుంచి హారర్ వరకూ అన్ని రకాల సినిమాలు ప్రేక్షకుల ముందుకు వస్తున్నాయి.ప్రతీ వారం విడుదలవుతున్న సినిమాల్లో మూడు నాలుగు హారర్ సినిమాలే ఉండటం గమనించదగ్గ విషయం. భయానకమైన కంటెంట్తో తెరకెక్కిన ఈ చిత్రాలు భయంతో పాటు థ్రిల్లింగ్ అనుభవాన్ని ఇస్తాయి. ప్రస్తుతం ఓటీటీలో ఒక హారర్ సినిమా ప్రేక్షకులను బాగా ఆకట్టుకుంటోంది. ఇది చూస్తే ప్రేక్షకుల నిద్ర పోయే పరిస్థితి వస్తుందని రివ్యూలు చెబుతున్నాయి.థియేటర్ బిజారే సినిమా (The Theatre Bizarre movie)
ది థియేటర్ బిజార్ – హారర్ ఆంథాలజీ
ప్రేక్షకుల దృష్టిని ఆకర్షిస్తున్న సినిమా పేరు ది థియేటర్ బిజార్. ఇది ఒక ఆంథాలజీ హారర్ చిత్రం. అంటే, ఒక్క సినిమాలో ఆరు వేర్వేరు కథలు ఉండేలా తెరకెక్కించారు. ప్రతి కథకూ వేరే వేరే భయానక అనుభవం ఉంటుంది. కథలో ఒక యువతి ఎనోలా పెన్నీ ఒక పాత థియేటర్ను చూసి ఆకర్షితురాలవుతుంది. ఒక రోజు ఆ థియేటర్ తలుపు స్వయంగా తెరుచుకుంటుంది. ఆసక్తితో ఆమె లోపలికి వెళ్తుంది.లోపలికి వెళ్లిన ఎనోలా ఒక భయంకరమైన పప్పెట్ షోను చూస్తుంది. అక్కడ పెగ్ పోయెట్ అనే పప్పెట్ హోస్ట్ ఆమెకు ఆరు భిన్నమైన కథలు చెప్పడం మొదలు పెడతాడు. ఈ కథల్లో హారర్, డార్క్ ఫాంటసీ, గొర్ ఎలిమెంట్స్ మిక్స్ అయి ఉంటాయి. ఒక కథలో మనుషులను తినే వ్యక్తుల గురించి చూపిస్తారు. ఆ సీన్స్ చాలా రక్తపాతం, భయంకరంగా ఉంటాయి.
ఊహించని ట్విస్ట్లు
ప్రతి కథకూ వేరే వేరే క్లైమాక్స్ ఉంటుంది. కొన్ని కథలు సూపర్గా ఉండగా, మరికొన్నివి అంతగా కనెక్ట్ కాలేదని రివ్యూలు చెబుతున్నాయి. ముఖ్యంగా “స్వీట్స్” మరియు “ది అక్సిడెంట్” అనే కథలు ప్రేక్షకులను బాగా మెప్పించాయి. చివర్లో ఎనోలా ఈ అనుభవం నుంచి ఎలా బయటపడుతుందనేది ఒక ట్విస్ట్తో ముగుస్తుంది.ఈ సినిమా హారర్ అభిమానులకు ఒక మిక్స్డ్ అనుభవం ఇస్తోంది. IMDbలో ఈ సినిమాకు 5.2/10 రేటింగ్ వచ్చింది. అయినప్పటికీ, హారర్ జానర్ ఫ్యాన్స్ ఈ సినిమాను తప్పకుండా చూడాలంటూ సోషల్ మీడియాలో చర్చిస్తున్నారు. రాత్రి సమయంలో చూస్తే ఇంకా ఎక్కువ థ్రిల్ ఫీల్ అవుతుందని హారర్ లవర్స్ అంటున్నారు.
ఎనిమిది మంది డైరెక్టర్ల కృషి
ది థియేటర్ బిజార్ 2011లో విడుదలైంది. ఈ సినిమాకి ఎనిమిది మంది డైరెక్టర్లు కలిసి పని చేశారు. అందుకే ప్రతి కథకీ వేరే వేరే టేక్ కనిపిస్తుంది. ఒక కథ హారర్ స్టయిల్లో ఉంటే, మరొకటి డార్క్ ఫాంటసీగా ఉంటుంది.ప్రస్తుతం ఈ సినిమా అమెజాన్ ప్రైమ్ వీడియో, ట్యుబి వంటి ఓటీటీ ప్లాట్ఫామ్లలో అందుబాటులో ఉంది. హారర్ సినిమాలు ఇష్టపడే వారికి ఇది ఒక మంచి ఆప్షన్. భయాన్ని ఆస్వాదించే ప్రేక్షకులు ఈ సినిమాను అస్సలు మిస్ అవ్వకూడదు.
మొత్తంగా, ది థియేటర్ బిజార్ ఒక ఎక్స్పెరిమెంటల్ హారర్ సినిమా. ఊహించని కథలు, ట్విస్ట్లు, భయంకరమైన సీన్స్తో ప్రేక్షకుల దిమాక్ ఖరాబ్ చేసేలా ఉంది. హారర్ జానర్ని లవ్ చేసే వారికి ఇది ఓ మస్ట్ వాచ్ మూవీ.
Read Also :
