ప్రముఖ నిర్మాత బన్నీ వాస్ (Bunny vas) మరియు పంపిణీదారుగా గుర్తింపు పొందిన వంశీ నందిపాటి కలిసి నిర్మించిన తాజా చిత్రం ‘లిటిల్ హార్ట్స్’ సెప్టెంబర్ 5న థియేటర్లలో గ్రాండ్గా విడుదల కానుంది. ఈటీవీ విన్ ఒరిజినల్ బ్యానర్పై రూపొందిన ఈ చిత్రానికి ఆదిత్య హాసన్ నిర్మాతగా, సాయి మార్తాండ్ దర్శకుడిగా వ్యవహరించారు.
తాజా జంటగా మౌళి తనూజ్ – శివానీ నాగారం
ఈ చిత్రంలో మౌళి తనూజ్ మరియు శివానీ నాగారం జంటగా నటించగా, కొత్తదనంతో కూడిన కథనంతో వీరి పెర్ఫార్మెన్స్ ప్రేక్షకులను ఆకట్టుకుంటుందని చిత్రబృందం ధీమా వ్యక్తం చేస్తోంది.
“యువత భావోద్వేగాలకు అద్దంపట్టే సినిమా” – బన్నీ వాస్
ప్రస్తుతం యూత్ని టార్గెట్ చేసే హాస్యచిత్రాలు తగ్గిపోతున్నాయని వ్యాఖ్యానించిన బన్నీ వాస్, ‘లిటిల్ హార్ట్స్’ సినిమా 16 నుంచి 20 ఏళ్ల వయస్సు గల విద్యార్థుల జీవితాల్ని ప్రతిబింబించేలా రూపొందించామని చెప్పారు. ఇంటర్, ఎంసెట్ వంటి పరీక్షల మధ్య, కుటుంబం, చదువు, ప్రేమ, ఆకర్షణ వంటి అంశాల్ని హాస్యంతో సమ్మేళనం చేస్తూ ఈ కథ కొనసాగుతుందని వివరించారు.
“నవ్వించడమే నాకు ఇష్టం. ‘మిత్రమండలి’ తరహాలో మళ్లీ అలాంటి చిత్రాన్ని తీస్తుండటం సంతోషంగా ఉంది” – బన్నీ వాస్
“ప్రతి మనిషిలోనూ చిన్ననాటి జ్ఞాపకాలు రేపే కథ” – వంశీ నందిపాటి
ఇటీవీ విన్ కంటెంట్ ఎల్లప్పుడూ హృదయాన్ని తాకేలా ఉంటుందన్న వంశీ నందిపాటి, ‘లిటిల్ హార్ట్స్’ కూడా ఆ కోవలోనిదే అన్నారు. గతంలో విడుదలైన #90స్ ఏ మిడిల్ క్లాస్ బయోపిక్ (90s A Middle Class Biopic), ఏఐఆర్ వంటి సినిమాల మాదిరిగానే, ఇది కూడా ప్రతి ఒక్కరికీ అనుభూతులు కలిగించే కథ అని వివరించారు. ఈ చిత్రంలో హీరో తన ప్రేమను ఎలా వ్యక్తపరిచాడు అనేది కథానాయకాంశంగా ఉంటుందని తెలిపారు.
తెలుగు రాష్ట్రాల్లో 170పైగా థియేటర్లలో విడుదల
సెప్టెంబర్ 5న విడుదల కానున్న ఈ సినిమా 170కి పైగా థియేటర్లలో విడుదల కాబోతోంది. విడుదలకు ముందు, సెప్టెంబర్ 3న హైదరాబాద్, విశాఖపట్నం, విజయవాడ నగరాల్లో విద్యార్థుల కోసం ప్రత్యేక ప్రదర్శనలు, సెప్టెంబర్ 4న పెయిడ్ ప్రీమియర్లు నిర్వహించనున్నట్లు వంశీ తెలిపారు.
Read hindi news: hindi.vaartha.com
Read also:
