తెలంగాణ శాసనసభ సమావేశాలు (Telangana Legislative Assembly Sessions) రేపు ప్రారంభం కానున్నాయి. ఈ నేపధ్యంలో గోషామహల్ ఎమ్మెల్యే రాజాసింగ్ మీడియాతో మాట్లాడారు. తన వ్యాఖ్యలతో మరోసారి బీజేపీ లోపల కలకలం రేపారు.రాజాసింగ్ మాట్లాడుతూ ఇకపై తాను అసెంబ్లీకి స్వతంత్ర సభ్యుడిగానే హాజరవుతానని స్పష్టం చేశారు. ఎవరూ తనను కట్టడి చేయలేరని స్పష్టమైన సందేశం ఇచ్చారు. “ఇప్పుడు నాకు ఎవరూ బాస్లు లేరు. నేను స్వేచ్ఛగా మాట్లాడగలను” అని ఆయన అన్నారు.తన పార్టీపై రాజాసింగ్ నిప్పులు చెరిగారు. బీజేపీ (BJP) తెలంగాణలో పూర్తిగా భ్రష్టుపట్టిపోయిందని ఆరోపించారు. కొందరు నేతల వైఖరి కారణంగానే పార్టీ ఇంత దుస్థితికి చేరుకుందని విమర్శించారు. వారి చర్యల వలన పార్టీకి తీవ్ర నష్టం వాటిల్లుతోందని ఆయన స్పష్టం చేశారు.
ప్రజా సమస్యలపై బహిరంగంగా మాట్లాడతాను
ఇకపై అసెంబ్లీలో ప్రజా సమస్యలపై స్వేచ్ఛగా మాట్లాడతానని రాజాసింగ్ చెప్పారు. తనపై ఎలాంటి పరిమితులు లేవని, తాను ప్రజల తరఫున గళం వినిపిస్తానని తెలిపారు. ఇప్పుడే నాకు నిజమైన స్వేచ్ఛ వచ్చింది అని ఆయన వ్యాఖ్యానించారు.రాజాసింగ్ చేసిన మరో కీలక వ్యాఖ్య బీజేపీ చేరిక గురించే. తాను స్వయంగా తిరిగి బీజేపీలో చేరే అవకాశమే లేదని స్పష్టం చేశారు. కేవలం పార్టీ జాతీయ నాయకత్వం నుంచి ఆహ్వానం వస్తేనే ఆ విషయంపై ఆలోచిస్తానని చెప్పారు.
అసెంబ్లీ ముందు కలకలం
రేపటి అసెంబ్లీ సమావేశాల ముందు రాజాసింగ్ చేసిన ఈ వ్యాఖ్యలు బీజేపీ వర్గాల్లో తీవ్ర చర్చనీయాంశంగా మారాయి. ఇప్పటికే తెలంగాణ బీజేపీ అంతర్గత విభేదాలు బయటకు వస్తున్న వేళ, ఆయన మాటలు మరింత కలకలం రేపుతున్నాయి.రాజాసింగ్ స్వతంత్ర ధోరణి ఇప్పుడు రాష్ట్ర రాజకీయాల్లో పెద్ద చర్చగా మారింది. ఒకవైపు ఆయన బీజేపీపై నిప్పులు చెరిగి, మరోవైపు స్వతంత్ర స్వరాన్ని వినిపిస్తుండటంతో భవిష్యత్తులో ఆయన తీసుకునే నిర్ణయాలపై ఆసక్తి పెరిగింది.
Read Also :
