మలయాళ సినిమా పరిశ్రమలో పేరు పొందిన నటి రిని జార్జ్ ఇటీవల కేరళ రాజకీయాల్లో పెద్ద సంచలనం సృష్టించింది. ఓ ప్రముఖ రాజకీయ పార్టీకి చెందిన యువజన నేత తనపై లైంగిక వేధింపులు చేస్తున్నారని ఆమె ఆరోపించడం, రాజకీయ వాతావరణాన్ని ఉత్కంఠగా మార్చింది. ఈ వివాదంలో ఆరోపణలు ఎదుర్కొంటున్న కాంగ్రెస్ ఎమ్మెల్యే రాహుల్ మమ్కూటథిల్పై యూత్ కాంగ్రెస్ అధ్యక్ష పదవికి రాజీనామా చేశారు.
యువజన నేతపై సంచలన ఆరోపణలు
రిని జార్జ్ (Rini George) ఒక ఆన్లైన్ ఇంటర్వ్యూలో వెల్లడించినట్లుగా, ఆ నాయకుడు సోషల్ మీడియా ద్వారా పరిచయం అయ్యి, మూడేళ్లుగా అసభ్యకరమైన సందేశాలు పంపుతున్నారని ఆరోపించారు. ఫైవ్ స్టార్ హోటల్లో గది బుక్ చేసి, ఆమెని అక్కడికి రమ్మని ఆహ్వానిస్తున్నట్లు ఆమె చెప్పింది. అయితే పార్టీ సీనియర్ నేతలకు ఫిర్యాదు చేసినా ఎవరూ పట్టించుకోలేదని ఆమె ఆవేదన వ్యక్తం చేసింది. “ఎవరికి చెప్పుకుంటావో చెప్పుకో.. ఎవరూ పట్టించుకోరు” అని ఆ నేత తనను బెదిరించినట్లు రిని జార్జ్ తెలిపారు.
రాజకీయ పరిణామాలు
రినీ ఆరోపణలు వైరల్ అవ్వగానే, కేరళ బీజేపీ ఈ కేసులో కాంగ్రెస్ ఎమ్మెల్యే రాహుల్ మమ్కూటథిల్ (MLA Rahul Mamkootathil) ఆయన రాజీనామా చేయాలని డిమాండ్ చేస్తూ పాలక్కాడ్లో నిరసనలు చేపట్టారు. ఈ నిరసనలలో పోలీసులు మరియు బీజేపీ కార్యకర్తల మధ్య ఘర్షణలు చోటుచేసుకున్నాయి.
రాహుల్ మమ్కూటథిల్ ప్రతిక్రియ
రాహుల్ మమ్కూటథిల్ తనపై వచ్చిన ఆరోపణలను తీవ్రంగా ఖండించారు. అయినప్పటికీ, యూత్ కాంగ్రెస్ అధ్యక్ష పదవికి రాజీనామా చేశారని ప్రకటించారు. “నాపై ఎక్కడా కచ్చితమైన ఫిర్యాదు నమోదైనది లేదు. ఫిర్యాదు చేసిన వారు కోర్టులో తమ ఆరోపణలను నిరూపించాలి” అని ఆయన వెల్లడించారు.
రినీ జార్జ్ భద్రతా ఆవేదన
రినీ చెప్పినట్లు, ఆమెకు వ్యవస్థపై నమ్మకం లేదని, భద్రతా కారణాల వల్ల పోలీసుల వద్ద ఫిర్యాదు చేయడం లేదు. “నాకు కొన్ని మెసేజులు మాత్రమే వచ్చాయి, కానీ నేను ఇతర మహిళల తరఫున మాట్లాడుతున్నాను, ఎవరు ఈ నేత వల్ల వేధింపులు ఎదుర్కొన్నారో వారు ప్రతినిధిగా నా ద్వారా ఫిర్యాదు చేస్తున్నారు” అని ఆమె పేర్కొన్నారు. ఈ వివాదంపై తాము దృష్టి సారించామని, తగిన చర్యలు తీసుకుంటామని కేరళ ప్రతిపక్ష నేత వీడీ సతీశన్ తెలిపారు.
Read hindi news: hindi.vaartha.com
Read also:
