NEET PG 2025 Results: నీట్‌ పీజీ 2025 ఫలితాలు వెల్లడి..

దేశవ్యాప్తంగా లక్షలాది మంది మెడికల్ విద్యార్థులు ఎంతో ఆసక్తిగా ఎదురు చూసిన నీట్‌ పీజీ 2025 పరీక్ష ఫలితాలు చివరికి వెలువడ్డాయి. నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ (NBEMS) మంగళవారం (ఆగస్ట్‌ 19) సాయంత్రం అధికారికంగా ఫలితాలను ప్రకటించింది. ఈ ఫలితాలను చూసి అనేక మంది విద్యార్థులు ఆనందంలో మునిగిపోగా, కొందరు నిరాశకు గురయ్యారు.నీట్‌ పీజీ 2025 పరీక్ష ఆగస్ట్‌ 3న దేశ వ్యాప్తంగా పలు కేంద్రాల్లో ఆఫ్‌లైన్ విధానంలో ఒకే షిఫ్ట్‌లో నిర్వహించబడింది. పరీక్ష మొత్తం 800 మార్కులకు జరిగి, ప్రతి అభ్యర్థి సాధించిన మార్కుల ఆధారంగా ర్యాంకులు కేటాయించారు. విద్యార్థులు అధికారిక వెబ్‌సైట్‌ ద్వారా తమ రోల్ నంబర్, పుట్టిన తేదీ వంటి వివరాలు నమోదు చేసి ర్యాంక్ కార్డులు డౌన్‌లోడ్ చేసుకోవచ్చు. ఈ ర్యాంక్ కార్డు ఆధారంగానే రాబోయే కౌన్సెలింగ్‌లో సీట్ల కేటాయింపు జరుగుతుంది.

లక్ష్యంగా పెట్టుకున్న విద్యార్థులకు ఇది

ఈ పరీక్షలో సాధించిన ర్యాంక్‌ ఆధారంగా దేశవ్యాప్తంగా ఉన్న ప్రభుత్వ, ప్రైవేట్ మెడికల్ కాలేజీల్లో MD, MS, DNB, DrNB (డైరెక్ట్ 6-సంవత్సరాల కోర్సులు), అలాగే PG డిప్లొమా వంటి అగ్ర పోస్ట్ గ్రాడ్యుయేట్ కోర్సు (Post Graduate Course) ల్లో ప్రవేశాలు కల్పిస్తారు. మెడికల్ విద్యలో ఉన్నత స్థాయిలో చదువుకోవాలని లక్ష్యంగా పెట్టుకున్న విద్యార్థులకు ఇది అత్యంత కీలకమైన దశ. ఒకసారి ర్యాంక్ కార్డు వచ్చిన తర్వాత, విద్యార్థులు కౌన్సెలింగ్ ప్రక్రియలో పాల్గొని తమకు కావాల్సిన స్పెషలైజేషన్‌ కాలేజీని ఎంపిక చేసుకునే అవకాశం ఉంటుంది.

కేటగిరీల వారీగా

జనరల్/EWS కేటగిరీలో 50 పర్సంటైల్ అంటే 276 మార్కులు.జనరల్ PwBD కేటగిరీలో 45 పర్సంటైల్ అంటే 255 మార్కులు.SC/ST/OBC/PwBD కేటగిరీలో 40 పర్సంటైల్ అంటే 235 మార్కులు.

ఎలా చెక్‌ చేసుకోవాలంటే

ముందుగా అధికారిక వెబ్‌సైట్ లేదా NEET PG పోర్టల్‌ను ఓపెన్ చేయాలి.వెబ్‌సైట్‌లో NEET PG 2025 రిజల్ట్స్ లింక్‌పై క్లిక్ చేయాలి.అందులో మీ రిజిస్ట్రేషన్ నంబర్, పుట్టిన తేదీ, లాగిన్ వివరాలను నమోదు చేసి, సబ్‌మిట్ చేయాలి.వెంటనే ఫలితాలు స్క్రీన్‌పై కనిపిస్తాయి.భవిష్యత్తు అవసరాల కోసం స్కోర్‌కార్డ్‌ను డౌన్‌లోడ్ చేసి ప్రింట్ ఔట్ తీసుకోవాలి.