తెలుగు రాష్ట్రాలను షేక్ చేసిన సికింద్రాబాద్ సృష్టి ఫెర్టిలిటీ (Srushti Fertility Center) కేసులో పెద్ద పరిణామం చోటుచేసుకుంది. ఈ కేసులో ప్రధాన నిందితురాలిగా ఉన్న డాక్టర్ నమ్రత, విచారణలో తన నేరాన్ని ఒప్పుకున్నారు.పోలీసుల విచారణలో నమ్రత (Namrata) మోసాన్ని అంగీకరించినట్లు అధికార వర్గాలు వెల్లడించాయి. సరోగసీ పేరుతో బిడ్డల విక్రయాలకు ఆమె పాల్పడ్డ తీరు అంతా దారుణంగా ఉంది.నిస్సంతాన దంపతులను లక్ష్యంగా చేసుకుని, ఫెర్టిలిటీ ట్రీట్మెంట్ పేరుతో 20 లక్షల నుంచి 30 లక్షల వరకు డబ్బు వసూలు చేశారు. సరోగసీ ప్రక్రియగా నమ్మించి, ఫేక్ ఒప్పందాలు చేసినట్లు తెలిసింది.
విశాఖ, విజయవాడలోనూ నెట్వర్క్ కొనసాగించారు
నమ్రత తన మోసపు వ్యవస్థను కేవలం సికింద్రాబాద్ వరకే పరిమితం కాలేదు. విశాఖపట్నం, విజయవాడల్లోనూ ఫెర్టిలిటీ సెంటర్లను నడిపించారు. అక్కడ కూడా అదే మోడల్ ఫాలో అయిందని పోలీసులు చెప్పారు.ఈ ముఠా, ప్రత్యేకంగా ఏజెంట్లను నియమించి ఆర్థికంగా వెనుకబడిన మహిళలను టార్గెట్ చేసిందని విచారణలో తేలింది. వారికి డబ్బుల ఆశ చూపి గర్భం ధరించమని ఒప్పించేవారు.ప్రసవం అనంతరం బిడ్డలను తీసుకుని, దంపతులకు సరోగసీ బిడ్డలుగానే అందించేవారు. బిడ్డలకు అసలు సంబంధం లేకున్నా, వాస్తవాన్ని దాచే ప్రయత్నం చేసేవారు.
తనపై పాత కేసులు ఉన్నట్లు అంగీకారం
నమ్రత ఇప్పటికే పలు పోలీస్ స్టేషన్లలో కేసులు ఎదుర్కొన్నారని ఆమె స్వయంగా అంగీకరించింది. ఈ కేసు వల్ల ఆమె వెనుక ఉన్న అంతరాళం బహిరంగమవుతోంది.నమ్రత ఒప్పుకున్న సమాచారం ఆధారంగా, ఈ స్కాం నెట్వర్క్లో ఇతర వ్యక్తుల్ని గుర్తించేందుకు పోలీసులు చర్యలు చేపట్టారు. మరిన్ని అరెస్టులు జరిగే అవకాశం ఉంది.
ఇది కేవలం ఆరంభం మాత్రమే!
ఇంతవరకూ బయటపడింది కేవలం ఒక భాగమే అనిపిస్తోంది. ఈ వ్యవహారం ఎంతో విస్తృతంగా ఉందని పోలీసులు అనుమానిస్తున్నారు. పర్యవేక్షణ, ఆధారాల సేకరణ కొనసాగుతోంది.బిడ్డల్ని వస్తువుల్లా కొనుగోలు చేయడం అనేది సామాజికంగా అత్యంత దుర్మార్గం. తల్లిదండ్రుల ఆశల్ని మోసం చేయడం వల్ల ఎంతోమందికి గాయాలే మిగిలాయి.సరోగసీలా పవిత్రమైన ప్రక్రియను వ్యాపారంగా మలచిన ఈ నేరాలు ఊహకు అతీతం. ఇలాంటి కేసులపై పూర్తి విచారణ చేసి కఠిన చర్యలు తీసుకోవాలి.
Read Also :
