మెగాస్టార్ చిరంజీవి (Chiranjeevi) ప్రధాన పాత్రలో రూపొందుతున్న పాన్-ఇండియా మూవీ ‘విశ్వంభర’ (Vishwambhara )కి అనేక ఆసక్తికర అంశాలు ఉన్నాయి. దర్శకుడు వశిష్ఠ తాజాగా ఇచ్చిన ఇంటర్వ్యూలో, ఈ సినిమాలో కనిపించే రెక్కల గుర్రం స్ఫూర్తి పురాతన తెలుగు చిత్రమైన ‘కీలు గుర్రం’ నుంచే వచ్చిందని వెల్లడించారు. “ఇది హాలీవుడ్ కాన్సెప్ట్ కాదని, మనకే చెందినది” అని అన్నారు.
పురాణాల్లో రెక్కల గుర్రం ఉండే
వశిష్ఠ వివరించిన ప్రకారం, రెక్కల గుర్రానికి ప్రాచీన భారతీయ ఇతిహాసాల్లో ప్రస్తావనలు ఉన్నాయి. “సాగర మథనం సమయంలో రెక్కల గుర్రం వచ్చిందని పురాణాల్లో చెప్పబడింది. ఆ దృశ్యాన్ని ఆధునిక సాంకేతికతతో ప్రేక్షకుల ముందుకు తీసుకురావాలనే ఉద్దేశంతో ఈ కాన్సెప్ట్కి ప్రాధాన్యత ఇచ్చాం” అని తెలిపారు. ఈ విధంగా మన సంస్కృతి, ఇతిహాసాల నుండి ఆధారంగా తీసుకొని విజ్ఞాన శాస్త్రంతో మిళితం చేస్తూ సినిమా తెరకెక్కిస్తున్నారు.
చిత్రీకరణ ముగిసిన విశ్వంభర
‘విశ్వంభర’ సినిమా షూటింగ్ ఇప్పటికే పూర్తయింది. అయితే చిత్రబృందం ఇంకా విడుదల తేదీపై అధికారిక ప్రకటన ఇవ్వలేదు. భారీ బడ్జెట్తో రూపొందుతున్న ఈ సినిమాపై ఇప్పటికే అభిమానుల్లో భారీ అంచనాలు నెలకొన్నాయి. గ్రాఫిక్స్, విజువల్ ఎఫెక్ట్స్, కథనం అన్నింటినీ అత్యున్నత ప్రమాణాలతో చూపించేందుకు ప్రయత్నిస్తున్నామని వశిష్ఠ తెలిపారు. ఈ మూవీ చిరంజీవి కెరీర్లో మరో మైలురాయిగా నిలుస్తుందని భావిస్తున్నారు.
Read Also : Raja Singh ఏ పార్టీ నుంచి పిలుపు రాలేదు రాజాసింగ్
