తెలుగు సినీ నటి కల్పిక (Kalpika) మరోసారి వివాదాస్పద ఘటనలో వార్తల్లో నిలిచింది. హైదరాబాద్ సమీపంలోని మొయినాబాద్ – కనకమామిడి ప్రాంతంలో ఉన్న బ్రౌన్ టౌన్ రిసార్ట్ (Brown Town Resort) లో ఆమె చేసిన హంగామా ప్రస్తుతం చర్చనీయాంశంగా మారింది.
ఒంటరిగా రిసార్ట్కి చేరిన కల్పిక.. రిసెప్షన్లో దురుసు ప్రవర్తన
మధ్యాహ్నం 3 గంటల సమయంలో ఒంటరిగా క్యాబ్లో వచ్చిన నటి కల్పిక (Kalpika), రిసార్ట్ రిసెప్షన్ వద్ద అడుగు పెట్టగానే రిసార్ట్ మేనేజర్ కృష్ణపై తీవ్రంగా ఆగ్రహం వ్యక్తం చేసింది. ఆమె మెనూ కార్డును విసిరేయడం, రూమ్ కీస్ను ముఖంపై పడేసేలా విసరడం, అలాగే బూతులు తిట్టడం వంటి దురుసు ప్రవర్తనతో అక్కడి సిబ్బంది ఇబ్బందిపడ్డారు.
“సిగరెట్స్ ఏది రా” అంటూ అక్కడి సిబ్బందిపై అరుపులు (Yelling at staff) పెడుతూ, అసభ్య పదజాలంతో దురుసుగా ప్రవర్తించిందని సమాచారం. దాదాపు 40 నిమిషాల పాటు అక్కడే హంగామా చేస్తూ, మిగతా సిబ్బందిని ఇబ్బందులకు గురి చేసింది.
గతంలోనూ కల్పికపై కేసు
ఇది కల్పికకు ఇది మొదటి వివాదం కాదు. గత నెల 29న హైదరాబాద్లోని ప్రిజం పబ్ లో కూడా ఆమె వివాదానికి కేంద్రబిందువయ్యింది. ఆమె అక్కడ బిల్ చెల్లించకుండా ప్లేట్లు విసరడం, సిబ్బందిని బాడీషేమింగ్ చేయడం, అసభ్య పదజాలంతో మాట్లాడటం వంటి ఘటనలపై పబ్ యాజమాన్యం పోలీసులకు ఫిర్యాదు చేసింది.
పబ్ యాజమాన్యం తెలిపిన వివరాల ప్రకారం, పోలీసుల సమక్షంలోనూ కల్పిక హంగామా సృష్టించిందని ఆరోపించారు. ఈ నేపథ్యంలో గచ్చిబౌలి పోలీసులు, కోర్టు అనుమతి తీసుకొని ఆమెపై 324(4), 352, 351(2) బిఎన్ఎస్ యాక్ట్ ప్రకారం కేసులు నమోదు చేశారు.
ఇది అంతా నా సబ్స్క్రైబర్స్ కోసమే చేశా: నటి కల్పిక
సిబ్బంది అడుగుతున్న ప్రశ్నలకు బదులుగా కల్పిక, “అవును, ఇది అంతా నా సబ్స్క్రైబర్స్ కోసమే చేశా” అంటూ చెప్పారు. ఈ ఒక్క మాటే అక్కడున్న వారందరినీ షాక్కు గురిచేసింది. పబ్ యాజమాన్యం తెలిపిన ప్రకారం, ఆమె ప్రవర్తన పూర్తిగా ప్లాన్ చేసుకున్నట్లుగానే అనిపించిందని, ఇదంతా సోషల్ మీడియా ఫేమ్ కోసం కావచ్చని అనుమానాలు వ్యక్తమవుతున్నాయి.
నటి కల్పిక రిసార్ట్లో ఏం చేశారు?
తెలంగాణ రాష్ట్రంలోని మొయినాబాద్ – కనకమామిడి ప్రాంతంలో ఉన్న బ్రౌన్ టౌన్ రిసార్ట్లో నటి కల్పిక ఒంటరిగా క్యాబ్లో వచ్చి, రిసెప్షన్ వద్ద మెనేజర్పై దురుసుగా ప్రవర్తించింది. మెనూ కార్డు విసరడం, రూమ్ కీలు ముఖంపై విసరడం, బూతులు తిట్టడం వంటి చర్యలతో దాదాపు 30–40 నిమిషాల పాటు హంగామా చేసింది.
కల్పిక గతంలో కూడా ఇలాంటి ఘటనల్లో?
అవును. ఇటీవల ఆమె హైదరాబాద్లోని ప్రిజం పబ్లో బిల్ చెల్లించకుండా, ప్లేట్లు విసరడం, సిబ్బందిపై అసభ్యంగా ప్రవర్తించడం, బాడీషేమింగ్ చేయడం వంటి ఘటనలతో వార్తల్లోకి వచ్చింది. అప్పటికీ ఆమెపై కేసు నమోదు చేయాల్సి వచ్చింది.
Read hindi news: hindi.vaartha.com
Read also: Rajinikanth: రజినీకాంత్ ‘కూలీ’ ట్రైలర్ వచ్చేదెప్పుడో తెలుసా?
