kanda bachali kura recipe:కంద-బచ్చలి కూర

kanda bachali kura recipe-కావలసిన పదార్థాలు

కందముక్కలు – పెద్ద కప్పు
బచ్చలికూర తరుగు – పెద్ద కప్పు
నూనె – పావు కప్పు
ఎండుమిరపకాయలు – ఐదు
సెనగపప్పు – టేబుల్ స్పూను
మినప్పప్పు – టేబుల్ స్పూను
జీలకర్ర – ఒక చెంచా
ఆవాలు – రెండు చెంచాలు
పచ్చిమిరపకాయలు – రెండు
కరివేపాకు – రెండు రెబ్బలు
ఉప్పు – తగినంత
పసుపు – కొద్దిగా
ఇంగువ – కొద్దిగా
చింతపండు రసం – రెండు స్పూన్లు

తయారు చేసే విధానం
ముందుగా కంద ముక్కలను కుక్కర్లో వేసి సరిపడినన్ని నీళ్లు (water) పోసి రెండు విజిల్స్ వచ్చేవరకు ఉడికించి రెడీగా పెట్టుకోవాలి. ఒక స్పూను ఆవాలు, రెండు ఎండుమిరపకాయలు కలిపి పొడి చేసుకోవాలి. స్టవ్ మీద కడాయిని పెట్టి అందులో నూనె(oil) వేసి మిగిలిన ఎండు మిరపకాయలు, సెనగపప్పు, మినప్పప్పు, జీలకర్ర, మిగిలిన ఆవాలు, ఇంగువ వేసి వేయించాలి. తరువాత పచ్చిమిర్చి తరుగు, కరివేపాకు, పసుపు వేయాలి.

ఒక నిమిషం తరువాత బచ్చలికూర తరుగు వేసి కాసేపు ఉడికిన తరువాత ఉడికించిన కంద ముక్కలు, తగినంత ఉప్పు, చింతపండు రసం వేసి కలపాలి. కూర ముద్దలా దగ్గరికి అవుతున్నప్పుడు స్టవ్‌ను ఆఫ్ చేసి తయారు చేసి పెట్టుకున్న ఆవపొడి వేసి మరొక్కసారి కలిపితే రుచికరమైన కంద-బచ్చలి కూర సిద్ధం.