హైదరాబాద్ వాసులకు, ముఖ్యంగా ఐటీ కంపెనీలకు, సైబరాబాద్ పోలీసులు (Cyberabad Police) మంగళవారం ఓ ముఖ్య సూచనను జారీ చేశారు. గత రెండు మూడు రోజులుగా నగరంలో భారీ వర్షాలు కురుస్తున్న నేపథ్యంలో, ట్రాఫిక్ సమస్యలు (Traffic problems) తలెత్తే అవకాశం ఉందని అధికారులు హెచ్చరిస్తున్నారు.
వాతావరణ కేంద్రం హెచ్చరిక
తెలంగాణ వాతావరణ విభాగం తెలిపిన మేరకు, మంగళవారం కూడా హైదరాబాద్ (Hyderabad)లో ఉధృతంగా వర్షాలు కురిసే అవకాశం ఉంది. ఇప్పటికే నగరంలోని అనేక ప్రాంతాల్లో నీటి నిల్వలు, ట్రాఫిక్ జామ్లు ఏర్పడిన సంగతి తెలిసిందే. ఈ పరిస్థితుల్లో ప్రజల రాకపోకలకు అంతరాయం కలగకుండా చూసేందుకు ముందస్తు చర్యగా పోలీసులు ఈ సూచన చేశారు.
ట్రాఫిక్కు అంతరాయం లేకుండా చర్యలు
ట్రాఫిక్ భారాన్ని తగ్గించేందుకు, అలాగే ఉద్యోగుల భద్రతను దృష్టిలో ఉంచుకుని, “మంగళవారం వర్క్ ఫ్రమ్ హోమ్ విధానాన్ని పాటించండి” అని సైబరాబాద్ పోలీసులు (Cyberabad Police) ట్వీట్ ద్వారా విజ్ఞప్తి చేశారు. ప్రధానంగా ఐటీ కంపెనీలు దీనిని గమనించి తగిన చర్యలు తీసుకోవాలని వారు సూచించారు.
జాగ్రత్తలు పాటించాలి
వర్షాల కారణంగా రహదారులపై నీరు నిలిచే అవకాశం ఉన్నందున, బయటకు వెళ్లే అవసరం ఉంటే ప్రణాళికాబద్ధంగా ప్రయాణించాలంటూ పోలీసులు సూచించారు. ప్రజల భద్రతను దృష్టిలో ఉంచుకుంటూ, అధికారులు తీసుకున్న ఈ నిర్ణయం ప్రశంసనీయం .
Read hindi news: hindi.vaartha.com
