ఇప్పటి వరకు చాలామందికి తెలుసున్న ABC జ్యూస్ (ఆపిల్, బీట్రూట్, క్యారెట్) ఇప్పుడు నెమ్మదిగా ఆరోగ్య ప్రియుల మధ్య స్థానం కోల్పోతూ, మరో కొత్త ఆరోగ్య పానీయం ప్రాచుర్యంలోకి వస్తోంది. అదే BTB జ్యూస్ (BTB Juice) — బీట్రూట్, టమాటా, సొరకాయల మిశ్రమం. ఆరోగ్య నిపుణుల అభిప్రాయం ప్రకారం, ఈ మూడు పదార్థాలతో చేసిన జ్యూస్ శరీరానికి అనేక విధాలుగా మేలు చేస్తుంది.
BTB జ్యూస్ అంటే ఏంటి?
BTB అంటే Beetroot – Tomato – Bottle gourd (సొరకాయ). ఈ మూడు సహజ పదార్థాలు ఆరోగ్యానికి అనేక రకాలుగా మేలు చేస్తాయి. రోజూ ఉదయాన్నే ఖాళీ కడుపుతో తీసుకుంటే మరింత ప్రయోజనాలు పొందవచ్చు.
BTB జ్యూస్ తయారీ విధానం:
అవసరమైన పదార్థాలు:
- 1 చిన్న బీట్రూట్ (సన్నగా ముక్కలు చేసి)
- 1 మధ్యం పరిమాణ టమాటా
- 1/2 కప్పు సొరకాయ ముక్కలు
- 1/2 అంగుళం అల్లం ముక్క
- 1 టీస్పూన్ నిమ్మరసం
- చిటికెడు నల్లఉప్పు లేదా హిమాలయన్ పింక్ సాల్ట్
- 1/2 కప్పు నీరు
తయారీ విధానం:
పైన పేర్కొన్న పదార్థాలను బ్లెండర్లో వేసి బాగా జ్యూస్గా మారేవరకు మిక్స్ చేయాలి. తర్వాత దాన్ని వెంటనే సేవించాలి. తీపిని ఇష్టపడే వారు ఒక టీస్పూన్ తేనె కలిపి కూడా తాగవచ్చు.
BTB జ్యూస్ తాగడం వల్ల కలిగే ఆరోగ్య ప్రయోజనాలు:
బరువు తగ్గించడంలో సహాయం
బీట్రూట్, సొరకాయ రెండింటిలోనూ కేలరీలు తక్కువగా, ఫైబర్ అధికంగా ఉంటుంది. ఇది పొట్ట నిండిన భావన కలిగిస్తుంది. తినాలన్న ఆలోచన తగ్గి, అధికాహారం తీసుకోవడాన్ని తగ్గిస్తుంది. ఇది బరువు తగ్గాలనుకునే వారికి మంచి సహాయకారి.
జీర్ణక్రియను మెరుగుపరుస్తుంది
ఈ జ్యూస్ (BTB Juice) లో ఉండే ఫైబర్ జీర్ణక్రియను (Digestion) గణనీయంగా మెరుగుపరుస్తుంది. బీట్రూట్లో ఉండే సహజ నైట్రేట్లు మరియు బీటైన్ గట్లో మంచి బాక్టీరియాను పెంచుతాయి. టమాటాలో ఉండే యాసిడ్లు జీర్ణ ఎంజైమ్లను ఉత్తేజితం చేస్తాయి.
చర్మానికి ప్రకాశాన్ని తెస్తుంది
బీట్రూట్, టమాటాలు రెండూ యాంటీఆక్సిడెంట్లతో నిండి ఉంటాయి. ముఖ్యంగా లైకోపీన్, విటమిన్ సి వంటి పదార్థాలు చర్మాన్ని నిగారిగా ఉంచుతాయి. మచ్చలు తగ్గడం, ఎండకు తట్టుకోవడం, సహజ కాంతిని తెచ్చుకోవడం వంటి ప్రయోజనాలు ఉంటాయి.
రక్తపోటును నియంత్రించడంలో సహాయం
బీట్రూట్లో ఉండే నైట్రేట్లు రక్తనాళాల విస్తరణకు దోహదం చేస్తాయి. ఫలితంగా రక్తపోటు నియంత్రితంగా ఉంటుంది. టమాటాలో ఉండే పొటాషియం కూడా రక్తపోటు నియంత్రణలో ముఖ్య పాత్ర పోషిస్తుంది.
హైడ్రేషన్ను మెరుగుపరుస్తుంది
సొరకాయలో 90% పైగా నీటి శాతం ఉండటంతో, ఇది శరీరానికి తేమను అందిస్తుంది. వేసవి కాలంలో శరీరాన్ని హైడ్రేట్గా ఉంచడానికి మంచి సహాయకారి.
హృదయ ఆరోగ్యానికి మేలు
టమాటాలో లైకోపీన్, బీట్రూట్లో నైట్రేట్లు — రెండూ కలిపి గుండెను ఆరోగ్యంగా ఉంచేందుకు సహాయపడతాయి. కొలెస్ట్రాల్ తగ్గించడంతో పాటు, గుండె నాళాల ఆరోగ్యాన్ని కాపాడుతాయి.
పొట్ట ఉబ్బరాన్ని తగ్గిస్తుంది
గట్ హెల్త్ మెరుగుపడటంతో పాటు, మలబద్ధకం, గ్యాస్, bloating వంటి సమస్యలు దూరమవుతాయి. ఇది ఆరోగ్యకరమైన జీవనశైలి కోసం అవసరం.
ఎవరు తాగొచ్చు? ఎవరు జాగ్రత్త వహించాలి?
- తాగవచ్చు: అధిక బరువు ఉన్నవారు, జీర్ణ సమస్యలు ఉన్నవారు, చర్మ సంబంధిత సమస్యలతో బాధపడేవారు, గుండె ఆరోగ్యం మెరుగుపరుచుకోవాలనుకునేవారు.
- జాగ్రత్త వహించవలసినవారు: రక్తపోటు మందులు తీసుకుంటున్నవారు, కిడ్నీ సంబంధిత సమస్యలు ఉన్నవారు — ముందుగా వైద్యుడి సలహా తీసుకోవాలి .
BTB జ్యూస్ చర్మానికి కలిగే ప్రయోజనాలు?
BTB జ్యూస్ అనేది బీట్రూట్, సొరకాయ, టమాటాలను కలిపి తయారు చేసే పానీయం. ఇది విటమిన్లు, ఖనిజాలు, యాంటీఆక్సిడెంట్లు పుష్కలంగా కలిగి ఉండటం వలన చర్మానికి అనేక రకాల లాభాలు అందిస్తుంది.
బీటీబీ (BTB) జ్యూస్ బరువు తగ్గడంలో ప్రయోజనాలు?
బీట్రూట్, టమాటా, సొరకాయల మిశ్రమంతో తయారయ్యే BTB జ్యూస్ తక్కువ కాలరీలు, పుష్కలమైన పోషకాలు, అధిక ఫైబర్ కలిగి ఉండటం వల్ల ఇది బరువు తగ్గాలనుకునేవారికి అనుకూలమైన ఆహారంగా పరిగణించవచ్చు.
Read hindi news: hindi.vaartha.com
Read also: Kidneys: కిడ్నీ సమస్యల ముందు తెలిపే శరీర సంకేతాలు ఇవే!
