వర్షాకాలం అనగానే మనకందరికీ గుర్తొచ్చేది ప్రకృతి సౌందర్యం. చినుకులు రాలుతున్న ప్రకృతిలో పచ్చదనం చిగురించటం, జలపాతాలు ప్రవహించటం, కొండలపై మేఘాల కురిసే మాయాజాలం. ఈ అందాల్ని చూడాలనే ఉత్సాహంతో చాలామంది పర్యాటకులు టూర్ ప్లాన్ (Tour Plan) చేస్తారు. కానీ ఈ సమయం కొన్ని ప్రాంతాలకు వెళ్లడానికి సురక్షితమైనది కాదు. కొండచరియలు, వరదలు, రోడ్ల మూసివేతలు వంటి ప్రమాదాలు అక్కడి ప్రయాణాలను జీవప్రమాదంగా మార్చే అవకాశం ఉంది.ఈ నేపథ్యంలో వర్షాకాలంలో తప్పనిసరిగా నివారించాల్సిన ప్రాంతాలు, అక్కడ ఎదురయ్యే సమస్యలు తెలుసుకుందాం.
వెస్ట్రన్ ఘాట్స్ (Western Ghats)
మహారాష్ట్ర, కేరళ, కర్ణాటక రాష్ట్రాల్లో ఉన్న ఈ పర్వత శ్రేణులు వర్షాకాలంలో విపరీతమైన వర్షాలకు నిలయం. రోడ్లు ముంపునకు గురవుతాయి, కొండచరియలు (Landslides) విరిగిపడే ప్రమాదం ఎక్కువ. ముఖ్యంగా మహాబలేశ్వర్, మాల్షేజ్ఘాట్, అగుంబె వంటి ప్రాంతాలు అధిక ప్రమాదమును కలిగిస్తాయి.
ఉత్తరాఖండ్, హిమాచల్ ప్రదేశ్ హిల్ స్టేషన్లు
మసూరీ, నైనితాల్, మనాలి, ధర్మశాల వంటి ప్రాంతాలు సాధారణంగా మోస్తరు వాతావరణం కలిగి ఉంటాయి. కానీ వర్షాకాలంలో భారీ వర్షాలు కురవడం, బస్సులు/కార్లు ట్రాపయ్యే స్థితి రావడం సాధారణమే. 2013లో ఉత్తరాఖండ్ (Uttarakhand) లో జరిగిన భారీ వరదలు ఎలాటి ప్రమాదాలు సంభవించగలవో మనందరికీ గుర్తుండే ఉంటుంది.
వర్షకాలంలో ల్యాండ్స్లైడ్ల కేంద్రం
హిమాలయ పాదాలలో ఉన్న నెపాల్ కూడా వర్షాకాలంలో ప్రయాణానికి అత్యంత ప్రమాదకరం. ల్యాండ్స్లైడ్ల (Land Slide) కారణంగా మార్గాలు పూర్తిగా మూసుకుపోతాయి. ముఖ్యంగా రోడ్లు, పర్వత ప్రాంతాలు ప్రయాణికులను ప్రమాదంలోకి నెట్టే అవకాశముంది.
అరుణాచల్ ప్రదేశ్ & సిక్కిం ప్రాంతాలు
ఈ ఈశాన్య రాష్ట్రాలలో వర్షాకాలంలో రవాణా పూర్తిగా స్తంభించిపోతుంది. అధిక వర్షపాతం, నీరు నిండిన మార్గాలు, తక్కువ కనెక్టివిటీ (Connectivity) ప్రయాణాన్ని ఇబ్బందికరంగా మార్చుతుంది. అంతేకాదు, కొన్నిసార్లు ఫోన్ సిగ్నల్స్ కూడా ఉండవు.
కొండ ప్రాంతాల్లో ఉన్న జలపాతాలు & అడవులు
వర్షాకాలంలో జలపాతాల దగ్గరికి వెళ్లడం అత్యంత ప్రమాదకరం. నీటి ప్రవాహం వేగంగా మారిపోవచ్చు. ముదురు రాళ్లపై (rocks) జారిపడి ప్రమాదంలో పడే అవకాశాలు ఎక్కువ. అంతేకాదు, అడవుల్లో చిరుతలు, పాములు వంటి ప్రాణుల సంచారం కూడా పెరుగుతుంది.
వానాకాలంలో ప్రకృతి అందంగా కనిపించినా, అదే ప్రకృతి కొన్ని సందర్భాల్లో ప్రాణాంతకంగా మారుతుంది. ప్రయాణం అంటే ఆనందం కావాలి కానీ, ఆందోళన కాదు. అందుకే – ముందే ప్లాన్ చేసుకుని, ప్రమాదకర ప్రాంతాలను (Hazardous areas) తప్పించుకుని, సురక్షితంగా ప్రయాణించాలి. అవసరమైతే వాయిదా వేయడంలోనే శ్రేయస్కరం ఉంటుంది.
Read Also: Seven Wonders: ప్రపంచలో 7 వింతలు.. వాటి చరిత్ర, నిర్మాణ రహస్యాలు తెలుసా?
