ఇరాన్తో (With Iran) ఉద్రిక్తతలు పెరిగే తరుణంలో, ఇజ్రాయెల్ (Israel) ముందస్తు చర్యలు తీసుకుంటోంది. ఇరాన్ ప్రయోగించిన డ్రోన్లు, క్షిపణులు ఐరన్ డోమ్ను దాటి రావడంతో, తక్షణమే కొత్త రక్షణ వ్యవస్థను ఉపయోగించింది. అదే ‘బరాక్ మగేన్’–ఇప్పుడు అంతటా ఈ సిస్టమ్ గురించే చర్చ.ఇజ్రాయెల్ నౌకాదళానికి చెందిన ‘సార్ 6’ యుద్ధనౌకపై ‘బరాక్ మగేన్’ను మోహరించారు. ఆదివారం రాత్రి వచ్చిన ఇరాన్ డ్రోన్లను ఈ వ్యవస్థ గగనతలంలోనే మట్టుబెట్టింది. మొత్తం 8 డ్రోన్లను విజయవంతంగా తుపాకీ మంటలా కూల్చేసిందని IDF అధికారికంగా వెల్లడించింది.
మెరుపు కవచం లాంటి రక్షణ
‘బరాక్ మగేన్’ అంటే హీబ్రూలో మెరుపు కవచం అని అర్థం. ఈ వ్యవస్థ ఒకేసారి చాలా లక్ష్యాలను ఛేదించగలదు. ఇది 360 డిగ్రీల పరిధిలో పని చేస్తుంది. 35 నుంచి 150 కిలోమీటర్ల దూరంలోని లక్ష్యాలను స్మార్ట్ మిసైళ్లతో టార్గెట్ చేయగలదు.ఈ సిస్టమ్ పుట్టింది భారత సహకారంతోనే. భారత్ DRDO–ఇజ్రాయెల్ IAI కలిసి రూపొందించిన బరాక్-8 ఆధారంగా ఈ మగేన్ వ్యవస్థ తయారైంది. భూమి నుంచి, సముద్రం నుంచి ప్రయోగించే సామర్థ్యం దీనికి ప్రత్యేకత.
నౌకాదళానికి అదనపు రక్షణ పొర
నిపుణుల అంచనా ప్రకారం, ఈ సిస్టమ్తో ఇజ్రాయెల్ నౌకాదళం బలంగా మారింది. ఇప్పటిదాకా ఉన్న మల్టీ లేయర్ ఎయిర్ డిఫెన్స్లో ఇది ఒక కీలక పొరగా మారింది. శత్రువు ఏ కోణం నుంచి వచ్చినా తిప్పికొట్టే శక్తి దీన్ని ప్రత్యేకంగా నిలబెడుతోంది.ఇరాన్-ఇజ్రాయెల్ మధ్య టెన్షన్ రోజురోజుకూ పెరుగుతోంది. ఇలాంటి పరిస్థితుల్లో ‘బరాక్ మగేన్’ ప్రయోగం పెద్ద మైలురాయి. రాబోయే రోజుల వాయు రక్షణకు ఇది కీలకంగా నిలుస్తుందని విశ్లేషణలు చెబుతున్నాయి.
Read Also : Mossad : ఇజ్రాయెల్ గూఢచార సంస్థ మొసాద్ ప్రధాన కార్యాలయంపై ఇరాన్ బాంబు దాడి
