జూన్ 2, 2025 తెలంగాణ రాష్ట్ర ఆవిర్భావ దినోత్సవాన్ని (Telangana Formation Day) పురస్కరించుకొని, ఆంధ్రప్రదేశ్ డిప్యూటీ సీఎం మరియు జనసేన పార్టీ అధినేత శ్రీ పవన్ కళ్యాణ్ గారు తెలంగాణ ప్రజలకు తన శుభాకాంక్షలను తెలియజేశారు. “తెలంగాణ నా ఉద్యమానికి పునాది” అని పేర్కొంటూ, ఆయన చేసిన ట్వీట్ రాష్ట్ర ప్రజల మనసులను తాకేలా ఉంది.
ఉద్యమ స్ఫూర్తికి ఊతమిచ్చిన తెలంగాణ నేల
పవన్ కల్యాణ్ తన సందేశంలో, తెలంగాణ రాష్ట్రం తనలో ఉద్యమ స్ఫూర్తిని, జనసేన పార్టీకి జన్మనిచ్చిన నేల తెలంగాణ అని పవన్ పేర్కొన్నారు.
“జనసేన పార్టీకి జన్మనిచ్చిన నేల, నాకు పునర్జన్మను ఇచ్చిన నేల, నాలో ఉద్యమ స్ఫూర్తిని నింపిన నేల, నా తెలంగాణ కోటి రతనాల వీణ అంటూ దాశరథి కృష్ణమాచార్య కీర్తించిన నేల నా తెలంగాణ. మూడున్నర కోట్ల ప్రజల ఆశలు, ఆకాంక్షలకు, దశాబ్దాల పోరాటాలకు ప్రతిరూపంగా విద్యార్ధులు, యువత బలిదానాలతో ఏర్పడిన రాష్ట్రం తెలంగాణ
వృద్ధి పథంలో ముందుకెళ్లాలని ఆకాంక్ష
తెలంగాణ రాష్ట్రం ఏర్పడి 11 సంవత్సరాలు పూర్తి చేసుకుని 12వ వసంతంలోకి అడుగుపెడుతున్న సందర్భంగా అన్ని రంగాలలో సంక్షేమాభివృద్ధి పథంలో దూసుకెళ్లాలని, ప్రజల ఆకాంక్షలు నెరవేరాలని ఆకాంక్షిస్తూ ప్రజలందరికీ తెలంగాణ రాష్ట్ర ఆవిర్భావ దినోత్సవ శుభాకాంక్షలు తెలియజేస్తున్నాను” అని పవన్ కల్యాణ్ ట్వీట్ చేశారు.
తెలంగాణా రాష్ట్రానికి పవన్ కళ్యాణ్ శుభాకాంక్షలు తెలుపడమే కాకుండా, ఈ రాష్ట్రంలో తనకు ఉన్న భావోద్వేగ అనుబంధాన్ని ఆయన నిబద్ధతతో వ్యక్తపరిచారు. ఇది ఒక రాజకీయ నాయకుడిగా ఆయనకు తెలంగాణలో ఉన్న మద్దతును, ఆశయబద్ధతను చూపిస్తుంది.
Read also: Slot Method : నేటి నుంచి పూర్తిస్థాయి స్లాట్ విధానం – మంత్రి పొంగులేటి
Ration Shop : పిఠాపురంలో రేషన్ దుకాణం ప్రారంభించిన మంత్రి మనోహర్
