క్రికెట్ ప్రపంచాన్ని ఒక్కసారిగా షాక్కు గురిచేసే విధంగా మిడిల్సెక్స్ కౌంటీ క్రికెట్ లీగ్లో జరిగిన ఒక మ్యాచ్లో రిచ్మండ్ సీసీ జట్టు కేవలం 2 పరుగులకే ఆలౌట్ అయ్యింది. ఇది క్రికెట్ చరిత్రలో అత్యల్ప స్కోర్లలో ఒకటిగా నమోదై, అభిమానులను, విశ్లేషకులను ఆశ్చర్యానికి గురిచేసింది. సాధారణంగా చిన్న స్కోరు వేటల్లో కనీసం ఒక పోరాటం కనిపించవచ్చు. కానీ ఈ మ్యాచ్లో రన్లు రావడం కాదు గాని, బ్యాట్స్మెన్లు ఒక్కొక్కరిగా పెవిలియన్ చేరడమే కనిపించింది.
ఘోర పరాజయం – లక్ష్యం: 427 పరుగులు, స్కోరు: 2 పరుగులు
ఈ మ్యాచ్లో టాస్ గెలిచి బ్యాటింగ్ చేసిన నార్త్ లండన్ సీసీ నిర్ణీత 45 ఓవర్లలో 6 వికెట్లు కోల్పోయి 426 పరుగుల భారీ స్కోరును నమోదు చేసింది. నార్త్ లండన్ బ్యాట్స్మెన్ డాన్ సిమ్మన్స్ 140 పరుగులతో అద్భుతమైన సెంచరీ సాధించాడు. అనంతరం 427 పరుగుల లక్ష్యంతో బరిలోకి దిగిన రిచ్మండ్ సీసీకి ఆరంభం నుంచే కష్టాలు మొదలయ్యాయి. ప్రత్యర్థి బౌలర్ల ధాటికి రిచ్మండ్ బ్యాట్స్మెన్ ఎవరూ క్రీజులో నిలదొక్కుకోలేకపోయారు. కేవలం 34 బంతుల్లోనే పూర్తిగా ఆలౌట్ అయ్యి, అత్యంత తక్కువ స్కోరును నమోదు చేసింది. ఈ 2 పరుగుల స్కోరులో ఒక వైడ్ కూడా ఉంది.
ఖాతా తెరవలేని 8 మంది బ్యాట్స్మెన్లు!
ఈ అతి తక్కువ స్కోరు గల ఇన్నింగ్స్లో 8 మంది బ్యాట్స్మెన్లు ఖాతా కూడా తెరవలేకపోయారు. మిగతా ఇద్దరూ ఒక్కొక్క పరుగు మాత్రమే చేసి పెవిలియన్ చేరారు. మొత్తం జట్టు 5.4 ఓవర్లలో కేవలం 2 పరుగులకే పెవిలియన్కు చేరుకుంది
చరిత్రలో ఇదివరకూ నమోదైన అత్యల్ప స్కోర్లు
క్రికెట్ చరిత్రలో అరుదైన సంఘటన చోటుచేసుకుంది. మిడిల్సెక్స్ కౌంటీ క్రికెట్ లీగ్లో నార్త్ లండన్ సీసీకి వ్యతిరేకంగా జరిగిన మ్యాచ్లో రిచ్మండ్ సీసీ కేవలం 2 పరుగులకే ఆలౌట్ అయ్యి, క్రికెట్ ప్రపంచాన్ని ఆశ్చర్యానికి గురిచేసింది.
అయితే, ఫస్ట్ క్లాస్లో రెండవ అత్యల్ప స్కోరు సాధించిన రికార్డు ది బిఎస్ జట్టు పేరు మీద ఉంది. 1810లో లార్డ్స్లో ఇంగ్లాండ్తో జరిగిన మ్యాచ్లో ఈ జట్టు తన పేరు మీద అవాంఛనీయ రికార్డును నమోదు చేసింది. ఆ మ్యాచ్లో, ది బిఎస్ జట్టు మొత్తం 6 పరుగులకే ఆలౌట్ అయింది. ఇది కాకుండా, 148 సంవత్సరాల క్రితం మే 24న, ఒక జట్టు కేవలం 12 పరుగుల స్కోరుకే ఆలౌటైంది.
క్రిక్ఇన్ఫో రికార్డుల ప్రకారం, మే 24, 1877న, ఆక్స్ఫర్డ్ విశ్వవిద్యాలయం మేరీల్బోన్ క్రికెట్ క్లబ్పై కేవలం 12 పరుగులు మాత్రమే చేసి పెవిలియన్కు చేరింది. ఆరుగురు బ్యాట్స్మెన్ ఖాతా కూడా తెరవలేకపోయారు. ఎడ్వర్డ్ వెల్లింగ్టన్ అత్యధికంగా 7 పరుగులు చేశాడు. మెరిల్బోన్ క్రికెట్ క్లబ్ తరపున ఫ్రెడ్ మోరెల్ అత్యధికంగా 7 వికెట్లు పడగొట్టాడు. ఈ మ్యాచ్ను మెరిల్బోన్ క్రికెట్ క్లబ్ 77 పరుగుల తేడాతో గెలిచింది. ఇది కాకుండా, అంతర్జాతీయ క్రికెట్లో కొన్ని అవమానకరమైన రికార్డులు కూడా నమోదయ్యాయి. ఈ షాకింగ్ ఫలితం క్రికెట్ అభిమానులను, విశ్లేషకులను ఆశ్చర్యపరిచింది. క్రికెట్ అనూహ్యమైన ఆట అని మరోసారి రుజువైంది. రిచ్మండ్ సీసీకి ఇది అత్యంత చేదు జ్ఞాపకంగా మిగిలిపోతుంది.
Read also: IPL 2025: కోహ్లీ, రోహిత్ జాబితాలో చేరిన అభిషేక్ శర్మ
