ఆపరేషన్ సిందూర్పై ముఖ్యమంత్రి రేవంత్ రెడ్డి స్పందన
భారత సైన్యం పాకిస్తాన్ కశ్మీర్లో ఉగ్రవాద శిబిరాలపై అమలు చేసిన ‘ఆపరేషన్ సిందూర్’ పట్ల తెలంగాణ ముఖ్యమంత్రి రేవంత్ రెడ్డి హర్షం వ్యక్తం చేశారు. ఒక భారతీయుడిగా తాను ఎంతో గర్వపడుతున్నానని అన్నారు. భారత సైన్యం చారిత్రక సాహసం చూపింది. ఇది దేశ భద్రతను కాపాడేందుకు తీసుకున్న నిర్ణయం. ఈ ఘట్టం సమస్త భారతీయుల్లో దేశభక్తిని రెట్టింపు చేస్తుంది’’ అంటూ ఆయన స్పష్టం చేశారు. తన అధికారిక ఎక్స్ (X) ఖాతాలో ‘జైహింద్’ అంటూ ట్వీట్ చేస్తూ, దేశప్రజలందరూ ఐక్యంగా నిలవాల్సిన అవసరం ఉందని పిలుపునిచ్చారు.
రాష్ట్రంలో శాంతి భద్రతలపై సమీక్ష – మాక్ డ్రిల్ పర్యవేక్షణకు సిద్ధం
ఆపరేషన్ సిందూర్ అనంతరం రాష్ట్రంలో ఎటువంటి అవాంఛనీయ పరిణామాలు చోటుచేసుకోకుండా ఉండేందుకు సీఎం రేవంత్ రెడ్డి అప్రమత్తమయ్యారు. అన్ని ప్రభుత్వ విభాగాలను హెచ్చరిస్తూ, ముందస్తు జాగ్రత్త చర్యలు తీసుకోవాలని ఆదేశించారు. రాష్ట్ర భద్రతా యంత్రాంగం పూర్తిస్థాయిలో అప్రమత్తంగా ఉండాలని సూచించారు. ఈ రోజు సాయంత్రం రాష్ట్ర వ్యాప్తంగా నిర్వహించనున్నమాక్ డ్రిల్ కార్యక్రమాన్ని కూడా ఆయన స్వయంగా పర్యవేక్షించనున్నారు. భద్రతా ఏర్పాట్లను పరిశీలించడమే కాకుండా, అత్యవసర పరిస్థితుల్లో ఎలా స్పందించాలో అధికారులు తెలుసుకోవాలని ఉద్దేశమన్నారు.
డిప్యూటీ సీఎం భట్టి విక్రమార్కకు తక్షణం రాష్ట్రానికి పిలుపు
ప్రస్తుతం ఢిల్లీ పర్యటనలో ఉన్న ఉప ముఖ్యమంత్రి మల్లు భట్టి విక్రమార్కతో సీఎం రేవంత్ ఫోన్లో మాట్లాడారు. రాష్ట్రంలోని తాజా పరిణామాలను దృష్టిలో ఉంచుకుని వెంటనే హైదరాబాద్కు తిరిగి రావాలని సూచించారు. ముఖ్యమంత్రి ఈ నిర్ణయం తీసుకున్న కారణం రాష్ట్ర భద్రతాపరమైన అంశాలను నేరుగా సమీక్షించడమేనని తెలుస్తోంది. కేంద్రం మరియు రాష్ట్రం పరస్పరం సమన్వయం సాధిస్తూ దేశ రక్షణలో భాగస్వామ్యం కావాలని ఆయన భావించారు.
జాతీయ స్థాయిలో భారత సైన్యానికి గర్వాభిమానాలతో అభినందనలు
భారత సైన్యం చేపట్టిన ఈ సాహసోపేత చర్య దేశవ్యాప్తంగా ప్రశంసలు అందుకుంటోంది. అన్ని రాజకీయ పార్టీలు, ప్రముఖ నాయకులు, సామాన్య ప్రజల నుండి అభినందనలు వెల్లువెత్తుతున్నాయి. తెలంగాణ రాష్ట్ర ప్రభుత్వం ఈ సందర్భంలో దేశ ఐక్యతకు ప్రాధాన్యతనిస్తూ, భద్రతను మెరుగుపరిచేందుకు కృషి చేస్తోంది. ప్రజలు గాసిప్లను విశ్వసించకుండా అధికారిక సమాచారం ఆధారంగా స్పందించాలని ముఖ్యమంత్రి పిలుపునిచ్చారు.
read also: Telangana : తెలంగాణ యువ క్రీడాకారిణి నిష్క అగర్వాల్ మూడు పతకాలు గెలిచింది
