ప్రేమకు కులం, మతం, దేశాలు అన్నదీ అడ్డుకాదని నిరూపించింది నేపాల్కు చెందిన యువతి భూమికా విశ్మకర్మ. ఝార్ఖండ్లోని పలామా జిల్లా సత్బర్వా ప్రాంతానికి చెందిన దివ్యాంగుడు మొహమ్మద్ ఆరిఫ్తో ఇన్స్టాగ్రామ్లో పరిచయం కావడం, ఆ పరిచయం కాస్త ప్రేమగా మారడం, చివరికి ప్రేమికుడిని పెళ్లి చేసుకోవడం వరకు ఆమె ప్రయాణం ప్రేరణ కలిగించేలా ఉంది. చేతులు, కాళ్లు లేని ఆరిఫ్ రీల్స్ చేస్తూ సోషల్ మీడియాలో తనకంటూ గుర్తింపు తెచ్చుకున్నాడు. అదే సమయంలో నేపాల్కు చెందిన భూమికా ఒక నెయిల్ ఆర్టిస్ట్గా పనిచేస్తూ, ఆరిఫ్ వీడియోల ద్వారా పరిచయమై ప్రేమలో పడింది.
భూమికా తల్లిదండ్రులు అడ్డుకున్నారు
భూమికా తల్లిదండ్రులు, కుటుంబ సభ్యులు ఆమెను అడ్డుకునేందుకు ఎంతగా ప్రయత్నించినా, ఆమె నిర్ణయాన్ని మార్చలేకపోయారు. చివరకు భూమికా భారతదేశానికి వచ్చి ఆరిఫ్ కుటుంబ సభ్యులను కలిశారు. మొదట్లో వారు కూడా నిరాకరించినప్పటికీ, భూమికా పట్టుదల చూసి చివరకు ఆరిఫ్తో ఆమెకు వివాహం జరిపించారు. పెళ్లి అనంతరం భూమికా తన పేరును ‘అఫ్సానా’గా మార్చుకుని, ఆరిఫ్తో కొత్త జీవితాన్ని ప్రారంభించింది. ఈ ప్రేమకథ విన్న ప్రతి ఒక్కరిని కదిలించేలా ఉంది.
ఇన్స్టాగ్రామ్, యూట్యూబ్ వేదికగా వీడియోలు చేస్తూ ఆదాయం
వీరిద్దరూ కలసి ఇన్స్టాగ్రామ్, యూట్యూబ్ వేదికగా వీడియోలు చేస్తూ ఆదాయం సంపాదించాలని భావిస్తున్నారు. అవసరమైతే ఉద్యోగం చేసేందుకు కూడా భూమికా సిద్ధంగా ఉంది. “ఆరిఫ్ను మాత్రం ఎప్పటికీ వదిలిపెట్టను” అని ఆమె తేల్చి చెబుతోంది. తన కుమారుడికి ఒక జీవిత భాగస్వామిని చూసే అవకాశం లేదని భయపడిన ఆరిఫ్ తల్లి కూడా ఇప్పుడు శాంతిగా ఉంది. భూమికా తీసుకున్న ఈ నిర్ణయం నిజంగా ప్రేమకు పునర్జ్ఞానం అనడంలో ఎలాంటి సందేహం లేదు.
