ఇండియన్ మార్కెట్లో టెస్లా ఎంట్రీకి మళ్లీ ఊపొచ్చింది టెస్లా 2025 మోడల్ వై కారును ఇండియాలో టెస్ట్ చేస్తుండటంతో, ఇది చాలా పెద్ద సంకేతంగా మారింది. ముంబై-పుణె ఎక్స్ప్రెస్వేపై భారీ కవర్తో కనిపించిన ఈ ఎలక్ట్రిక్ కార్, టెస్లా మన దేశానికి చాలా దగ్గరలో ఉందనే సంకేతాలు పంపుతోంది.టెస్ట్ లో కనిపించిన కార్, టెస్లా మోడల్ వై ఫేస్లిఫ్ట్ వెర్షనేనని ఆటోమొబైల్ నిపుణులు అంచనా వేస్తున్నారు. అంతర్జాతీయంగా దీన్ని ‘జూనిపర్’ అని పిలుస్తున్నారు. డిజైన్, ఫీచర్లలో పలు మార్పులు చేసిన ఈ వెర్షన్ ఇప్పటికే అమెరికా, కెనడాలో అందుబాటులో ఉంది.ఈ మోడల్ లో సీ-ఆకారంలో ఉన్న ఎల్ఈడి టెయిల్లైట్లు, వక్రంగా ఉన్న రూఫ్లైన్, నల్ల రంగు మల్టీ-స్పోక్ అల్లాయ్ వీల్స్ అన్నీ కళ్ళు తిప్పలేనివిగా ఉన్నాయి.
టెస్లా గ్లాస్ రూఫ్ ఇక్కడా కొనసాగింది. పెరల్ వైట్, స్టెల్త్ గ్రే, డీప్ బ్లూ మెటాలిక్, అల్ట్రా రెడ్, క్విక్సిల్వర్, డైమండ్ బ్లాక్ వంటి స్టైలిష్ కలర్స్ ఇండియన్ వెర్షన్లో ఉండే అవకాశముంది.ప్రస్తుతం విదేశాల్లో అమ్ముడవుతున్న మోడల్ వై, ఆల్-వీల్ డ్రైవ్ సిస్టమ్తో వస్తోంది. ఇందులో లాంగ్ రేంజ్ బ్యాటరీ ఉంటుంది. ఫుల్ ఛార్జ్ చేస్తే సుమారు 526 కిలోమీటర్ల దూరం వెళ్తుంది. కేవలం 4.6 సెకన్లలోనే 0 నుంచి 96 కిలోమీటర్ల వేగానికి చేరుతుంది. దీని టాప్ స్పీడ్ 200 కిలోమీటర్లగానే ఉంది.ఈ కార్ లో 15.4 అంగుళాల టచ్ స్క్రీన్ ఇన్ఫోటైన్మెంట్ సిస్టమ్ ఉంటుంది. వెనుక కూర్చున్న ప్రయాణికుల కోసం ప్రత్యేకంగా 8 అంగుళాల స్క్రీన్ ఉంది. వెంటిలేటెడ్ సీట్లు, అడ్వాన్స్డ్ డ్రైవర్ అసిస్టెన్స్ ఫీచర్లు, వైర్లెస్ ఛార్జింగ్ లాంటి ఫీచర్లు కార్ని మరింత ప్రత్యేకంగా మారుస్తున్నాయి.ఇంకా టెస్లా భారత ఎంట్రీపై అధికారిక ప్రకటన ఇవ్వలేదు.
కానీ, మోడల్ వైను ఇలా రోడ్డుపై టెస్ట్ చేయడం చూస్తే, ఇదే తొలి టెస్లా కారుగా విడుదల కావచ్చు అనే ఊహాగానాలు షికార్లు చేస్తున్నాయి. ఇది జరిగితే, భారత EV మార్కెట్కి పెద్ద ఊపిరిగా మారనుంది.టెస్లా లాంటి గ్లోబల్ బ్రాండ్ రావడం వల్ల, ఇతర కార్ మేకర్ల మధ్య పోటీ పెరుగుతుంది. వినియోగదారులకు అధునాతన టెక్నాలజీతో కూడిన కార్లు ఎంచుకునే అవకాశాలు ఎక్కువవుతాయి. ఈ మార్పులు భారత EV మార్కెట్ని కొత్త దిశగా నడిపించవచ్చనే అభిప్రాయం వ్యక్తమవుతోంది.టెస్లా రాకతో ఇండియన్ మార్కెట్ మరింత వేగం పడనుంది. ఇప్పుడు మిగిలినదల్లా – అధికారిక ప్రకటనకే ఎదురు చూడటం!
Read Also : Indian Students : విదేశాలకు తగ్గుతున్న భారతీయ విద్యార్థుల సంఖ్య
