కేంద్ర కార్పొరేట్ వ్యవహారాల శాఖ టీ వీణా విజయన్‌పై విచారణకు కేంద్రం అనుమతి ఇచ్చింది. ఇది కేవలం సాధారణ విచారణ కాదు, సీరియస్ ఫ్రాడ్ ఇన్వెస్టిగేషన్ ఆఫీస్ (SFIO) ఛార్జ్‌షీట్ ఆధారంగా తీసుకున్న నిర్ణయం. కొచ్చిన్ మినరల్స్ అండ్ రుటైల్ లిమిటెడ్ (CMRL) నుంచి వీణా విజయన్‌కు చెందిన ఎక్సాలాజిక్ సొల్యూషన్స్ అనే కంపెనీ అక్రమ రీతిలో నిధులు బదిలీ చేసుకున్నట్లు ఈ విచారణలో తేలింది.
2017 నుంచి 2020 మధ్యకాలంలో CMRL కంపెనీ నుంచి ఎక్సాలాజిక్ కంపెనీకి సుమారు రూ.1.72 కోట్లు బదిలీ అయినట్లు బయటపడింది. ఈ లావాదేవీలు సరైన పద్ధతిలో జరగలేదని, అవి అక్రమంగా నిర్వహించబడ్డాయని SFIO తన ప్రాథమిక నివేదికలో పేర్కొంది. SFIO దాఖలు చేసిన ఛార్జ్‌షీట్‌లో మొత్తం 160 పేజీలు ఉన్నాయి. ఇందులో వీణా విజయన్‌తో పాటు CMRL మేనేజింగ్ డైరెక్టర్ శశిధర్ కార్తా సహా మరో 25 మందిని నిందితులుగా చేర్చారు. ఈ కేసులో వీణా విజయన్ దోషిగా తేలితే, ఆమెకు కనీసం ఆరు నెలల నుంచి పది సంవత్సరాల వరకు జైలుశిక్ష పడే అవకాశం ఉంది.
కోర్టులో కేసు విచారణ
ఈ కేసు ప్రస్తుతం కొచ్చిలోని ఆర్థిక నేరాల ప్రత్యేక కోర్టులో నడుస్తోంది. కంపెనీస్ యాక్ట్ ప్రకారం, వీణా విజయన్‌పై సెక్షన్ 447 కింద ఆరోపణలు మోపారు. ఈ సెక్షన్ కింద శిక్షతో పాటు పెనాల్టీ విధించే అవకాశముంది. ఈ కేసు కేరళ రాజకీయాలను గట్టిగా ప్రభావితం చేసే అవకాశం ఉంది. ముఖ్యమంత్రి పినరయి విజయన్ సతతంగా తన ప్రభుత్వాన్ని అవినీతి రహితమని పేర్కొంటూ వస్తున్నారు. అయితే ఆయన కుమార్తె పేరు ఇలాంటి కేసులో వెలుగులోకి రావడంతో ప్రతిపక్షాలు తీవ్రస్థాయిలో విమర్శలు గుప్పిస్తున్నాయి. ఈ కేసుపై సీఎం పినరయి విజయన్ స్పందిస్తూ, ఇది రాజకీయ కుట్ర అని, తమ కుటుంబాన్ని అప్రతిష్టకు గురి చేసేందుకు కేంద్రం ప్రయత్నిస్తోందని ఆరోపించారు.
రష్యాతో యుద్ధంలో ఉన్న ఉక్రెయిన్‌కు అమెరికా అధ్యక్షుడు డొనాల్డ్ ట్రంప్ ఊహించని షాక్ ఇచ్చారు. ఇప్పటి వరకు అందిస్తున్న మిలటరీ సాయాన్ని నిలిపివేస్తూ ఆయన ఆదేశాలు జారీ Read more
బెంగళూరులో నిర్వహించనున్న ఏరో ఇండియా 15వ ఎడిషన్ షో కారణంగా ప్రత్యేక ఆదేశాలు జారీచేశారు. ఫిబ్రవరి 10 నుంచి 14 వరకు యెలహంకలో ఈ ప్రతిష్ఠాత్మక ఎయిర్ Read more
న్యూఢిల్లీ: త్వరలో భారత్‌-చైనా రక్షణ మంత్రులు రాజ్‌నాథ్‌ సింగ్, డోంగ్‌ జున్‌ భేటీ కానున్నట్లు సమాచారం. ఈ మేరకు వారి మధ్య సరిహద్దు, ప్రాంతీయ స్థిరత్వమే అజెండాగా Read more
టెక్సాస్ రాష్ట్రానికి చెందిన 36 ఏళ్ల అళైస్ ఒగ్లెట్రీ, ప్రపంచంలో అత్యధిక స్థాయిలో బ్రెస్ట్ మిల్క్ (పాల) దానం చేసిన మహిళగా తనే తన గిన్నెస్ వరల్డ్ Read more