MAD SQUARE : బాక్స్ ఆఫీస్ వద్ద సందడి చేస్తున్న ‘మాడ్ స్వ్కేర్’

మాడ్ స్క్వేర్ సక్సెస్ జాతర

యూత్​ఫుల్ ఎంటర్టైనర్‌గా ప్రేక్షకుల ముందుకు వచ్చిన ‘మాడ్ స్క్వేర్’ బాక్సాఫీస్ వద్ద విజయం సాధిస్తోంది. కల్యాణ్ శంకర్ దర్శకత్వంలో రూపొందిన ఈ సినిమా మార్చి 28న థియేటర్లలో విడుదలై సూపర్ ఫన్ బ్లాక్‌బస్టర్‌గా నిలిచింది. ఓపెనింగ్‌ షో నుంచే పాజిటివ్‌ టాక్ సంపాదించుకోవడంతో పాటు, డీసెంట్ ఆక్యుపెన్సీతో రన్ అవుతోంది. ఇదే ఊపుతో ఇండియన్ బాక్సాఫీస్‌తో పాటు ఓవర్సీస్‌ మార్కెట్‌లో కూడా కలెక్షన్లు రికార్డు స్థాయిలో నమోదవుతున్నాయి.

ఇప్పటికే ఈ సినిమా అంచనాలను అందుకొని కాసుల వర్షం కురిపిస్తోంది. ఇతర సినిమాలతో పోటీ ఉన్నప్పటికీ డే 1 దాదాపు 60 శాతం ఆక్యుపెన్సీ నమోదు చేసింది. తొలి రోజు రూ. 20.8 కోట్ల గ్రాస్ కలెక్షన్ చేసినట్లు మేకర్స్ అధికారికంగా వెల్లడించారు. స్టార్ హీరోలు లేని సినిమాకే ఓపెనింగ్ రోజే ఈ రేంజ్‌లో వసూళ్లు రావడం గమనార్హం. టీజర్, ట్రైలర్‌తోనే అంచనాలు భారీగా పెరగడం, యూత్‌కి కనెక్ట్ అయ్యే కామెడీ ట్రాక్, వినోదాత్మక కథనమే ఈ సినిమాకు ప్లస్ పాయింట్ అయ్యాయి.

ఓవర్సీస్‌లో సెన్సేషన్ క్రియేట్ చేసిన మాడ్ స్క్వేర్

ఇండియాలో మాత్రమే కాదు, అంతర్జాతీయంగా కూడా ‘మాడ్ స్క్వేర్’ హవా కొనసాగిస్తోంది. విదేశీ మార్కెట్లో కూడా ఈ సినిమా ఊహించని రీతిలో కలెక్షన్ల వర్షం కురిపిస్తోంది. తొలిరోజే ఓవర్సీస్‌లో 650K డాలర్లు (సుమారు రూ. 5.4 కోట్లు) వసూలు చేసినట్లు మేకర్స్ ప్రకటించారు. ఇది చిన్న సినిమా స్థాయిలో భారీ విజయంగా చెప్పుకోవచ్చు. ముఖ్యంగా అమెరికా, ఆస్ట్రేలియా, గల్ఫ్ దేశాల్లో ఈ సినిమా మంచి రెస్పాన్స్ తెచ్చుకుంటోంది.

2023లో విడుదలైన ‘మాడ్’కి ఇది సీక్వెల్‌గా రూపొందింది. అప్పుడు సెన్సేషనల్ హిట్ కొట్టిన ‘మాడ్’, ఇప్పుడు ‘మాడ్ స్క్వేర్’ రూపంలో మరింత ఊహించని విజయాన్ని అందుకుంది. ఫన్ ఎంటర్‌టైన్‌మెంట్‌కి చిరునామాగా నిలిచిన ఈ చిత్రం, ప్రతి షోలో నవ్వుల పండుగను అందిస్తోంది.

A Resounding Welcome and a Grand Celebration at the Box Office #MadSquare opens with a mind blowing 20.8 Cr+ Worldwide Gross on Day 1

This summer, MAD Gang is making a MAXXXX-imum impact #BlockBusterMaxxMadSquare @NarneNithiin #SangeethShobhan #RamNitin… pic.twitter.com/6MCaW9hL6h

— Sithara Entertainments (@SitharaEnts) March 29, 2025

స్టార్ హీరోలు లేని సినిమా.. స్టార్స్‌కి దీటుగా వసూళ్లు

ఈ సినిమాలో సంగీత్ శోభన్, నార్నె నితిన్, రామ్ నితిన్ ప్రధాన పాత్రల్లో నటించగా, రెబ్బా మెనికా స్పెషల్ సాంగ్ లో మెరిసింది. భీమ్స్ సిసిరొలియో సంగీతం అందించగా, సితారా ఎంటర్టైన్మెంట్స్ బ్యానర్‌పై నాగవంశీ, హారిక సంయుక్తంగా నిర్మించారు.

సినిమాలోని కామెడీ టైమింగ్, క్యారెక్టర్ల మధ్య కెమిస్ట్రీ, మ్యూజిక్, పక్కా యూత్ కాన్సెప్ట్ సినిమాకు ప్లస్ అయ్యాయి. బ్రహ్మానందం, వేణు, గోపరాజు రామణ, సప్తగిరి లాంటి నటుల హాస్యంతో ఈ సినిమా ఫుల్ ఎంటర్‌టైన్‌మెంట్ అందించింది. హాస్యం, యూత్‌ఫుల్ మసాలా, క్యాచీ డైలాగ్స్ ఇవన్నీ కలసి సినిమా సక్సెస్‌కి ప్రధాన కారణమయ్యాయి.

బుక్ మై షోలో రికార్డ్ బ్రేకింగ్ టికెట్ సేల్

ఇప్పటికే ప్రముఖ టికెట్ బుకింగ్ యాప్ ‘బుక్ మై షో’లో 2 లక్షల టికెట్లు అమ్ముడయ్యాయి. బాక్సాఫీస్ వద్ద ‘మాడ్ నెస్’ కొనసాగుతుందంటూ దీనికి సంబంధించిన ఓ పోస్టర్‌ను మేకర్స్ విడుదల చేశారు. ముఖ్యంగా యూత్ ఆడియెన్స్, ఫ్యామిలీ ఆడియెన్స్ ఈ సినిమాను ఆదరిస్తున్నారు. “సింపుల్ స్టోరీ.. సాలిడ్ కామెడీ.. 100% ఎంటర్‌టైన్‌మెంట్” అంటూ నెటిజన్లు కామెంట్స్ పెడుతున్నారు.

సూపర్ హిట్ రివ్యూస్.. పాజిటివ్ టాక్‌తో దూసుకుపోతున్న సినిమా

సినిమా చూసిన ప్రేక్షకుల నుంచి భారీ స్థాయిలో పాజిటివ్ రివ్యూలు వస్తున్నాయి.

మూవీ సాలిడ్ ఫన్ మాస్ మసాలా.. థియేటర్‌లో నవ్వుతూ ఎంజాయ్ చేసే సినిమా!”
“బ్రహ్మానందం కామెడీ సీన్స్… థియేటర్‌లో హాస్య విప్పులేగిస్తున్నాయి.”
“సినిమాలోని డైలాగ్స్, బీజీఎమ్, విజువల్స్ ఫుల్ క్లాస్.. పక్కా ఫన్ మూవీ.”

ఇవే కాకుండా సినీ విశ్లేషకులు కూడా ఈ సినిమాను కంప్లీట్ సమ్మర్ ఎంటర్‌టైనర్ గా ప్రశంసిస్తున్నారు. థియేటర్‌లో మిస్ కాకుండా చూడాల్సిన సినిమా అంటూ రివ్యూస్ వస్తున్నాయి.

#MADSquare hits $650K and the MADness is just heating up

Grand USA Release by @VcinemasUS & @Radhakrishnaen9

Book your tickets now ~ Watch it at theatres near you! #BlockBusterMaxxMadSquare @NarneNithiin #SangeethShobhan #RamNitin @ItsJawalkar @MusicThaman… pic.twitter.com/0fciiAhPQP

— Sithara Entertainments (@SitharaEnts) March 29, 2025

మాడ్ స్క్వేర్: రాబోయే రోజుల్లో ఇంకా బిగ్‌గానే

ఈ సినిమా కలెక్షన్లు మొదటి మూడు రోజులు బిగ్ రేంజ్‌లో ఉంటాయని ట్రేడ్ విశ్లేషకులు అంచనా వేస్తున్నారు. ఓపెనింగ్ వీకెండ్ పూర్తయ్యేలోపు 50 కోట్లకు పైగా గ్రాస్ సాధించే అవకాశం ఉంది. ముఖ్యంగా సమ్మర్ హాలిడేస్‌లో ఈ సినిమా ఫ్యామిలీ ఆడియెన్స్‌ను కూడా ఆకర్షించే అవకాశం ఉంది.

ఇప్పటికే మేకర్స్ మరో క్రేజీ అప్‌డేట్ ఇచ్చారు. త్వరలోనే ఈ సినిమాను ఓటీటీ ప్లాట్‌ఫామ్స్‌లో స్ట్రీమింగ్‌కి తీసుకురావాలని చర్చలు జరుగుతున్నాయి. అయితే, థియేట్రికల్ రన్ పూర్తయ్యే వరకూ ఎక్కడా తగ్గేలా లేదు.