MAD Squar Trailer : లడ్డుగాడి పెళ్లి గోల పంచులే పంచ్లుసమీప కాలంలో తెలుగు సినిమాల్లో ప్రేక్షకులను కడుపుబ్బ నవ్వించిన చిత్రాల్లో ‘మ్యాడ్’ ఒకటి. నార్నే నితిన్, సంగీత్ శోభన్, రామ్ నితిన్ ప్రధాన పాత్రల్లో నటించిన ఈ సినిమా ప్రేక్షకాదరణతో భారీ విజయాన్ని అందుకుంది. కళ్యాణ్ శంకర్ దర్శకత్వంలో తెరకెక్కిన ఈ చిత్రం ఘన విజయం సాధించడంతో, దాని సీక్వెల్ను తెరకెక్కించేందుకు మేకర్స్ సిద్ధమయ్యారు. ఈ సీక్వెల్కు ‘మ్యాడ్ స్క్వేర్’ అనే పేరును ఖరారు చేశారు.తెలుగు ప్రేక్షకులు ఆసక్తిగా ఎదురు చూస్తున్న ‘మ్యాడ్ స్క్వేర్’పై అధికారిక ప్రకటన వచ్చి, భారీ అంచనాలు ఏర్పడ్డాయి. ఇప్పటికే విడుదలైన ప్రచార చిత్రాలు, పాటలు సినిమాపై ఆసక్తిని పెంచగా, ముఖ్యంగా టీజర్లోని హాస్యస్ఫూర్తి సామాజిక మాధ్యమాల్లో విపరీతంగా వైరల్ అయింది. తాజాగా, ఈ అంచనాలను మరింత పెంచుతూ చిత్ర ట్రైలర్ విడుదల చేశారు.
బుధవారం ఉదయం హైదరాబాద్లోని ఏఎంబీ మాల్లో జరిగిన ఈ ట్రైలర్ ఆవిష్కరణ కార్యక్రమంలో అభిమానులు భారీ సంఖ్యలో పాల్గొన్నారు.ట్రైలర్ చూస్తే, మొదటి భాగాన్ని మించిన వినోదాన్ని ‘మ్యాడ్ స్క్వేర్’ అందించబోతుందని స్పష్టమవుతోంది.మ్యాడ్ విజయానికి ప్రధాన కారణమైన విభిన్నమైన హాస్యం, పాత్రల అల్లరి ఈ చిత్రంలో కూడా కొనసాగనుందని ట్రైలర్తో స్పష్టమైంది. హాస్యాస్పదమైన సంభాషణలు, వినోదభరితమైన సన్నివేశాలు ప్రేక్షకులను కడుపుబ్బ నవ్వించనున్నాయి. అంతేకాదు, తమన్ అందించిన నేపథ్య సంగీతం ట్రైలర్కు మరింత బలాన్ని తీసుకొచ్చింది. విడుదలైన కొద్ది నిమిషాల్లోనే ట్రైలర్ సోషల్ మీడియాలో వైరల్గా మారింది.ఈ సందర్భంగా కథానాయకుడు నార్నే నితిన్ మాట్లాడుతూ, “ఏడాదిన్నర క్రితం ‘మ్యాడ్’ సినిమాతో ప్రేక్షకుల ముందుకు వచ్చాము. మేమంతా కొత్తవాళ్లమే అయినప్పటికీ, ప్రేక్షకులు మాకు మంచి విజయాన్ని అందించారు. మీ అందరికీ రుణపడి ఉంటాను. ఇప్పుడు ‘మ్యాడ్ స్క్వేర్’తో మళ్లీ వస్తున్నాం. ఈసారి వినోదం రెట్టింపు.
మార్చి 28న థియేటర్లలో మీరందరూ చూసి ఆనందించండి” అన్నారు.మ్యాడ్ సినిమాతో ప్రేక్షకులను కడుపుబ్బ నవ్వించిన దర్శకుడు కళ్యాణ్ శంకర్, ఈ సీక్వెల్తో మరింత వినోదాన్ని అందించనున్నారు. కథానాయకులు నార్నే నితిన్, సంగీత్ శోభన్, రామ్ నితిన్ త్రయం మొదటి భాగాన్ని మించి తమ అల్లరిని కొనసాగించనున్నారు. ఈ చిత్రాన్ని శ్రీకర స్టూడియోస్తో కలిసి సితార ఎంటర్టైన్మెంట్స్, ఫార్చూన్ ఫోర్ సినిమాస్ సంయుక్తంగా నిర్మిస్తున్నారు. హారిక సూర్యదేవర, సాయి సౌజన్య ఈ సినిమాను నిర్మిస్తుండగా, సూర్యదేవర నాగవంశీ సమర్పకుడిగా వ్యవహరిస్తున్నారు.భారీ అంచనాల నడుమ 2025 మార్చి 28న థియేటర్లలో విడుదల కానున్న ‘మ్యాడ్ స్క్వేర్’, ఈ వేసవిలో ప్రేక్షకులకు మరపురాని వినోదాన్ని అందించబోతోంది.
