PM Kisan Samman : పీఎం కిసాన్ పథకం అనర్హుల నుంచి రూ. 416 కోట్లు రికవరీ దేశవ్యాప్తంగా రైతులకు ఆర్థిక సహాయం అందించే పీఎం కిసాన్ సమ్మాన్ నిధి పథకంలో అనర్హుల నుంచి రూ. 416 కోట్లు రికవరీ చేసినట్లు కేంద్ర వ్యవసాయశాఖ మంత్రి శివరాజ్ సింగ్ చౌహాన్ వెల్లడించారు. ఈ పథకం ద్వారా అర్హులైన రైతులకు ఏడాదికి రూ. 6,000 అందించగా, అనర్హులు కూడా లబ్ధిపొందుతున్నట్టు గుర్తించిన కేంద్ర ప్రభుత్వం, చర్యలు తీసుకోవడం ప్రారంభించింది.
అనర్హులపై కేంద్రం కఠిన చర్యలు
లోక్‌సభలో సభ్యులు అడిగిన ప్రశ్నకు లిఖితపూర్వక సమాధానం ఇచ్చిన శివరాజ్ సింగ్ చౌహాన్, అనర్హుల నుంచి నిధుల రికవరీ కోసం కేంద్రం ప్రత్యేకంగా చర్యలు తీసుకుంటుందని తెలిపారు. ఈ స్కీమ్ కింద అనర్హులు లబ్ధిపొందకుండా చర్యలు చేపట్టేందుకు కేంద్రం వివిధ శాఖలతో కలిసి పనిచేస్తోంది.
ఈ పథకం ప్రారంభంలో స్వీయ ధృవీకరణ (Self-Declaration) ఆధారంగా లబ్ధిదారుల నమోదుకు అనుమతి ఇచ్చారు. అయితే, పథకాన్ని మరింత పారదర్శకంగా మార్చేందుకు 100% ఆధార్ సీడింగ్ పూర్తయింది. ఆధార్, ఇన్‌కమ్ ట్యాక్స్ (Income Tax) శాఖ, ఆర్థిక మంత్రిత్వ శాఖ (Finance Ministry) నుండి లభించిన డేటాతో అనర్హులను గుర్తించి, వారికి చెందిన మొత్తం రికవరీ చేసే చర్యలు కొనసాగుతున్నాయి.
ఎవరెవరికి ఈ పథకంలో అర్హత లేదు?
కేంద్ర & రాష్ట్ర ప్రభుత్వ ఉద్యోగులు
ప్రభుత్వ రంగ సంస్థల (PSU) ఉద్యోగులు
శాసన సభ్యులు (MLA, MP, MLC) వంటి ప్రజాప్రతినిధులు
ఆదాయపన్ను (Income Tax) చెల్లించేవారు
అధిక భూములు కలిగిన వ్యక్తులు
పీఎం కిసాన్ నిధి అనర్హులకు చెల్లించకుండా ఉండేందుకు ప్రభుత్వం రాష్ట్రాలు, కేంద్రపాలిత ప్రాంతాలకు మార్గదర్శకాలు జారీ చేసింది. ఈ పథకం 2019లో ప్రారంభం కాగా, ఇప్పటి వరకు 19 విడతల్లో రూ. 3.68 లక్షల కోట్లు రైతుల ఖాతాల్లో జమ చేసినట్లు కేంద్రం వెల్లడించింది. రైతులకు మూడుమూడు నెలలకు రూ. 2,000 చొప్పున మొత్తం రూ. 6,000 అందజేస్తున్నారు.ఈ పథకానికి అర్హులైన రైతులు PM-KISAN ఆన్‌లైన్ పోర్టల్ ద్వారా స్వయంగా రిజిస్టర్ చేసుకోవచ్చు. కొత్తగా నమోదు చేసుకునే రైతుల కోసం రిజిస్ట్రేషన్ ప్రక్రియ నిరంతరం కొనసాగుతుంది.
ఢిల్లీ రాజకీయ సమీకరణాలపై దేశవ్యాప్తంగా ఆసక్తి ఈరోజు సాయంత్రం 7 గంటలకు బీజేపీ ఎమ్మెల్యేల సమావేశం ఢిల్లీ కొత్త ముఖ్యమంత్రి ఎన్నికపై ఇంకా సస్పెన్స్ కొనసాగుతోంది. ప్రధానమంత్రి Read more
అమరావతి: వైసీపీ సీనియర్ నేత, హిందూపురం మాజీ ఎంపీ గోరంట్ల మాధవ్‌పై విజయవాడ పోలీసులు పోక్సో కేసు పెట్టారు. అంతేకాకుండా, నేడు విచారణకు హాజరుకావాలని సైబర్ క్రైమ్ Read more
Rahul Gandhi: ఏప్రిల్‌ 19 నుంచి కాంగ్రెస్ అగ్రనేత రాహుల్ గాంధీ అమెరికాలో పర్యటించనున్నట్లు సమాచారం. ఈసందర్భంగా ఆయన బ్రౌన్‌ యూనివర్శిటీని సందర్శిస్తారు. బోస్టన్‌లో ప్రవాస భారతీయులతోనూ Read more
రామ్ చరణ్ నటించిన 'గేమ్ ఛేంజర్ "చిత్రం బాక్సాఫీస్ వద్ద భారీ వసూళ్లను చేసినట్టుగా ప్రకటించి విమర్శల పాలవుతోంది. ఇటీవల విడుదల చేసిన ప్రచార పోస్టర్లు సినిమా Read more