ఐపీఎల్‌కు ముందే ఆర్సీబీ వివాదంలో
ఐపీఎల్ ప్రారంభానికి ముందే రాయల్ చాలెంజర్స్ బెంగళూరు (RCB) అనవసరమైన వివాదంలో చిక్కుకుంది. ముంబై ఇండియన్స్ జట్టు కెప్టెన్సీ మార్పును ఎగతాళి చేస్తున్నట్లుగా ఉన్న ఓ వీడియోను ఆర్సీబీ విడుదల చేయడంతో ఇది వైరల్ అయింది. ఆ వీడియోలో ముంబై కెప్టెన్సీ మార్పును సూచిస్తూ వ్యంగ్య వ్యాఖ్యలు చేయడం అభిమానులను తీవ్రంగా కోపం తెప్పించింది.
హార్దిక్‌కు ముంబై పగ్గాలు.. రోహిత్‌కు గుడ్‌బై!
ముంబై ఇండియన్స్ ఫ్రాంచైజీ ఈ సీజన్‌లో సంచలన నిర్ణయం తీసుకుంది. ఆ జట్టుకు ఐదు ఐపీఎల్ ట్రోఫీలు అందించిన రోహిత్ శర్మను కెప్టెన్సీ నుంచి తప్పించి, గుజరాత్ టైటాన్స్ మాజీ కెప్టెన్ హార్దిక్ పాండ్యాకు ముంబై పగ్గాలు అప్పగించింది. ఈ నిర్ణయం అభిమానులను తీవ్రంగా నిరాశపరిచింది.
రోహిత్ శర్మను వదిలేసి పాండ్యాకు జట్టు నాయకత్వం అప్పగించడంపై ముంబై అభిమానులు తీవ్ర ఆగ్రహంతో స్పందించారు. ఇది తమకు అందలేని నిర్ణయమని, రోహిత్ ముంబై కోసం చేసిన సేవలను అవమానించినట్లుగా ఉందని సోషల్ మీడియాలో పెద్ద ఎత్తున వ్యతిరేకత వ్యక్తమైంది.
ఆర్సీబీ ట్రోలింగ్.. కొత్త వివాదానికి తెర
ఇలాంటి పరిస్థితుల్లో ఆర్సీబీకి చెందిన ‘మిస్టర్ నాగ్స్’ ముంబై ఇండియన్స్‌ను వ్యంగ్యంగా ట్రోల్ చేశాడు. ఆర్సీబీ కొత్త కెప్టెన్ రజత్ పటీదార్‌తో మిస్టర్ నాగ్స్ మాట్లాడుతూ, ‘‘మొత్తానికి నువ్వు కెప్టెన్ అయ్యావు. ఆర్సీబీ గత కెప్టెన్లు విరాట్ కోహ్లీ, ఫాఫ్ డుప్లెసిస్ కూడా నీకు అభినందనలు తెలిపారు. మిగతా జట్లు కూడా కెప్టెన్సీ మార్పు సమయంలో ఇలానే చేశాయని అనుకుంటున్నావా?’’ అని ప్రశ్నించాడు.
దీనికి పటీదార్ ముక్తసరిగా స్పందిస్తూ, ‘‘నాకు ఇవి తెలియదు’’ అని సమాధానమిచ్చాడు. అయితే నాగ్స్ అక్కడితో ఆగకుండా, ‘‘నీకు నిజంగా తెలియదా? మరైతే ఎందుకు నవ్వుతున్నావు’’ అని మరింతగా రెచ్చగొట్టాడు. అంతటితో ఆగకుండా, ‘‘అంటే నీ ఉద్దేశం ‘ముంబై ఇండియన్స్‌కు తెలియదు’ (ఎంఐ (మై) నహీ జాన్తా) అనే కదా?’’ అంటూ వ్యంగ్యంగా వ్యాఖ్యానించాడు.
సోషల్ మీడియాలో వైరల్.. అభిమానుల ఆగ్రహం
ఈ సంభాషణకు సంబంధించిన వీడియో సోషల్ మీడియాలో హల్‌చల్ చేసింది. ముంబై ఇండియన్స్ అభిమానులు ఈ వీడియోను చూసి తీవ్ర అసంతృప్తి వ్యక్తం చేశారు. ‘‘ఇది మా కెప్టెన్‌ను అవమానించడమే’’ అంటూ కామెంట్లు చేస్తూ, ఆర్సీబీపై మీమ్స్ దాడి ప్రారంభించారు.
ఒక అభిమాని స్పందిస్తూ – ‘‘ఆర్సీబీ ఒక్కసారి ఐపీఎల్ గెలిచి మాట్లాడతారా? ప్రతి సీజన్ బోల్తా కొట్టే జట్టు ముంబైను ట్రోల్ చేయడం హాస్యాస్పదంగా ఉంది’’ అని రాశారు. మరొకరు, ‘‘ముంబై ఐదు ట్రోఫీలు గెలిచింది. RCB ఒక్కదానిని కూడా గెలవలేదు. అసలు మీరెవరు ముంబైను ట్రోల్ చేయడానికి?’’ అని ప్రశ్నించారు.
ఆర్సీబీ వివరణ ఇవ్వాల్సిన అవసరం?
ఈ వివాదం పెద్దదిగా మారడంతో ఆర్సీబీ జట్టు దీనిపై వివరణ ఇవ్వాల్సిన అవసరం ఉందని పలువురు విశ్లేషకులు అభిప్రాయపడుతున్నారు. ముంబై ఫ్రాంచైజీ తమ కెప్టెన్సీ మార్పుపై ఇప్పటికే ట్రోలింగ్‌ను ఎదుర్కొంటున్న సమయంలో, ఆర్సీబీ ఇలా చేయడం అసలు అవసరమా? అన్న చర్చ మొదలైంది.
ఈ వివాదం మరింత ముదిరితే, ఐపీఎల్ ప్రారంభానికి ముందే ఆర్సీబీకి అదనపు ఒత్తిడి పెరిగే అవకాశం ఉంది. ఇక చూడాలి.. ఈ వివాదంపై ఆర్సీబీ ఎలా స్పందిస్తుందో!
కుకి-జో ఆర్గనైజేషన్ కమిటీ ఆన్ ట్రైబల్ యూనిటీ (COTU) ప్రకటన విడుదల చేసింది.కుకి-జో ప్రాంతాల్లో ప్రజలకు స్వేచ్ఛగా తిరగడానికి అనుమతి లేదు అని తెలిపింది. ఈ నిర్ణయం Read more
అమెరికా అధ్యక్షుడు డొనాల్డ్ ట్రంప్ కొత్తగా ప్రతిపాదించిన ‘గోల్డ్ కార్డ్’ ప్రణాళిక ఆధునిక వలస విధానానికి ఒక కీలకమైన మార్పుగా చెప్పుకోవచ్చు. హార్వర్డ్, స్టాన్‌ఫోర్డ్, వార్టన్ స్కూల్ Read more
పాట్నా: బిహార్ పబ్లిక్ సర్వీసెస్ పరీక్షను రద్దు చేయాలనే డిమాండ్‌తో ప్రశాంత్ కిషోర్ చేపట్టిన ఆమరణ నిరాహార దీక్షను పోలీసులు భగ్నం చేశారు. రాజకీయ వ్యూహకర్తగా ఉన్న Read more
న్యూఢిల్లీ: ఢిల్లీలో చలితో పాటు వాయు కాలుష్యం కూడా పెరుగుతోంది. దీంతో ఎయిర్ క్వాలిటీ ఇండెక్స్ (AQI) తీవ్రమైన కేటగిరీకి చేరుకుంది. దీనికి సంబంధించి సోమవారం నుంచి Read more