TG Budget: బీఆర్ఎస్ వర్కింగ్ ప్రెసిడెంట్ కేటీఆర్ తెలంగాణ బడ్జెట్ పై స్పందించారు. రాష్ట్ర ప్రభుత్వం ప్రవేశపెట్టిన బడ్జెట్ను వ్యతిరేకిస్తున్నామని ఆయన అన్నారు. ఈ బడ్జెట్ తెలంగాణ ఆర్థిక వ్యవస్థను చిన్నాభిన్నం చేసి పేక మేడలా కూల్చిందని ధ్వజమెత్తారు. అసెంబ్లీ మీడియా పాయింట్ వద్ద పార్టీ ఎమ్మెల్యేలతో కలిసి కేటీఆర్ మాట్లాడారు. రాష్ట్ర ప్రభుత్వం ప్రవేశపెట్టిన బడ్జెట్ పేదల కష్టాలను తీర్చేలా లేదని మండిపడ్డారు.
420 హామీలను బడ్జెట్‌లో ఎక్కడా లేవు
ఈ బడ్జెట్ ఢిల్లీకి మూటలు పంపేందుకు మాత్రమే ఉపయోగపడేలా ఉందని విమర్శించారు. ఎన్నికల ముందు ఇచ్చిన 420 హామీలను బడ్జెట్‌లో ఎక్కడా ప్రస్తావించలేదన్నారు. రుణమాఫీ జరిగిందో లేదో కాంగ్రెస్ వాళ్లకే అర్థం కావడం లేదని ఎద్దేవా చేశారు. అంకెలు ఎందుకు మారాయో సీఎం రేవంత్‌ రెడ్డి చెప్పాలని కేటీఆర్ డిమాండ్ చేశారు. పదేళ్ల ప్రగతి రథ చక్రానికి పంక్చర్ చేశారని కేటీఆర్ దుయ్యబట్టారు. బ‌డుగు, బ‌ల‌హీన వ‌ర్గాల‌ను మోసం చేసేలా ఈ బడ్జెట్ ఉందని మండిపడ్డారు.
ఆరు గ్యారెంటీల ఊసే లేదు
ప్ర‌భుత్వ ఉద్యోగాల భ‌ర్తీతో పాటు ఆరు గ్యారెంటీల ఊసే లేదని కేటీఆర్ విరుచుకుప‌డ్డారు. ఈ రోజు రాష్ట్రంలోని పేద‌లు, రైతులు, ఆడ‌బిడ్డ‌లు అంద‌రూ కూడా ఆశ‌గా ఎదురు చూశారు. కానీ ఒక్క మాట‌లో చెప్పాలంటే భ‌ట్టి విక్ర‌మార్క సుదీర్ఘ ఉప‌న్యాసం విన్న త‌ర్వాత మాకు అర్థ‌మైందంటే ఆరు గ్యారెంటీలు గోవిందా గోవిందా అని అర్థ‌మైంది. ఆరు గ్యారెంటీల‌కు తిలోద‌కాలు వేశారు, పాత‌రేశార‌ని స్ప‌ష్టంగా అర్థ‌మైంది. ఇది కాంగ్రెస్‌కు రెండో బడ్జెట్. ఈ బడ్జెట్ను చూసిన త‌ర్వాత మ‌హిళ‌లు ఆగ్ర‌హం వ్య‌క్తం చేస్తున్నారని కేటీఆర్ అన్నారు.
హైదరాబాద్‌: బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్‌కు సుప్రీంకోర్టులో చుక్కెదురైంది. ఫార్ములా ఈ రేసు కేసులో కేటీఆర్ దాఖలు చేసిన క్వాష్ పిటిషన్‌ను విచారించేందుకు సుప్రీం Read more
Rains : ఉత్తర, ఈశాన్య తెలంగాణ జిల్లాల్లో శుక్ర, శనివారాల్లో వర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది. ఉరుములు, మెరుపులతో పాటు వడగండ్ల Read more
కేంద్ర మంత్రి నివాసంలో జరిగే వేడుకలకు తెలుగు మాట్లాడే తెలంగాణ, ఆంధ్రప్రదేశ్ రాష్ట్రాలకు చెందిన సీనియర్ బిజెపి నాయకులు, పార్లమెంటు సభ్యులు కూడా హాజరయ్యే అవకాశం ఉంది. Read more
తిరుమలలో భక్తుల రద్దీ మరింతగా పెరగడంతో టీటీడీ కీలక నిర్ణయాలు తీసుకుంది. ప్రస్తుతం టోకెన్లు లేకుండా శ్రీవారి సర్వదర్శనం కోసం భక్తులు 10 గంటల సమయం వేచిచూస్తున్నారు. Read more