Cows : గోమాతల్లో పవర్ ఉంటుంది : పంజాబ్ గవర్నర్ పంజాబ్ గవర్నర్ గులాబ్ చంద్ కటారియా గో సంరక్షణ గురించి ఆసక్తికర వ్యాఖ్యలు చేశారు. గోమాతల్లో ఉన్న ప్రత్యేకతను వివరించుతూ, అవి అయస్కాంత శక్తిని కలిగి ఉంటాయని చెప్పారు. ఈ అయస్కాంత శక్తి సూక్ష్మ క్రిములను నిర్మూలించేందుకు ఉపయోగపడుతుందని ఆయన పేర్కొన్నారు. భిల్వారాలోని శంభుపురా గ్రామంలో తులసి గోశాల నిర్మాణానికి భూమిపూజ చేసిన సందర్భంగా ఈ వ్యాఖ్యలు చేశారు. కటారియా మాట్లాడుతూ గోవుల గౌరవం మన సంప్రదాయంలో భాగమని, వాటి సంక్షేమం కోసం మరింత కృషి చేయాల్సిన అవసరం ఉందని సూచించారు. గోవుల సంరక్షణపై పరిశోధనలు ప్రోత్సహించాల్సిన అవసరం ఉందని అభిప్రాయపడ్డారు.
పూర్వం గోవుల సంరక్షణ వల్ల ఆరోగ్యానికి అనేక ప్రయోజనాలు ఉండేవని, ముఖ్యంగా తల్లులు ఆరోగ్యంగా ఉండేవారని తెలిపారు.రాజస్థాన్ ప్రభుత్వంలో మంత్రిగా పని చేసిన అనుభవం ఉన్న కటారియా, గోవుల ప్రాముఖ్యతను ప్రపంచం త్వరలో గుర్తిస్తుందని ఆశాభావం వ్యక్తం చేశారు. ప్రతి ఇంట్లో గోవులను సంరక్షించే రోజు వస్తుందన్న నమ్మకాన్ని వ్యక్తం చేశారు. గోవుల సంరక్షణ లేకుండా వ్యవసాయం నాశనమవుతుందని ఆయన హెచ్చరించారు.ఇక పాఠ్యాంశాల్లో గోవుల ప్రాముఖ్యతను చేర్చకపోవడం దురదృష్టకరమని పేర్కొన్నారు. విద్యార్థులకు చిన్ననాటి నుంచే గోవుల యొక్క ప్రాముఖ్యతను నేర్పించాలి అనే అభిప్రాయాన్ని వెల్లడించారు.అవినీతిని నిర్మూలించడంలో ప్రధాని మోదీ కీలక భూమిక పోషిస్తున్నారని, ఆయన నాయకత్వం దైవ సంకల్పమని కటారియా అభివర్ణించారు. గతంలో పేదలకు చేరాల్సిన నిధులు అవినీతితో అడ్డుకట్టకు గురయ్యాయని, కానీ ఇప్పుడు మోదీ నేతృత్వంలో పారదర్శక పాలన అందుబాటులోకి వస్తోందని తెలిపారు.
Telangana : ఒకే ఆర్డర్ తో 6,729 మంది పైన రేవంత్ సర్కార్ వేటు వేసింది. ప్రభుత్వంలో పలు శాఖల్లో వివిధ హోదాల్లో పని చేస్తున్న పదవీ Read more
అభిషేక్ శర్మ 24 పరుగులకే ఔటయ్యాడు. కానీ ట్రావిస్ హెడ్, ఇషాన్ కిషన్ కలిసి విరుచుకుపడి సన్‌రైజర్స్ హైదరాబాద్ (ఎస్ఆర్ హెచ్ ) ఐపీఎల్ చరిత్రలో ఐదవ Read more
న్యూయార్క్‌ : ఈ నెల 20న అమెరికా అధ్యక్షుడిగా డొనాల్డ్ ట్రంప్ ప్రమాణస్వీకారోత్సవం ఇండోర్‌లో జరగనుంది. వాషింగ్టన్ డీసీలో విపరీతమైన చలి ఉండటంతో క్యాపిటోల్ భవనంలో ప్రమాణం Read more
జనసేన గుర్తింపు పొందిన రాజకీయ పార్టీల జాబితాలో చేరడం పట్ల ఆ పార్టీ తన ఆనందాన్ని వ్యక్తం చేసింది. 2024 ఎన్నికల్లో సాధించిన 100 శాతం స్ట్రైక్ Read more