ముగిసిన ఏపీ కేబినెట్ సమావేశం ప్రైవేటు వర్సిటీల చట్టసవరణ ఆమోదం ఆంధ్రప్రదేశ్ ముఖ్యమంత్రి చంద్రబాబు నాయుడు అధ్యక్షతన రాష్ట్ర క్యాబినెట్ సమావేశం ఈ రోజు సచివాలయంలో జరిగింది. ఈ కీలక సమావేశానికి డిప్యూటీ సీఎం పవన్ కళ్యాణ్, విద్యాశాఖ మంత్రి నారా లోకేశ్, ఇతర మంత్రులు, సంబంధిత శాఖల ఉన్నతాధికారులు హాజరయ్యారు. ఈ భేటీలో రాష్ట్రాభివృద్ధికి సంబంధించి పలు ముఖ్యమైన నిర్ణయాలు తీసుకున్నారు.
విద్యాశాఖ ప్రతిపాదించిన మార్పులకు క్యాబినెట్ గ్రీన్ సిగ్నల్
క్యాబినెట్‌లో చర్చించిన ప్రధాన విషయాల్లో ప్రైవేట్ విశ్వవిద్యాలయాల చట్ట సవరణ బిల్లు కూడా ఒకటి. ఉన్నత విద్యాశాఖ ప్రతిపాదించిన మార్పులకు క్యాబినెట్ గ్రీన్ సిగ్నల్ ఇచ్చింది. అలాగే, పంచాయతీరాజ్, గ్రామీణాభివృద్ధి శాఖ తీసుకొచ్చిన ప్రతిపాదనలూ ఆమోదం పొందాయి. రాష్ట్రంలోని వైద్య సేవలను మెరుగుపరిచేందుకు 372 సివిల్ సర్జన్ పోస్టుల భర్తీకి క్యాబినెట్ ఆమోదం తెలిపింది.
మరోవైపు, మద్యం దుకాణాల కేటాయింపులో ఎస్సీ, ఎస్టీ, బీసీ కులాలకు న్యాయం చేయాలనే దిశగా చర్యలు తీసుకున్నారు. ఈ క్రమంలో, సొండి కులాలకు నాలుగు మద్యం దుకాణాలను కేటాయించాలనే ప్రతిపాదనను క్యాబినెట్ ఆమోదించింది. ఇదే విధంగా, చిత్తూరు జిల్లా కుప్పంలో డిజిటల్ నర్వ్ సెంటర్ ఏర్పాటుకు మంత్రివర్గం గ్రీన్ సిగ్నల్ ఇచ్చింది.
ఇక, ఆమోదం పొందిన ఇతర కీలక నిర్ణయాల్లో..
- రాజమండ్రిలో అగ్రికల్చర్ కాలేజీకి ఉచిత భూమి కేటాయింపు
- రాజమండ్రిలోని ఓల్డ్ హేవ్ లాక్ బ్రిడ్జి అభివృద్ధికి 116 ఎకరాల భూమి కేటాయింపు
- రాష్ట్ర టూరిజం ల్యాండ్ అలాట్‌మెంట్ పాలసీకి క్యాబినెట్ ఆమోదం
- సీతంపేట ఎంఎస్ఎంఈ పార్క్ ఏర్పాటుకు ఉచిత భూ కేటాయింపు
- డీపీవోల క్యాడర్ క్రమబద్ధీకరణ ప్రతిపాదనలకు ఆమోదం
- పౌర సేవలు ప్రజలకు మరింత సమర్థవంతంగా అందేలా మార్పులకు గ్రీన్ సిగ్నల్
ఈ సమావేశంలో తీసుకున్న నిర్ణయాలు రాష్ట్ర అభివృద్ధికి దోహదపడతాయని, ప్రజలకు మరింత మెరుగైన సేవలు అందించేందుకు వీలుకల్పిస్తాయని మంత్రివర్గ సభ్యులు అభిప్రాయపడ్డారు.
దేశంలో జనాభా లెక్కల సేకరణకు కేటాయింపులు ఎంత? ఇదే ప్రశ్న ప్రస్తుతం చర్చనీయాంశమైంది. ఆర్థిక మంత్రి నిర్మలా సీతారామన్ ప్రవేశపెట్టిన కేంద్ర బడ్జెట్‌లో జనగణనకు సంబంధించిన కేటాయింపులు Read more
భారత ప్రఖ్యాత బ్యాడ్మింటన్ క్రీడాకారిణి పీవీ సింధు వివాహ వేడుక రాజస్థాన్‌లోని ఉదయ్‌పూర్‌లో అట్టహాసంగా ప్రారంభమైంది. హైదరాబాద్‌కు చెందిన పోసిడెక్స్ టెక్నాలజీస్ సంస్థ ఎగ్జిక్యూటివ్ డైరెక్టర్ వెంకట Read more
నేడు జరిగిన అల్లు అర్జున్‌ విచారణ ముగిసింది. చిక్కడపల్లి పోలీస్‌ స్టేషన్‌లో దాదాపు రెండున్నర గంటల పాటూ అల్లు అర్జున్‌ను పోలీసులు విచారించారు. సంధ్య థియేటర్‌ వద్ద Read more
జెలెన్‌స్కీకి ఇలా జరగాల్సిందే.. మాస్కో: మీడియా ఎదుటే అమెరికా, ఉక్రెయిన్‌ అధ్యక్షులు డొనాల్డ్‌ ట్రంప్‌, జెలెన్‌స్కీ వాగ్వాదానికి దిగడం యావత్‌ ప్రపంచాన్ని ఆశ్చర్యానికి గురిచేసింది. ఈ పరిణామాలపై Read more