హైదరాబాద్లోని గాంధీ భవన్లో యూత్ కాంగ్రెస్ నేతలు పరస్పరం వాగ్వాదానికి దిగడంతో రసాభాస పరిస్థితి చోటు చేసుకుంది. సమావేశం సందర్భంగా నేతల మధ్య మాటామాటా పెరిగి తిట్టుకుంటూ, కొట్టుకునే దాకా వెళ్లింది. ఈ సంఘటనలో ఒకరు గాయపడ్డారు, దీనికి సంబంధించిన వీడియోలు ప్రస్తుతం నెట్టింట వైరల్గా మారాయి.
బుధువారం యూత్ కాంగ్రెస్ సమావేశంలో రెండు వర్గాలు పదవుల కేటాయింపుపై విభేదించాయి. కొత్తగూడెం కాంగ్రెస్ నేతలు ఇతర పార్టీల నుంచి వచ్చిన వారికి పదవులు కట్టబెడుతున్నారనే ఆరోపణలు చేస్తూ తమ ఆగ్రహాన్ని వ్యక్తం చేశారు. పార్టీ కోసం నిరంతరం కృషి చేస్తున్న వారికి పట్టించుకోకుండా ఇతరులను ప్రాధాన్యత ఇస్తున్నారని వారు విమర్శించారు. సమావేశం ప్రారంభమైన కొద్దిసేపటికి, వర్గాల మధ్య వాగ్వాదం తీవ్ర రూపం దాల్చింది. పరస్పర వ్యతిరేక నినాదాలతో ఇద్దరు వర్గాలు వాడిగా తిరుగడం జరిగింది. ఆ తర్వాత వాగ్వాదం కాస్త శారీరక ఘర్షణకు దారితీసింది. ఈ ఘర్షణలో ఒకరు గాయపడగా, ఇతరులు అతడిని తీవ్రంగా దాడి చేసినట్లు వీడియోలు చూపిస్తున్నాయి.
ఇరువర్గాల ఘర్షణను గమనించిన పోలీసులు వెంటనే ఘటన స్థలానికి చేరుకున్నారు. తీవ్రంగా ముదిరిన ఈ ఘర్షణను అదుపు చేసి, ఇరువర్గాలను చెదరగొట్టారు. గాంధీ భవన్లో జరిగిన ఈ ఘటన కాంగ్రెస్ పార్టీకి ప్రతిష్ఠాజ్ఞానికి భంగం కలిగించిందని పలువురు అభిప్రాయపడ్డారు. ఈ ఘటనపై కాంగ్రెస్ పార్టీ అధిష్ఠానం తీవ్రంగా స్పందించే అవకాశం ఉంది. అంతర్గత విభేదాలను సమసిపుచ్చేందుకు పార్టీ నేతలు కఠిన చర్యలు తీసుకోవాలని సూచనలు వ్యక్తమవుతున్నాయి. పార్టీ నాయకత్వంపై అసంతృప్తి బయటపడటం పార్టీ భవిష్యత్తుపై ప్రభావం చూపే ప్రమాదం ఉందని రాజకీయ విశ్లేషకులు అభిప్రాయపడుతున్నారు.
