ఇటీవల మదగజరాజ సినిమా ప్రీ రిలీజ్ ఈవెంట్లో పాల్గొన్న సమయంలో ఆయన శరీర భాష అభిమానులను షాక్కు గురి చేసింది. వేదికపైకి నడవడానికి సహాయం తీసుకోవడం, మాట్లాడే సమయంలో వణకడం చూసి విశాల్ ఆరోగ్యంపై సోషల్ మీడియాలో చర్చ మొదలైంది.తమిళంతో పాటు తెలుగులోనూ విశాల్కు భారీ ఫ్యాన్ ఫాలోయింగ్ ఉంది. ఎన్నో హిట్ సినిమాలతో తనకంటూ ప్రత్యేకమైన గుర్తింపు సంపాదించుకున్న విశాల్, ఇటీవల ఆరోగ్య సమస్యలతో సతమతమవుతున్నారు. విశాల్ ఈవెంట్లో పాల్గొన్న వీడియో సోషల్ మీడియాలో వైరల్ అవుతోంది. ఈ వీడియోలో ఆయన నడవడానికి, మాట్లాడడానికి తీవ్రంగా ఇబ్బంది పడుతున్న తీరు చూసి అభిమానులు ఆందోళన చెందుతున్నారు. సహాయకుడి సహాయంతో వేదికపైకి వచ్చిన విశాల్, మాట్లాడుతున్నప్పుడు చేతులు వణకడంతో వారి మనసు నొచ్చింది.ఈ పరిస్థితిపై స్పందించిన విశాల్ పర్సనల్ టీం, ఆయన వైరల్ ఫీవర్తో బాధపడుతున్నారని, అపోలో ఆసుపత్రిలో చికిత్స పొందుతున్నారని తెలిపింది.
వైద్యులు ప్రస్తుతం ఆయన ఆరోగ్యం మెరుగవుతోందని వెల్లడించారు.అయితే ఈ నేపథ్యంలో ప్రముఖ గాయని సుచిత్ర చేసిన వ్యాఖ్యలు తీవ్ర దుమారాన్ని రేపుతున్నాయి. విశాల్ అనారోగ్యంతో ఉన్నప్పటికీ, తనకు ఆనందంగా ఉందని చెప్పిన సుచిత్ర, గతంలో విశాల్ తనతో అసభ్యంగా ప్రవర్తించాడని ఆరోపించింది. తన భర్త కార్తీక్ ఇంట్లో లేని సమయంలో, విశాల్ మద్యం సీసాతో తలుపు తట్టాడని ఆరోపణలు చేసింది. సుచిత్ర చేసిన ఈ వ్యాఖ్యలు సోషల్ మీడియాలో వైరల్ కావడంతో, ఆమెపై తీవ్ర విమర్శలు వస్తున్నాయి. అనారోగ్యంతో ఉన్న వ్యక్తిపై ఇలాంటి వ్యాఖ్యలు చేయడం అసహ్యతరమని, ఆమె క్షమాపణ చెప్పాలని అభిమానులు డిమాండ్ చేస్తున్నారు.ఇక, విశాల్ ఆరోగ్యం మెరుగవాలని సినీ ప్రముఖులు, సహచరులు ఆకాంక్షిస్తున్నారు. ఈ పరిస్థితిలో సుచిత్ర చేసిన వ్యాఖ్యలు వివాదాస్పదంగా మారాయి. గతంలో కూడా సుచిత్ర సినీ ఇండస్ట్రీకి చెందిన ప్రముఖులపై ఆరోపణలు చేసిన సంగతి తెలిసిందే. విశాల్ త్వరగా కోలుకొని, అభిమానులకు మరింత మెరుగైన సినిమాలు అందించాలని అందరూ ఆశిస్తున్నారు.
