ఈ రోజుల్లో ఓటీటీ ప్రేక్షకులు సస్పెన్స్ థ్రిల్లర్లు, హారర్ సినిమాలపై ఎక్కువగా ఆసక్తి చూపుతున్నారు. ప్రతి క్షణం భయంకరమైన విజువల్స్, అద్భుతమైన ట్విస్టులతో వచ్చే ఈ సినిమాలు, రోజురోజుకి మరింత ఆదరణ పొందుతున్నాయి. ఈ తరహా చిత్రాలు ఇతర భాషలలో భారీ విజయం సాధించిన తర్వాత, ప్రేక్షకులకు మరింత చేరువ కావడానికి మేకర్స్ ఓటీటీలో విడుదల చేస్తున్నారు. తమిళంలో అంచనాలు లేకుండా విడుదలై పెద్ద విజయం సాధించిన సినిమాల్లో ఒకటి “అథోముగం.”ఈ చిత్రం ప్రస్తుతం ఐఎండీబీలో 7 రేటింగ్ను సాధించిది. అగ్ర నిర్మాణ సంస్థ డ్రీమ్ వారియర్ పిక్చర్స్ బ్యానర్ పై రూపొందించిన ఈ స్పై థ్రిల్లర్, సిద్ధార్థ్ దేవ్ దర్శకత్వంలో తెరకెక్కింది. 2023 మార్చి 1న థియేటర్లలో విడుదలైన ఈ సినిమా, మిశ్రమ స్పందనను అందుకుంది.
ఇందులో సిద్ధార్థ్ మరియు చైతన్య ప్రతాప్ హీరోహీరోయిన్లుగా నటించారు, మరియు ఈ సినిమాతో వారు సినీ పరిశ్రమలో అడుగుపెట్టారు.ఈ సినిమా తమిళం మరియు మలయాళంలో ఒకే రోజున విడుదలై ప్రేక్షకులను ఆకట్టుకుంది. అనంత్ నాగ్, అరుణ్ పాండియన్ ఈ సినిమాలో కీలక పాత్రలు పోషించారు.ఇప్పుడు ఈ సినిమా ఓటీటీలో అందుబాటులోకి రాబోతుంది. జనవరి 10 నుంచి “ఆహా తమిళ” ఓటీటీ ప్లాట్ఫామ్లో ఈ చిత్రం స్ట్రీమింగ్ కానుంది. అమెజాన్ ప్రైమ్ వీడియోలో ఈ సినిమా రెంటల్ విధానంలో లభిస్తుంది.
అయితే “ఆహా తమిళ”లో ఈ చిత్రాన్ని ఫ్రీ స్ట్రీమింగ్ రూపంలో చూడవచ్చు.థియేటర్లలో విడుదలైన తొమ్మిది నెలల తర్వాత ఈ సినిమా ఓటీటీలోకి రావడం, ప్రేక్షకుల మధ్య ఆసక్తిని కలిగిస్తుంది.కథ విషయానికి వస్తే, “మార్టిన్” (సిద్ధార్థ్) మరియు “లీనా” (చైతన్య ప్రతాప్) ప్రేమించి పెళ్లి చేసుకుంటారు. మార్టిన్ తన భార్య లీనా కోసం ఒక వెడ్డింగ్ యానివర్సరీ సర్ప్రైజ్ ప్లాన్ చేస్తాడు. ఈ సందర్భంగా లీనా ఫోన్లో “హిడెన్ ఫేస్” అనే స్పై యాప్ను డౌన్లోడ్ చేసి, ఆమె చర్యలను తెలుసుకోవాలని ప్రయత్నిస్తాడు.
