పుష్ప 2: ది రూల్, అనేది ఎంతో ఆసక్తిగా ఎదురు చూస్తున్న పాన్ ఇండియా మాస్ యాక్షన్ ఎంటర్టైనర్. డైరెక్టర్ సుకుమార్ దర్శకత్వంలో తెరకెక్కిన ఈ సినిమాకు భారీ హైప్ ఏర్పడింది. ఇందులో అల్లు అర్జున్ మరియు రష్మిక మందన్నా జంటగా నటిస్తుండగా, ప్రముఖ నటుడు ఫహద్ ఫాజిల్ విలన్‌గా నటిస్తున్నాడు. డిసెంబర్ 5న ఈ సినిమా గ్రాండ్ గా విడుదల కానుంది, మరింత ఉత్సాహాన్ని పుట్టిస్తోంది.
పుష్ప 2 సినిమా పై ప్రేక్షకులలో గట్టి అంచనాలు నెలకొన్నాయి. ఈ చిత్రంలో అల్లు అర్జున్ పాత్ర పుష్పరాజ్ నుంచి మరింత ఆవిష్కృతమవుతుంది. పుష్ప 1 మూవీ బాక్సాఫీస్ వద్ద సూపర్ హిట్ అవడం తో, పార్ట్ 2 పై ప్రేక్షకుల ఆతృత మరింత పెరిగింది. మైత్రీ మూవీ మేకర్స్ బ్యానర్ పై రూ. 500 కోట్లతో ఈ చిత్రం నిర్మించబడినట్లు సమాచారం. ట్రైలర్, ప్రత్యేక గీతం వంటి ప్రమోషనల్ యాక్టివిటీస్ ఇప్పటికే ప్రేక్షకుల మధ్య సంచలనం సృష్టించాయి.
ఇప్పుడు, పుష్ప 2 ప్రమోషన్లలో డైరెక్టర్ రాజమౌళి కూడా భాగస్వామి అవ్వనున్నాడు. సినిమా టీమ్ తో ప్రత్యేక ఇంటర్వ్యూ చేసేలా ప్రణాళికలు రూపొందించబడ్డాయని సమాచారం. ఈ ఇంటర్వ్యూ 30-40 నిమిషాల మధ్య ఉంటుందని తెలుస్తోంది. గతంలో కూడా రాజమౌళి, సుకుమార్ ఇద్దరు ఒకరికొకరు సహాయం చేసి, పెద్ద విజయాలను సాధించారు. ఇప్పుడు రాజమౌళి, సుకుమార్ కాంబో మరోసారి పుష్ప 2 సినిమాను మరింత ఆసక్తికరంగా చేస్తుంది.