భారత క్రికెట్ జట్టు స్టార్ విరాట్ కోహ్లీ పుట్టినరోజు సందర్భంగా అనూహ్య వ్యక్తి నుంచి శుభాకాంక్షలు అందుకోవడం సోషల్ మీడియాలో పెద్ద చర్చకు దారి తీసింది. ప్రపంచవ్యాప్తంగా ఉన్న కోహ్లీ అభిమానులు, ప్రముఖులు ఆయనకు సోషల్ మీడియా వేదికగా శుభాకాంక్షలు తెలియజేస్తుండగా, ఇటలీకి చెందిన ఓ మహిళా ఫుట్బాల్ క్రీడాకారిణి అగాటా ఇసాబెల్లా సెంటాస్సో ప్రత్యేకంగా కోహ్లీకి పుట్టినరోజు శుభాకాంక్షలు తెలియజేయడం ఆసక్తికరంగా మారింది.
అగాటా సోషల్ మీడియాలో “హ్యాపీ బర్త్ డే విరాట్, ఆల్ ది బెస్ట్!” అంటూ సందేశం రాసి కోహ్లీపై తన అభిమానాన్ని వ్యక్తం చేసింది. అయితే, ఈ పోస్ట్ సోషల్ మీడియాలో చర్చకు దారితీసింది. కొంతమంది నెటిజన్లు అనూహ్యంగా స్పందిస్తూ, ఒక ఫుట్బాల్ క్రీడాకారిణి ఎందుకు క్రికెట్ స్టార్కి శుభాకాంక్షలు తెలుపుతుందనే ప్రశ్నలతో విమర్శలు చేశారు.
ఈ విమర్శలకు అగాటా కాస్త విసుగుతో స్పందించింది. “నేను ఎప్పుడైతే విరాట్ కోహ్లీ గురించి మాట్లాడుతానో లేదా క్రికెట్ గురించి పోస్టు పెడతానో, కొన్ని అపనమ్మకాల కారణంగా ప్రతిసారి ఇలాంటి ప్రతికూల స్పందనలు వస్తున్నాయి. నాకు పూర్తిగా అర్థం కావడం లేదు, ఎందుకు ఇలా అంటున్నారో?” అని ఆమె తన సందేహాన్ని వ్యక్తం చేసింది ఇలాంటి సంఘటనలు సోషల్ మీడియాలో ఎంత వేగంగా వైరల్ అవుతాయో, అంతే వేగంగా వివిధ కోణాల చర్చలకు దారితీస్తాయి. విరాట్ కోహ్లీ వంటి క్రీడా దిగ్గజాలపై ప్రపంచవ్యాప్తంగా ఉన్న అభిమానుల ప్రాధాన్యం ఇలా మరోసారి స్పష్టమైంది.
