టీమిండియా మహిళా క్రికెట్ జట్టు స్టార్ బ్యాటర్ స్మృతి మంధాన అద్భుతమైన ప్రదర్శనతో అరుదైన రికార్డు సృష్టించింది. మంగళవారం న్యూజిలాండ్‌తో జరిగిన వన్డే మ్యాచ్‌లో సెంచరీతో మెరిసిన స్మృతి, తన 8వ వన్డే శతకాన్ని నమోదు చేసింది. దీంతో, భారత్ తరపున అత్యధిక వన్డే సెంచరీలు చేసిన మహిళా క్రికెటర్గా చరిత్రలో నిలిచింది ఈ రికార్డుతో, మాజీ భారత కెప్టెన్ మిథాలీ రాజ్ (7 వన్డే సెంచరీలు)ను వెనక్కి నెట్టి, స్మృతి మంధాన కొత్త మైలురాయిని అధిగమించింది ప్రస్తుతం మూడో స్థానంలో హర్మన్‌ప్రీత్ కౌర్ (6 వన్డే సెంచరీలు) ఉంది.
విశ్వవ్యాప్తంగా వన్డే క్రికెట్‌లో అత్యధిక సెంచరీలు చేసిన మహిళా క్రికెటర్ల జాబితాలో, ఆసీస్ ప్లేయర్ మెగ్ లానింగ్ 15 సెంచరీలతో అగ్రస్థానంలో కొనసాగుతుండగా, స్మృతి మంధాన తన 8వ సెంచరీతో ఈ జాబితాలో మరింత ఉన్నత స్థానాన్ని చేరుకుంది భారత్-న్యూజిలాండ్ మధ్య జరిగిన మూడు వన్డేల సిరీస్‌ను భారత్ 2-1 తేడాతో కైవసం చేసుకుంది నిర్ణయాత్మక మూడో వన్డేలో, భారత్ 6 వికెట్ల తేడాతో విజయం సాధించింది. న్యూజిలాండ్ టాస్ గెలిచి ముందుగా బ్యాటింగ్ ఎంచుకున్నా, భారత బౌలర్లు క్రమంగా వికెట్లు తీస్తూ కివీస్‌ను 232 పరుగులకే ఆలౌట్ చేశారు. న్యూజిలాండ్ తరపున మిడిల్ ఆర్డర్ బ్యాటర్ హాలిడే 96 బంతుల్లో 86 పరుగులు చేసి, తమ జట్టుకు కొంతమేరకు గౌరవప్రదమైన స్కోరు అందించగలిగింది.
భారత్ 233 పరుగుల లక్ష్యంతో బరిలోకి దిగినప్పుడు, మొదటి వికెట్‌గా షఫాలీ వర్మ (12) త్వరగా ఔట్ అయ్యింది. అయితే, ఆ తర్వాత స్మృతి మంధాన, యాస్తికా భాటియా (35)తో కలిసి భారత ఇన్నింగ్స్‌ను చక్కదిద్దింది స్మృతి అద్భుతంగా బ్యాటింగ్ చేస్తూ, 121 బంతుల్లో 10 బౌండరీలతో తన సెంచరీని పూర్తి చేసింది. ఈ ఏడాది స్మృతి అద్భుత ఫామ్‌లో ఉండి, కేవలం 7 మ్యాచుల్లోనే మూడు సెంచరీలు సాధించింది తదుపరి భాగంలో, స్మృతి మంధాన, హర్మన్‌ప్రీత్ కౌర్ (59)తో కలిసి 117 పరుగుల భాగస్వామ్యాన్ని నెలకొల్పింది వీరి జోడి భారత్‌కు విజయాన్ని సునాయాసంగా అందించింది. ఈ విజయంతో, టీమిండియా మిగతా మ్యాచ్‌ల కోసం మరింత ఉత్సాహంతో ముందుకు సాగుతోంది స్మృతి మంధాన ఇంతటి అద్భుత రికార్డును సాధించడమే కాకుండా, తన నిరంతర ఫామ్‌తో భారత మహిళా క్రికెట్ జట్టులో ప్రధానంగా నిలుస్తోంది.