సట్టం ఎన్ కైయిల్ సినిమా, కోలీవుడ్ కమెడియన్ సతీష్ ప్రధాన పాత్రలో నటించిన క్రైమ్ థ్రిల్లర్, బాక్సాఫీస్ వద్ద మంచి విజయాన్ని సాధించింది. ఈ సినిమా యొక్క కథాంశం, ప్రేక్షకులను కట్టిపడేసేలా ఉంచడంతో పాటు, బాక్సాఫీస్ వద్ద నిర్మాతలకు గణనీయమైన లాభాలను అందించింది. ఈ చిత్రానికి చాచి దర్శకత్వం వహించగా, ఇతర ముఖ్య పాత్రల్లో మైమ్ గోపి, అజయ్ రాజ్ వంటి నటులు పాలు పంచుకున్నారు. ఈ సినిమాకు విభిన్నమైన ప్రమోషన్లు నిర్వహించడంతో, ప్రేక్షకుల్లో ఆసక్తి మరింతగా పెరిగింది టీమిండియా క్రికెటర్ రవిచంద్రన్ అశ్విన్ కూడా ఈ సినిమా ప్రమోషన్లలో పాల్గొనడం విశేషం. సెప్టెంబర్ 27న థియేటర్లలో విడుదలైన సట్టం ఎన్ కైయిల్ , ప్రేక్షకుల నుండి మంచి స్పందనను అందుకుంది. తాజాగా, ఈ సినిమా డిజిటల్ స్ట్రీమింగ్ హక్కులను అమెజాన్ ప్రైమ్ వీడియో కొనుగోలు చేసింది. నవంబర్ 8న ఈ క్రైమ్ థ్రిల్లర్ తమిళం తెలుగ కన్నడ మలయాళం, మరియు హిందీ భాషల్లో స్ట్రీమింగ్‌కి రానుంది. థ్రిల్లర్ చిత్రాలను ఇష్టపడే ప్రేక్షకులు, ఈ సినిమాను ఓటీటీలో ఆస్వాదించడానికి ఉత్సాహంగా ఉన్నారు.
“సట్టం ఎన్ కైయిల్” రివెంజ్ థ్రిల్లర్ పాయింట్‌ను ఆధారంగా తీసుకొని తెరకెక్కించబడింది. దర్శకుడు చాచి, రొటీన్ కథకు కొత్త ట్రీట్మెంట్ ఇవ్వడంతో, సినిమాకు ఇంట్రెస్టింగ్ ట్విస్ట్‌లు జోడించి ప్రేక్షకులను ఆకట్టుకున్నారు కామెడీ పాత్రలలో ఎక్కువగా నటించిన సతీష్ , ఈ సినిమాలో పూర్తిగా సీరియస్ పాత్రలో కనిపించి, తన నటనతో విమర్శకుల ప్రశంసలను అందుకున్నాడు సినిమా కథలో గౌతమ్ అనే కామన్ మ్యాన్ పాత్రలో సతీష్ నటించాడు. ఒక రాత్రి కార్ డ్రైవ్ చేస్తూ వెళుతుండగా, మంచు కారణంగా ఒక బైకర్‌ను ఢీకొడతాడు బైకర్ అక్కడే చనిపోతాడు. గౌతమ్, డెడ్ బాడీని తన కారులో దాచిపెట్టి, అక్కడి నుండి తప్పించుకోవడానికి ప్రయత్నిస్తాడు. తరువాత, పోలీసులు ఆ బైకర్ కోసం వెతకడం ప్రారంభిస్తారు. గౌతమ్ చంపిన వ్యక్తి ఎవరు? పోలీసులు గౌతమ్‌ను పట్టుకోవడంలో విజయం సాధించారా? అనే ప్రశ్నలకు సమాధానం ఈ కథలో ఉంది. పోలీస్ ఆఫీసర్లు నాగరాజ్ (అజయ్ రాజ్), బాషా (పావెల్ నవగీతం) కారణంగా గౌతమ్ ఏయే సమస్యలను ఎదుర్కొన్నాడన్నది కథా సరాంశం.
కమెడియన్‌గా ప్రసిద్ధి చెందిన సతీష్‌కి, ఈ సినిమా హీరోగా అతని రెండవ ప్రాజెక్ట్. కంజూరింగ్ కన్నప్పన్ తరువాత, హీరోగా నటించిన ఈ చిత్రం సతీష్‌కి మంచి గుర్తింపు తెచ్చింది. ఈ చిత్రం ద్వారా సీరియస్ పాత్రలను కూడా తానూ చేయగలడని సతీష్ నిరూపించుకున్నాడు “సట్టం ఎన్ కైయిల్” సినిమా, ప్రేక్షకులను ఆఖరి వరకు కట్టిపడేసేలా అద్భుతమైన కథ, థ్రిల్లింగ్ ట్విస్ట్‌లతో నిండిన క్రైమ్ థ్రిల్లర్. సతీష్ తన నటనతో కొత్త వైపును చూపించాడు. అమెజాన్ ప్రైమ్ వీడియోలో విడుదల కాబోతున్న ఈ సినిమా, అన్ని ప్రధాన భాషల్లో ప్రేక్షకులను మరింతగా అలరిస్తుంది.