సూపర్ స్టార్ మహేశ్ బాబు హీరోగా దర్శక ధీరుడు రాజమౌళి దర్శకత్వంలో రూపొందనున్న భారీ యాక్షన్ అడ్వెంచర్ థ్రిల్లర్‌పై సినీ ప్రేక్షకుల్లో భారీ అంచనాలు ఉన్నాయి ఈ చిత్రం గురించి ప్రతి చిన్న అప్‌డేట్ ప్రేక్షకుల్లో ఆసక్తిని పెంచుతూ సోషల్ మీడియాలో వైరల్ అవుతోంది ఈ ప్రెస్టీజియస్ ప్రాజెక్ట్ 2025 జనవరిలో సెట్స్‌పైకి వెళ్లనుంది ప్రముఖ కథ రచయిత విజయేంద్ర ప్రసాద్ ఈ చిత్రానికి కథ అందిస్తున్నారు రాజమౌళి గత చిత్రాల తరహాలోనే ఇది కూడా భారీ విజువల్ ఫీస్ట్‌గా ఉండబోతుందని సమాచారం ఈ సినిమా ప్రీ ప్రొడక్షన్ పనులు ఇప్పుడే మొదలయ్యాయి ఈ క్రమంలో కొన్ని ఆసక్తికర విషయాలు బయటకు వస్తున్నాయి.
ఇటీవల ఒక నేషనల్ ఈవెంట్‌లో పాల్గొన్న రాజమౌళి మహేశ్ బాబుతో తీయబోయే ఈ చిత్రం గురించి కొన్ని ఆసక్తికరమైన విషయాలు వెల్లడించారు ఆయన మాట్లాడుతూ “నాకు జంతువులంటే ఎంతో ఇష్టం నా గత చిత్రాల్లో ‘మగధీర’ ‘యమదొంగ’ ‘బాహుబలి’ వంటి సినిమాల్లో జంతువులను ప్రధాన పాత్రలో చూపించాను రాబోయే మహేశ్ బాబు చిత్రంలో ‘ఆర్‌ఆర్‌ఆర్‌’ కంటే కూడా ఎక్కువగా జంతువులు కనిపిస్తాయి” అని తెలిపారు ఈ చిత్రం అడ్వెంచర్ థ్రిల్లర్ నేపథ్యంలో అమెజాన్ అడవుల్లో సాగే కథతో రూపొందనుంది మహేశ్ బాబు ఈ సినిమాలో పూర్తిగా కొత్త లుక్‌లో కనిపించనున్నారు పొడవాటి జుట్టు గడ్డంతో పాటు ఆయన పాత్రకు డిఫరెంట్ శైలిని అందించనున్నారు.
ఇక ఈ సినిమాకి ప్రత్యేకత ఏమిటంటే అత్యాధునిక టెక్నాలజీ ఆర్టిఫిషియల్ ఇంటెలిజెన్స్ (AI) సాయంతో ఈ సినిమాను నిర్మించబోతున్నారు దీనికోసం రాజమౌళి స్వయంగా పలు కోర్సులు చేస్తూ AI పరిజ్ఞానం పెంపొందించుకుంటున్నారట ఈ ప్రాజెక్ట్ కోసం ప్రపంచ ప్రఖ్యాత AI స్టూడియోలతో కలిసి పనిచేయడానికి ప్లాన్ చేస్తున్నారు అంతేకాదు ఈ సినిమా రెండు భాగాలుగా తెరకెక్కే అవకాశం ఉంది అంతర్జాతీయ స్థాయిలో ఈ చిత్రాన్ని నిర్మించి భారతీయ భాషలతో పాటు విదేశీ భాషల్లోనూ విడుదల చేయడానికి టీమ్ ప్లాన్ చేస్తోంది మహేశ్ బాబు-రాజమౌళి కాంబినేషన్‌లో రాబోతున్న ఈ చిత్రంపై అభిమానుల్లో ఇప్పటికే భారీ అంచనాలు ఉన్నాయి ఇది ఇండియన్ సినిమా స్థాయిని మరింతగా పెంచే ప్రాజెక్ట్‌గా నిలుస్తుందని సినీ విశ్లేషకులు భావిస్తున్నారు.