ప్రభాస్ ప్రస్తుతం మారుతి దర్శకత్వంలో రాజా సాబ్ సినిమా పనిలో బిజీగా ఉన్నారు, దాంతో పాటు మరో భారీ ప్రాజెక్ట్ కోసం సన్నద్ధమవుతున్నారు. ప్రభాస్, హను రాఘవపూడి దర్శకత్వంలో ఓ ప్రేమకథా చిత్రం చేసేందుకు కమిట్ అయ్యాడు. ఈ సినిమా ఇప్పటికే పూజా కార్యక్రమాలతో అధికారికంగా ప్రారంభమైంది, ఈ చిత్రానికి ఫౌజీ అనే టైటిల్ పెట్టే అవకాశముంది.ఈ చిత్రంలో హీరోగా ప్రభాస్ హీరోయిన్‌గా ఇమాన్వీ నటిస్తున్నారు. ఈ సినిమాలో ప్రతినాయక పాత్ర కోసం దర్శకుడు హను రాఘవపూడి ప్రముఖ హీరో గోపిచంద్ ను సంప్రదించాడు గతంలో ప్రభాస్ సినిమాల్లో గోపిచంద్ విలన్ పాత్రలు పోషించిన సంగతి తెలిసిందే వర్షం వంటి చిత్రాల్లో విలనిజం చేసి ప్రభాస్ తో మంచి స్నేహబంధం ఏర్పడిన గోపిచంద్ మరోసారి ప్రభాస్ సినిమాలో ప్రతినాయక పాత్ర చేయడానికి ఆసక్తిగా ఉన్నాడు.
ఫౌజీ సినిమా 1940ల కాలం నేపథ్యంలో తెరకెక్కనుంది. ఇందులో సీనియర్ హీరోయిన్ జయప్రద కూడా ఓ కీలక పాత్రలో కనిపించనున్నారు. ఈ చిత్రం యుద్ధం, ప్రేమకథ మరియు ఎమోషనల్ అంశాలతో కూడిన ఒక సరికొత్త కథనంగా ఉండబోతుంది. ఇది ప్రభాస్ అభిమానులకు మరింత ఉత్సాహాన్ని కలిగించే ప్రాజెక్ట్ గోపిచంద్ తన కెరీర్ ను విలన్ గా ప్రారంభించి, ఆ తర్వాత హీరోగా ఎదిగిన నటుడు. మొదట తొలివలపు సినిమాతో హీరోగా పరిచయమైనా ఆ సినిమా విజయవంతం కాకపోవడంతో విలన్ పాత్రలు చేస్తూ తనను తాను తిరిగి నిరూపించుకున్నాడు. జయం నిజం వర్షం వంటి సినిమాలలో విలనిజం చేసి తనకంటూ ప్రత్యేక గుర్తింపు తెచ్చుకున్నాడు తర్వాత యజ్ఞం చిత్రంతో హీరోగా తిరిగి వచ్చిన గోపిచంద్, ఆంధ్రుడు రణం వంటి సినిమాలతో తన సక్సెస్ ట్రాక్ కొనసాగించాడు అయితే 2014లో లౌఖ్యం చిత్రంతో కెరీర్‌లో బిగ్గెస్ట్ హిట్ అందుకున్న గోపిచంద్, తర్వాతి దశాబ్దంలో పెద్దగా విజయాలు దక్కించుకోలేకపోయాడు.
గోపిచంద్ హీరోగా చేసిన సౌఖ్యం గౌతమ్ నంద ఆక్సిజన్ పంతం సీటిమార్ పక్కా కమర్షియల్ వంటి సినిమాలు బాక్సాఫీస్ దగ్గర పెద్దగా ప్రభావం చూపలేకపోయినా, గౌతమ్ నంద అండర్‌రేటెడ్‌గా మంచి గుర్తింపు తెచ్చుకుంది.గోపిచంద్ ఈ మధ్యకాలంలో కొత్త ప్రాజెక్ట్ గురించి ఎలాంటి ప్రకటన చేయలేదు. అభిమానులు ఆయన నుంచి మరో హిట్ కోసం ఆసక్తిగా ఎదురుచూస్తున్నారు.