కుక్కలు,పిల్లులు పెంచుకుంటారు.కొంత మంది పులులు,సింహాలు కూడా పెంచుతారు.కానీ దెయ్యాలు పెంచుకునే వాళ్లు ఎవరైనా ఉన్నారంటూ? బాలీవుడ్‌లో ఓ ప్రొడక్షన్ హౌస్ ఈ అద్భుతమైన పని చేస్తోంది.మూడేళ్ల వయస్సుకు సరిపడా దెయ్యాలను రెడీ చేసి, వాటిని పెంచుకుంటున్నారు.ఇక, ఈ దెయ్యాలు ఏ విధంగా ఉంటాయో చెప్పగలరా? ప్రస్తుతం బాలీవుడ్‌లో దెయ్యాల సినిమా ట్రెండ్ నడుస్తుంది.మార్కెట్లో ఏం నడుస్తున్నదీ చూసి, అలాంటి సినిమాలను తీసుకోవడం మంచిదని ప్రముఖ నిర్మాతలు చెబుతున్నారు. ఈ ట్రెండ్‌ను అనుసరిస్తూ, గత సంవత్సరం “భూల్ భులయ్యా 3 మరియు “స్త్రీ 2” వంటి సినిమాలు మంచి విజయాన్ని సాధించాయి. మరి, “ముంజ్యా” సినిమా కూడా అంచనాలు లేకుండా వచ్చినప్పటికీ బ్లాక్‌బస్టర్ అయింది.ఈ చిత్రాలు అన్నీ ఒకే ప్రొడక్షన్ హౌస్ నుంచి వచ్చాయి—అది “మ్యాడాక్” సంస్థ.తాజాగా,ఈ సంస్థ తన తరువాతి ప్రాజెక్టులను ప్రకటించింది.2028 వరకు ఈ సంస్థ నుంచి పలు హారర్ సినిమాలు విడుదల కాబోతున్నాయి.ఈ ఏడాది ప్రారంభంలో తమ దెయ్యాల అంచనాల దండయాత్ర ప్రారంభం కానుంది. ఇందులో రష్మిక మందన్న హీరోయిన్‌గా నటిస్తోంది,మరియు ఈ సినిమా దివాళికి విడుదల అవుతుంది. డిసెంబర్‌లో “శక్తి షాలిని” అనే సినిమా విడుదల కాబోతుంది. ఇందులో అలియా భట్ నటించే అవకాశాలు ఉన్నట్లు తెలుస్తోంది.
2026లో “భేడియా 2” వస్తుంది, ఇందులో వరుణ్ ధావన్ ప్రధాన పాత్రలో కనిపించనున్నారు. “భేడియా” 2022లో ఈ సంస్థ నుంచి వచ్చిన చిత్రం. అదే సంవత్సరం “చాముందా” అనే సినిమా కూడా రాబోతుంది. ఇందులో అక్షయ్ కుమార్ హీరోగా నటించే అవకాశం ఉంది.2027లో “స్త్రీ 3” మరియు “మహా ముంజ్యా” చిత్రాలు ప్రేక్షకులను అలరించనున్నాయి. ఇవి “స్త్రీ” మరియు “ముంజ్యా” సినిమాల ఫ్రాంచైజీకి కొనసాగింపు. 2028లో “పెహ్లా మహాయుద్ధ్” మరియు “దూస్రా మహాయుధ్” విడుదల అవుతాయి. స్పష్టంగా, “మ్యాడాక్” సంస్థ ప్రస్తుతం దెయ్యాల కోటగా మారిపోయింది.
