మెల్బోర్న్ వేదికగా భారత్తో జరిగిన నాలుగో టెస్టు తొలి రోజున ఆస్ట్రేలియా బ్యాట్స్మెన్లు అద్భుత ప్రదర్శన కనబరిచారు. బోర్డర్-గవాస్కర్ ట్రోఫీ సిరీస్లో భాగమైన ఈ మ్యాచ్లో,ఆస్ట్రేలియా జట్టులోని టాప్ నాలుగు బ్యాట్స్మెన్లు 50కు పైగా పరుగులు చేయడం విశేషం.ఇది 2015లో ధోని రిటైర్మెంట్ సిరీస్ను తలపించే విధంగా ఉంది. సామ్ కాన్స్టాస్, ఉస్మాన్ ఖవాజా, మార్నస్ లాబుషాగ్నే, స్టీవ్ స్మిత్ తమ అర్ధశతకాలతో ఆసీస్ జట్టును ముందుకు నడిపారు. ఇది దాదాపు పదేళ్ల తర్వాత సొంత గడ్డపై ఆస్ట్రేలియా జట్టు ఇలాంటి ప్రదర్శన చేయడం.విశేషం ఏమిటంటే, 2015లో సిడ్నీలో జరిగిన మ్యాచ్లోనూ ఇలాంటి ఫీట్ భారత్పైనే సాధించడమే.సామ్ కాన్స్టాస్ తన తొలి టెస్టులోనే ఆకట్టుకున్నాడు. తొలి ఇన్నింగ్స్లో 60 పరుగులు సాధించి జట్టు కోసం కీలకంగా నిలిచాడు.ఆ ఇన్నింగ్స్లో ఆరు ఫోర్లు, రెండు సిక్సర్లు ఉన్నాయి. అయితే,రవీంద్ర జడేజా బౌలింగ్లో అతను ఔటయ్యాడు.
ఖవాజా తన క్లాస్ను మరోసారి రుజువు చేశాడు. 121 బంతుల్లో 57 పరుగులు చేసిన అతను,ఆరు ఫోర్లతో దూకుడు చూపించాడు. లాబుషాగ్నే 145 బంతుల్లో 72 పరుగులతో రాణించాడు.ఆ ఇన్నింగ్స్లో ఏడు ఫోర్లు ఉన్నాయి.వాషింగ్టన్ సుందర్ బౌలింగ్లో అతను ఔటయ్యాడు.ఇక స్టీవ్ స్మిత్, ఈ సిరీస్లో రెండోసారి 50+ స్కోరు సాధించి జట్టుకు నిలదొక్కే ఆటను అందించాడు. 2015లో సిడ్నీ టెస్టులో ఆసీస్ టాప్-6 బ్యాట్స్మెన్లు 50కు పైగా స్కోరు చేశారు. క్రిస్ రోజర్స్ (95), డేవిడ్ వార్నర్ (101), షేన్ వాట్సన్ (81), స్టీవ్ స్మిత్ (117), షాన్ మార్ష్ (73), జో బర్న్స్ (58) తమ అద్భుత ప్రదర్శనతో ఆకట్టుకున్నారు. ఆ మ్యాచ్ డ్రాగా ముగిసింది. స్మిత్ అప్పట్లో ప్లేయర్ ఆఫ్ ద మ్యాచ్గా నిలిచాడు. మెల్బోర్న్ టెస్టులో ఇలాంటి స్థాయి ప్రదర్శనను తిరిగి చూపించడంతో, ఆసీస్ జట్టు సుదీర్ఘంగా ఆడగలిగే స్థితిని నిలబెట్టుకుంది.
